|
|
 |
| (GMT+08:00)
2005-05-12 21:42:32
|
 |
|
ກ່ຳປັ່ນໂດຍສານທັນສະໄຫມລຳທຳອິດຂອງໂລກ
cri
Author: li
ວັນທີ 22 ພະຈິກ ປີ 1907,ໃນເວລາກ່ຳປັ່ນໂດຍສານໂມລີຕານີເຊິ່ງເປັນກ່ຳປັ່ນທັນສະໄຫມລຳທຳອິດໃນໂລກເດີນຜ່ານມະຫາສະຫມຸດອັດລັງຕິກໄປຮອດນິວຢອກຢ່າງສຳເລັດຜົນເປັນຄັ້ງທຳອິດນັ້ນ,ຄົນທັງຫຼາຍໄດ້ສະແດງຄວາມຊົມເຊີຍກວຍສຽງຕົບມືຢ່າງຟົດສະຫນັ່ນແລະສຽງໄຊໂຍໂຮຮ້ອງຫວັນໄຫວ,ທີ່ຈິງແລ້ວ,ກ່ຳປັ່ນໂມລີຕານີກາຍເປັນກ່ຳປັ່ນໂດຍສານທັນສະໄຫມລຳທຳອິດໃນໂລກແມ່ນເລື່ອງບັງເອີນ.ໃນຄາວນັ້ນ,ເຄື່ອງຈັກຕວນບິນແກັສແບບໃຫມ່ໄດ້ຄົ້ນຄວ້າຜະລິດອອກມາແລ້ວ,ຈະຕິດຕັ້ງເຄື່ອງໂມເຕີແບບນີ້ໃສ່ກ່ຳປັ່ນໂມລີຕານີທີ່ສ້າງໃຫມ່ຫຼືບໍ່?ພາຍໃນບໍລິສັດກ່ຳປັ່ນໂກນາດ,ເຈົ້າຂອງກ່ຳປັ່ນໂມລີຕານີໄດ້ມີການໂຕ້ຖຽງກັນຢ່າງດຸເດືອດ,ໃນຂະນະທີ່ສອງຝ່າຍຕ່າງບໍ່ຜ່ອນສັ້ນຜ່ອນຍາວໃຫ້ແກ່ກັນນັ້ນ,ມີຄົນສະເຫນີອອກມາໃຫ້ປ່ອນບັດຕົກລົງ,ໃນທີ່ສຸດ,ຝ່າຍປະຕິຮູບໄດ້ເອົາຊະນະ
ກ່ຳປັ່ນໂມລີຕານີທີ່ປະກົດຕົວຢູ່ມະຫາສະຫມຸດອັດລັງຕິກແມ່ນປະຈັກຕາຊາວໂລກທີ່ສຸດ,ກ່ຳປັ່ນໃຫຍ່ໂຕຫຼູຫຼາພິເສດລຳນີ້,ກໍເຫມືອນດັ່ງຕົວເມືອງທີ່ເຄື່ອນທີ່ບົນທະເລ,ໃນກ່ຳປັ່ນໂດຍສານລຳນີ້ມີຫ້ອງບຸດຫຼູຫຼາຄືພະລາຊະວັງ,ໃຫຍ່ພໍຈັດງານເຕັ້ນລຳອັນໃຫຍ່ໂຕມະໂຫລານຫຼືງານຊຸມນຸມນັກຂ່າວໄດ້,ແຕ່ເປັນອັນຈະແຈ້ງແລ້ວວ່າ,ສິ່ງທີ່ເຈົ້າຂອງກ່ຳປັ່ນຖືເປັນເອກອ້າງພູມໃຈນັ້ນແມ່ນກ່ຳປັ່ນໂມລີຕານີໄດ້ຕາງຫນ້າໃຫ້ແກ່ຜົນສຳເລັດທັງຫມົດຂອງການປະຕິວັດອຸດສາຫະກຳ,ຕົວກ່ຳປັ່ນແມ່ນຕໍ່ດ້ວຍແປ້ນເຫຼັກກ້າຫຼາຍພັນແຜ່ນ,ຊານແມ່ນເຮັດດ້ວຍແຜ່ນເຫຼັກກ້າທີ່ທັງເບົາທັງຫມັ້ນ,ກ່ຳປັ່ນນີ້ຍາວ 240,7 ແມັດ,ແມ່ນກ່ຳປັ່ນທີ່ຍາວກວ່າຫມູ່ແລະໄວກວ່າຫມູ່ໃນໂລກຄາວນັ້ນ,ບໍລິມາດບັນຈຸຂອງມັນກໍເຮັດໃຫ້ຄົນຕື່ນຕົກໃຈ,ມັນສາມາດບັນທຸກຜູ່ໂດຍສານໄດ້ 2335 ຄົນ,ມີລູກກ່ຳປັ່ນຊັ້ນຕ່າງໆ 812 ຄົນ,ຄວາມໄວຍິ່ງບໍ່ມີໃຜທຽບເທົ່າໃນໂລກຄາວນັ້ນ,ຈາກລີເວີພູນ ຮອດນິວຢອກພຽງແຕ່ກິນເວລາ 4 ມື້ກັບ 20 ຊົ່ວໂມງ 15 ນາທີທໍ່ນັ້ນ,ສິ່ງທີ່ສຳຄັນກວ່ານັ້ນແມ່ນ,ມັນສາມາດເດີນຢູ່ເຂດທະເລທັງຫມົດຕະຫຼອດ 24 ຊົ່ວໂມງໃນທຸກລະດູການ.
ຄຽງຄູ່ກັບກ່ຳປັ່ນໂມລີຕານີໄດ້ເດີນຢູ່ມະຫາສະຫມຸດອັດລັງຕິກເປັນປະຈຳ,ຍຸກສະໄຫມທີ່ກ່ຳປັ່ນແລ່ນດ້ວຍເຄື່ອງຈັກທັນສະໄຫມເດີນກ່ຳປັ່ນເປັນປະຈຳກໍໄດ້ເລີ່ມຕົ້ນແລ້ວ,ແຕ່ນັ້ນມາ,ການເດີນທາງຂີ່ກ່ຳປັ່ນໄປມາຕາມມະຫາສະຫມຸດອັດລັງຕິກລະຫວ່າງທະວີບເອີລົບກັບທະວີບອາເມລິກາເຫນືອກໍໄດ້ກາຍເປັນການເດີນທາງທີ່ມີສະເຫນ່ດູດດຶງຄົນທັງຫຼາຍທີ່ສຸດ,ແຕ່ລະປີຜູ່ທີ່ຂີ່ກ່ຳປັ່ນຂ້າມມະຫາສະຫມຸດອັດລັດຕິກໄດ້ລື່ນກາຍ 1 ລ້ານ 7 ແສນ 1 ຫມື່ນເທື່ອຄົນ,ຊຸມປີ 20—30 ສະຕະວັດທີ 20 ແມ່ນໄລຍະກະແສສູງທີ່ຄົນທັງຫຼາຍຂີ່ກ່ຳປັ່ນຜ່ານມະຫາສະຫມຸດອັດລັງຕິກອອກໄປທ່ຽວຕ່າງປະເທດ,ມີກ່ຳປັ່ນໂດຍສານປະມານ 80 ລຳໄດ້ໄປມາລະຫວ່າງເສັ້ນທາງເດີນກ່ຳປັ່ນເສັ້ນນີ້ເລື້ອຍໆ,ໃນເວລາກ່ຳປັ່ນເກືອບທຸກລຳເຂົ້າທຽບທ່ານັ້ນລ້ວນແຕ່ມີນັກຂ່າວໄປເອົາຂ່າວ,ດາລາຮູບເງົາ,ເຈົ້າຫນ້າທີ່ການທູດແລະບຸກຄົນທີ່ມີຊື່ສຽງໃນໂລກໄດ້ຈັດງານໃຫ້ສຳພາດຂ່າວຢູ່ໃນຫ້ອງເປັນຊຸດເທິງກ່ຳປັ່ນເລື້ອຍໆ.
ເສັ້ນທາງເດີນກ່ຳປັ່ນມະຫາສະຫມຸດອັດລັງຕິກເປັນປະຈຳເສັ້ນນີ້,ເຮັດໃຫ້ຫຼາຍຕົວເມືອງແລະປະເທດຂອງເອີລົບແລະອາເມລິກາຫັນເປັນອຸດສາຫະກຳ,ໂດຍສະເພາະແມ່ນປະເທດທີ່ອາໃສເສດຖະກິດຂາເຂົ້າຂາອອກເປັນຫຼັກແຫຼ່ງ,ເກືອບເວົ້າໄດ້ວ່າ,ເສດຖະກິດຂອງປະເທດເຫຼົ່ານີ້ລ້ວນແຕ່ແມ່ນໄດ້ພັດທະນາຂຶ້ນຍ້ອນຂີ່ກ່ຳປັ່ນຂະຫນາດໃຫຍ່,ກ່ຳປັ່ນກໍໄດ້ຊຸກຍູ້ແບບວິທີດຳລົງຊີວິດຂອງມວນມະນຸດມີການປ່ຽນແປງ,ເຮັດໃຫ້ການພົວພົນລະຫວ່າງບັນດາປະເທດໃນໂລກແຫນ້ນແຟ້ນເຂົ້າ,ໃນຊຸມປີ 90 ສະຕະວັດທີ 20 ,ໃນທົ່ວໂລກມີກ່ຳປັ່ນທັນສະໄຫມຂະຫນາດໃຫຍ່ປະມານ 2 ຫມື່ນລຳແລ່ນໄປມາລະຫວ່າງເຂດທະເລຕ່າງໆເພື່ອເຮັດການຄ້າລັກສະນະທົ່ວໂລກ,ສາມາດເວົ້າໄດ້ວ່າ,ແມ່ນເສັ້ນທາງເດີນມະຫາສະຫມຸດອັດລັງຕິກໄດ້ສ້າງພື້ນຖານໃຫ້ແກ່ການຄ້າສາກົນໃນຊູ່ມື້ນີ້,ໄດ້ບຸກເບີກສັງກາດໃຫມ່ຂອງການຄ້າສາກົນແລະການພົວພັນລະຫວ່າງຊາດ,ເມື່ອເວົ້າໃນຄວາມຫມາຍນີ້ແລ້ວເຫັນວ່າ,ການປະກອບສ່ວນໃຫ້ແກ່ການພັດທະນາຂອງສັງຄົມມະນຸດຂອງການເດີນະຫາສະຫມຸດຂອງກ່ຳປັ່ນໂມລີຕານີໃນຄາວນັ້ນແມ່ນໄດ້ລື່ນກາຍຄວາມຫມາຍທີ່ບັນທຸກຜູ້ໂດຍສານຫຼາຍພັນຄົນນັ້ນຢ່າງຫຼວງຫຼາຍ.
|
|
|
