ໃນສົງຄາມໂລກຄັ້ງທີສອງ ໄດ້ມີ 60 ກວ່າປະເທດແລະເຂດແຄວ້ນເຂົ້າຮ່ວມສົງຄາມຢ່າງຕໍ່ເນື່ອງກັນ ກ່ຽວພັນເຖິງປະຊາກອນ 2 ຕື້ຄົນ ພາກພື້ນສູ້ລົບກວມ 22 ລ້ານກິໂລແມັດຕາ ສອງຝ່າຍທີ່ລົບເລວກັນຕ່າງໄດ້ລະດົມກຳລັງທະຫານເຖິງ 110 ລ້ານຄົນ ທະຫານແລະສາມັນຊົນທີ່ເສຍຊີວິດໃນສົງຄາມໄດ້ລື່ນກາຍ 55 ລ້ານຄົນ ລາຍຈ່າຍການທະຫານໂດຍກົງລວມປະມານ1300 ຕື້ໂດລາສະຫະ ລັດ ກວມລາຍຮັບແຫ່ງຊາດຂອງປະເທດຄູ່ສົງຄາມ 60% ຮອດ 70% ,ຍອດມູນຄ່າເສຍຫາຍດ້ານວັດຖຸຂອງປະເທດທີ່ເຂົ້າຮ່ວມສົງຄາມໄດ້ບັນລຸເຖິງ 4 ພັນຕື້ໂດລາສະຫະລັດ ຈີນແມ່ນສະຫນາມລົບຕົ້ນຕໍທີ່ຕໍ່ຕ້ານຍີ່ປຸ່ນຜູ່ຮຸກຮານ ສະຫະພາບໂຊຫວຽດແມ່ນສະຫນາມລົບຕົ້ນຕໍທີ່ຕໍ່ຕ້ານຟັດຊິດເຢະລະມັນ ສອງປະເທດດັ່ງກ່າວໄດ້ຖືກເສຍຫາຍຫນັກຫນ່ວງກວ່າຫມູ່ ໃນຄວາມເສຍຫາຍທັງຫມົດຂອງປະເທດທີ່ເຂົ້າຮ່ວມສົງຄາມໂລກຄັ້ງທີສອງນັ້ນມີ 41%ແມ່ນຄວາມເສຍຫາຍຂອງໂຊຫວຽດ ໃນສົງຄາມຕໍ່ຕ້ານຍີ່ປຸ່ນ 8 ປີ ຈີນມີພີ່ນ້ອງຮ່ວມຊາດລວມ 35 ລ້ານກວ່າຄົນເສຍຊີວິດແລະບາດເຈັບ,ກວມ42%ຂອງຍອດຈຳນວນຜູ່ເສຍຊີວີດໃນປະເທດທີ່ເຂົ້າຮ່ວມສົງຄາມໂລກຄັ້ງທີສອງ ເສຍຫາຍຊັບສິນແລະສິ້ນເປືອງວັດຖຸກວ່າ100 ຕື້ໂດລາສະຫະລັດ ປະຊາຊົນຈີນໄດ້ເສຍສະຫຼະທາງປະຊາຊາດຢ່າງມະຫາສານແລະປະກອບສ່ວນອັນສຳຄັນທາງປະຫວັດສາດໃຫ້ແກ່ໄຊຊະນະຂອງສົງຄາມຕ້ານຟັດຊິດຂອງໂລກ ໃນໄລຍະສົງຄາມປ້ອງກັນຊາດໂຊຫວຽດແຕ່ປີ 1941 ຮອດປີ 1945 ,ຕາມຊໍ້ມູນເອກະສານໃຫມ່ສຸດທີ່ລັດເຊຍປະກາດ,ໃນ 27 ລ້ານຄົນທີ່ເສຍຊີວິດໃນສົງຄາມ ນັ້ນ ມີນັກລົບກອງທັບແດງໂຊຫວຽດ 8 ລ້ານ 6 ແສນ 6 ຫມື່ນ 8 ພັນ 4 ຮ້ອຍຄົນ ຄວາມເສຍຫາຍດ້ານວັດຖຸໄດ້ມີເຖິງ 679 ຕື້ ລຸບ ຕາມລາຄາປີ 1941 ຕາມເອກະສານປະຫວັດສົງຄາມ ອາເມລິກາມີ 4 ແສນກວ່າຄົນເສຍຊີວິດໃນສົງຄາມໂລກຄັ້ງທີສອງ ອັງກິດກໍມີທະຫານ 2 ແສນ 7 ຫມື່ນຄົນເສຍຊີວິດໃນສົງຄາມເທື່ອນີ້
ເຢຍລະມັນ ຍີ່ປຸ່ນແລະອີຕາລີແມ່ນຫົວໂປ່ເຈົ້າໂທດທີ່ກໍ່ສົງຄາມໂລກຄັ້ງທີສອງ ໄດ້ຖືກປະເທດແລະປະຊາຊົນທີ່ຕ້ານຟັດຊິດລົງໂທດເທົ່າທີ່ຄວນ ຕາມສະຖິຕິ ໃນສົງຄາມ ຄົນເຢຍລະມັນທີ່ເສຍຊີວິດແລະຖືກເຈັບເປັນຊະເລີຍເສິກ ມີ13 ລ້ານ 6 ແສນຄົນ ຢູ່ສະຫນາມລົບໂຊວຽດແລະເຢຍລະມັນ ຈຳນວນຜູ່ເສຍຊີວິດຂອງທະຫານເຢຍລະມັນກັບທະຫານພັນທະມິດຂອງເຂົາໄດ້ມີຄົນຕາຍເຖິງ 6 ລ້ານກວ່າຄົນ ຍີ່ປຸ່ນໄດ້ມີ 1 ລ້ານ 5 ແສນຄົນຕາຍຢູ່ສະຫນາມລົບຈີນ ມີ 1 ລ້ານ 2 ແສນ 4 ຫມື່ນ 7 ພັນຄົນຕາຍຢູ່ສະຫນາມລົບປາຊີຟິກ ອີຕາລີເສຍຫາຍ1 ແສນ 6 ຫມື່ນກວ່າຄົນ
ສົງຄາມຮຸກຮານທີ່ເຢຍລະມັນ ຍີ່ປຸ່ນແລະອີຕາລີກໍ່ຂຶ້ນໄດ້ເຮັດໃຫ້ປະຊາຊົນຂອງປະເທດເຫຼົ່ານີ້ຖືກທຳຮ້າຍຢ່າງຫນັກຫນ່ວງ ຢູ່ໃນດິນແດນເຢຍລະມັນເອງ ມີສາມັນຊົນ 4 ລ້ານຄົນເສຍຊີວິດຍ້ອນໄຟສົງຄາມ ມີ14 ລ້ານຄົນບໍ່ມີບ່ອນເພິ່ງພາອາໄສ ເດືອນສິງຫາປີ 1945 ເມືອງຮີໂລຊີມາແລະນາກາຊາຄີຂອງຍີ່ປຸ່ນໄດ້ຖືກອາເມລິກາຖິ້ມລູກລະເບີດປະລະມານູໃສ່ ໃນຄາວນັ້ນມີ 2ແສນກວ່າຄົນເສຍຊີວິດແລະບາດເຈັບ
|