|
|
 |
| (GMT+08:00)
2005-05-12 22:15:53
|
 |
|
ທ່ານຊີໂອຄອຟສ໌ກີ
cri
Author: li
 ຄຽງຄູ່ກັບວິທະຍາສາດເຕັກນິກຂອງມວນມະນຸດນັບມື້ນັບຂະຫຍາຍຕົວອອກ,ການຊອກຄົ້ນຂອງມວນມະນຸດຕໍ່ອາວະກາດຊັ້ນນອກກໍພວມຂະຫຍາຍໄປຫນ້າຢ່າງບໍ່ຢຸດຢັ້ງ,ເຮົາເຄີຍແນະນຳຄວາມຮູ້ໃນດ້ານນີ້ມາຫຼາຍແລ້ວ,ເຊັ່ນ:ດາວທຽມ,ເຮືອເຫາະຈັກກະວານເຊີນໂຈວ ເລກ 4 ແລະຍົນອະວະກາດຂອງອາເມລິກາເປັນຕົ້ນ,ການຍິງສົ່ງພາຫະນະເຫຼົ່ານີ້ຂຶ້ນສູ່ທ້ອງຟ້າໄດ້ຢ່າງສຳເລັດຜົນ, ລ້ວນແຕ່ອາໃສການປະດິດສ້າງລູກສອນໄຟຢ່າງສຳເລັດຜົນ,ຄັນຊັ້ນ,ແມ່ນໃຜເປັນຜູ້ປະດິດສ້າງລູກສອນໄຟ?
ລູກສອນໄຟບິນພຸ່ງຂຶ້ນສູ່ທ້ອງຟ້າເຄີຍແມ່ນຄວາມໃຝ່ຝັນຂອງມວນມະນຸດ,ປີ 1903,ທ່ານຊີໂອຄອຟສ໌ກີ ນັກວິທະຍາສາດລັດເຊຍໄດ້ປະກາດວິທະຍານິພົນບົດຫນຶ່ງທີ່ສະເທືອນວົງການວິທະຍາສາດຢ່າງຮຸນແຮງ,ວິທະຍານິພົນດັ່ງກ່າວໄດ້ຊັນນະສູດຄວາມອາດເປັນໄປໄດ້ຂອງການໃຊ້ພາຫະນະອາຍພົ່ນບິນຢູ່ລະຫວ່າງຫມູ່ດາວ,ແລ້ວໄດ້ສະຫຼຸບຫຼັກສູດການເຄື່ອນໄຫວຂອງລູກສອນໄຟຕ້ອງປະຕິບັດຄືຫຼັກສູດຊີໂອຄອຟສ໌ກີ ຫລັງຈາກນັ້ນ,23 ປີບົນພື້ນຖານຫຼັກສູດດັ່ງກ່າວ,ທ່ານໂກດັດນັກວິທະຍາສາດອາເມລິກາໄດ້ຍິງສົ່ງລູກສອນໄຟທີ່ໃຊ້ວັດຖຸເຊື້ອໄຟທາດແຫຼວລູກທຳອິດຂຶ້ນສູ່ທ້ອງຟ້າ,ເຖິງວ່າລູກສອນໄຟດັ່ງກ່າວບິນຢູ່ທ້ອງຟ້າພຽງແຕ່ 2,5 ວິນາທີກໍຕາມ,ພັດໄດ້ສ້າງພາບອັນລະຫງ່າລາສີໃນປະຫວັດການບິນອະວະກາດຂອງມວນມະນຸດ.
ຕໍ່ໄປພວກເຮົາເຈາະຈົງແນະນຳຊີໂອຄອຟສ໌ກີ ຜູ້ທີ່ໄດ້ຮັບນາມມະຍົດເປັນບິດາຂອງລູກສອນໄຟ.
ໄວເຍົາຂອງທ່ານຊີໂອຄອຟສ໌ກີ ແມ່ນບໍ່ເປັນຈັ່ງບຸນ,ເມື່ອທ່ານອາຍຸ 9 ປີຫູຂອງທ່ານຊີໂອຄອຟສ໌ກີ ເກືອບຫນວກຫມົດທັງສອງເບື້ອງຍ້ອນເປັນພະຍາດໄຂ້ຫມາກແດງ,ເມື່ອອາຍຸ 12 ປີ,ແມ່ຂອງທ່ານໄດ້ເຖິງແກ່ກຳ,ຫູຫນວກແລະຄວາມທຸກຈົນເຮັດໃຫ້ທ່ານບໍ່ມີຄວາມສາມາດເຂົ້າໂຮງຮຽນ,ແຕ່ວ່າທ່ານໄດ້ອ່ານປື້ມຄວາມຮູ້ທຳມະຊາດແລະຄະນິດສາດຫຼາຍເຫຼັ້ມຂອງພໍ່ແລ້ວ,ຮຽນຫລັກສູດມັດທະຍົມຈົນຈົບໂດຍຕົນເອງ,ໃນເວລາທ່ານໄດ້ມີຄວາມສົນໃຈນຳການເຄື່ອນໄຫວຂອງອາຍທ່ານຕິດອົກຕິດໃຈປານຖືກສະເຫນ່ທຸ່ມເທຄວາມຫ້າວຫັນທັງກາຍແລະໃຈ.
ປີ 1883 ,ທ່ານຊີໂອຄອຟສ໌ກີ ໄດ້ຂຽນວິທະຍານິພົນເລື່ອງ:ອະວະກາດເສລີບົດຄວາມບົດນີ້,ໄດ້ຊັນນະສູດຄວາມຄາດຄຶດການບິນຢູ່ອະວະກາດທີ່ມີກຳລັງດຶງດູດຄ່ອຍແລະບໍ່ມີແຮງຕ້ານຂອງອາກາດ,ທ່ານໄດ້ສະເຫນີຫລັກມູນອອກມາວ່າ,ການເຄື່ອນໄຫວຂອງເຮືອເຫາະຈັກກະວານຕ້ອງນຳໃຊ້ຫລັກມູນແຮງດັນຂອງອາຍພົ່ນ,ແລະໄດ້ແຕ້ມພາບຫຍໍ້ຂອງເຮືອເຫາະ,ທ່ານຍັງໄດ້ຄາດຄຶດເຮືອເຫາະຈັກກະວານເປັນຄືກັບຖັງໃຫຍ່ຫນ່ວຍຫນຶ່ງທີ່ໃສ່ອາຍອັດ,ເມື່ອເປີດສົ້ນຫນຶ່ງຂອງຖັງອອກ,ອາຍອັດອັນຮຸນແຮງກໍພົ່ນອອກມາຢ່າງບໍ່ຢຸດຢັ້ງ,ແລ້ວເກີດກຳລັງດັນອັນມະຫາສານຊຸກດັນໃຫ້ເຮືອເຫາະບິນຊັດໄປຫນ້າຢ່າງບໍ່ຢຸດຢັ້ງ.
ວິທະຍານິພົນບົດນີ້ເຮັດໃຫ້ທ່ານຊີໂອຄອຟສ໌ກີຂຶ້ນຊື່ລືນາມໃນບາດດຽວແຕ່ທ່ານບໍ່ໄດ້ລົດລະການຄົ້ນຄວ້າດັ່ງກ່າວ,ປີ 1903,ທ່ານຊີໂອຄອຟສ໌ກີໄດ້ສະເຫນີຫລັກສູດພື້ນຖານກ່ຽວກັບຄວາມໄວຂອງລູກສອນໄຟຫລັງຈາກການປະຕິບັດເດືອນຕຸລາ,ທ່ານສືບຕໍ່ຄົ້ນຄວ້າຫລັກມູນການບິນຂອງເຮືອບິນອາຍພົ່ນແລະສະເຫນີທິດສະດີກ່ຽກັບເຮືອເຫາະລົງຈອດຢູ່ເທິງຜິວໂລກອື່ນ,ໃນໄລຍະນີ້,ທ່ານໄດ້ປະກາດວິທະຍານິພົນ 450 ບົດ,ໂດຍສະເພາະແມ່ນປີ 1929 ,ທ່ານໄດ້ວາງຄວາມຄາດຄຶດກ່ຽວກັບອົງປະກອບຫຼາຍຖ້ານຂອງລູກສອນໄຟ,ຄວາມາຄາດຄຶດທີ່ມີຫົວຄຶດປະດິດສ້າງດັ່ງກ່າວໄດ້ອຳນວຍຫລັກອ້າງອີງໃຫ້ແກ່ການຄົ້ນຄວ້າຜະລິດລູກສອນໄຟຍານສົ່ງທີ່ປັດປ່າຍກຳລັງດຶງດູດຂອງຫນ່ວຍໂລກ.
ການຄົ້ນຄວ້າຂອງທ່ານຊີໂອຄອຟສ໌ກີ ໄດ້ໃຫ້ຜົນສະທ້ອນຕໍ່ການຄົ້ນຄວ້າຂອງຄົນຮຸ່ນຫນຶ່ງ,ບົນພື້ນຖານຫຼັກສູດຂອງທ່ານຊີໂອຄອຟສ໌ກີໃນຕອນບ່າຍວັນທີ 16 ມີນາປີ 1926 ,ທ່ານໂກດັດ ນັກຟິຊິກສາດອາເມລິກາໄດ້ຍິງສົ່ງລູກສອນໄຟທີ່ໃຊ້ວັດຖຸເຊື້ອໄຟທາດແຫຼວລູກທຳອິດໃນໂລກທີ່ທ່ານຄົ້ນຄວ້າຜະລິດເອງຢ່າງສຳເລັດຜົນ,ໃນຕະຫຼາດຊີວິດຂອງທ່ານໂກດັດ ທ່ານໄດ້ສຸມກຳລັງຄົ້ນຄວ້າລູກສອນໄຟຍານສົ່ງແລະໄດ້ຮັບສິດທິບັດ 200 ກວ່າລາຍໃນດ້ານເຕັກນິກລູກສອນໄຟຍານສົ່ງແລະການບິນອະະກາດ,ຈົນໄດ້ນາມະຍົດເປັນບິດາຂອງເຕັກນິກລູກສອນໄຟຍານສົ່ງຍຸກປະຈຸບັນ.
ລູກສອນໄຟຍານສົ່ງຂອງທ່ານໂກດັດແມ່ນໄດ້ຍິງສົ່ງສຳເລັດຜົນຢູ່ນິຄົມກະເສດຊານເມືອງລັດແມັດເຊັດຊູຊັດແຫ່ງອາເມລິກາ,ລູກສອນໄຟໄດ້ບິນ 2,5 ວິນາທີ,ບິນສູງ 12 ແມັດ,ເວລາມັນຕົກລົງມາ,ຫ່າງຈາກແທ່ນຍິງສົ່ງ 56,12 ແມັດ.
ເມື່ອທ່ານຊີໂອຄອຟສ໌ກີທີ່ຢູ່ລັດເຊຍໄດ້ຍິນຂ່າວນີ້ແລ້ວ,ທ່ານກໍຮູ້ສຶກຕື່ນເຕັ້ນຢ່າງຫາອັນປຽບບໍ່ໄດ້,ເຊັ່ນດຽວກັນ,ເຖິງວ່າທ່ານບໍ່ໄດ້ເຮັດໃຫ້ຄວາມໃຝຝັນທີ່ບິນຂຶ້ນສູ່ອະວະກາດຂອງມວນມະນຸດໃຫ້ປະກົດເປັນຈິງໂດຍຕົນເອງກໍຕາມ,ແຕ່ວ່າ,ໃນຂະບວນການບັນລຸຄວາມໃຝ່ຝັນດັ່ງກ່າວ,ກໍມີການປະດິດສ້າງຂອງທ່ານ,ທ່ານຊີໂອຄອບຟສ໌ກີ ສົມໄດ້ນາມະຍົດອັນມີກຽດເປັນບິດາແຫ່ງລູກສອນໄຟ.
|
|
|
