|
|
 |
| (GMT+08:00)
2005-05-13 16:41:25
|
 |
|
ສື່ມວນຊົນຕົ້ນຕໍຂອງເຢຍລະມັນຕິຕຽນຍີ່ປຸ່ນບໍ່ສຳຫລວດຕົນເອງຢ່າງຈິງໃຈຕໍ່ປະຫວັດສາດ
cri
Author: sayvanny
ຕາມຂ່າວສານຊີນຮວາ: ຫວ່າງມໍ່ໆນີ້, ສື່ມວນຊົນເຢຍລະມັນໄດ້ສົນໃຈຫລາຍນຳສະພາວະການກ່ຽວກັບລັດຖະບານຍີ່ປຸ່ນອະນຸມັດແບບຮຽນປະ ຫວັດສາດທີ່ໄດ້ດັດແກ້ແລະເຮັດໃຫ້ປະເທດອ້ອມຂ້າງປະທ້ວງຢ່າງຮຸນແຮງ.ໃນຂະນະທີ່ສື່ມວນຊົນຕົ້ນຕໍຂອງເຢຍລະມັນໄດ້ລາຍງານເລື່ອງນີ້ຢ່າງເຕັມສ່ວນ,ຍັງທະຍອຍກັນພິມບົດຄວາມ, ຕິຕຽນຢ່າງເຂັ້ມງວດຕໍ່ຍີ່ປຸ່ນທີ່ບໍ່ຍອມ ສຳຫລວດຕົນເອງຢ່າງຈິງໃຈຕໍ່ໂທດກຳທີ່ເຫມັນແຕ່ຄາວເລືອດຕໍ່ປະເທດອ້ອມຂ້າງໃນໄລຍະສົງຄາມໂລກຄັ້ງທີສອງ.ສື່ມວນຊົນເຫລົ່ານີ້ເຫັນວ່າ, ຍີ່ປຸ່ນຄວນຫາບແບກຫນ້າທີ່ຮັບຜິດຊອບຕົ້ນຕໍຕໍ່ການພົວພັນກັບປະເທດອ້ອມຂ້າງເຄັ່ງຕຶງໃນສະເພາະຫນ້ານີ້. ພວກເຂົາເຈົ້າຍັງທວງໃຫ້ຍີ່ປຸ່ນກ້າປະເຊີນ ປະຫວັດສາດ, ໃຫ້ຄຳຕອບຢ່າງເຄັ່ງຂຶມແລະຕັ້ງໃຈແກ່ປະຊາຄົມໂລກ.
ຫນັງສືພິມຟຼັງຟອກ ຫນັງສືພິມຫລັກແຫລ່ງຂອງເຢຍລະມັນໄດ້ພິມບົດວິຈານຍາວລົງບ່ອນເດັ່ນຫນ້າທີ່ຫນຶ່ງໂດຍຊີ້ອອກວ່າ, ຍີ່ປຸ່ນບໍ່ເຄົາລົບປະ ຫວັດສາດນັ້ນໄດ້ເຮັດໃຫ້ມວນຊົນປະເທດອ້ອມຂ້າງບໍ່ພໍໃຈຢ່າງຮຸນແຮງ, ເຮັດໃຫ້ຈີນແລະສາທາລະນະລັດເກົາຫລີເກີດການເຄື່ອນໄຫວປະທ້ວງຢ່າງຮຸນແຮງ.ແຕ່ລັດຖະບານຍີ່ປຸ່ນພັດທວງໃຫ້ສອງປະເທດນີ້ຂໍຄະມາໂທດແລະໃຊ້ຄ່າທົດແທນ,ບໍ່ເອົາຫົວຊານຳມູນເຫດທີ່ເກີດການເຄື່ອນໄຫວປະທ້ວງ.ທີ່ຈິງແລ້ວ, ຍີ່ປຸ່ນບໍ່ຢາກຊອກຮູ້ວ່າເປັນຫຍັງຈິ່ງພາໃຫ້ເກີດເຫດການເຫລົ່ານີ້.ກໍ່ແມ່ນຍ້ອນວ່າຍີ່ປຸ່ນບໍ່ມີທ່າທີຮັບຜິດຊອບຢ່າງລະມັດລະວັງໃນບັນຫາປະ ຫວັດສາດ, ສະນັ້ນ ຈິ່ງໄດ້ບາດໃຈປະຊາຊົນຂອງປະເທດອ້ອມຂ້າງຢ່າງຫນັກ ຫນ່ວງ.
ບົດວິຈານຂຽນວ່າ, ຫລັງສົງຄາມໂລກຄັ້ງທີສອງ,ອາເມລິກາໄດ້ຮັກສາລະບອບເຈົ້າຈັດກະພັດແລະຂຶນເອົາລັດຖະທຳມະນູນສະບັບຫນຶ່ງຂຶ້ນເຕັງໃຫ້ຍີ່ປຸ່ນ.ເວົ້າສຳລັບຍີ່ປຸ່ນແລ້ວ, ກ່ອນອື່ນບໍ່ຕ້ອງສຳຫລວດຕົນເອງຢ່າງທໍລະ ມານໃຈ.ຍີ່ປຸ່ນເອງບໍ່ເຄີຍສົ່ງອາຊະຍາກອນສົງຄາມຜູ່ໃດເຂົ້າສານຈັກເທື່ອ.
ປີ 1985, ໃນເວລາອາຊະຍາກອນສົງຄາມຂອງຍີ່ປຸ່ນຜູ່ສຸດທ້າຍທີ່ຖືກຕັດສິນລົງໂທດຢູ່ໂຕກຽວໄດ້ຮັບການປ່ອຍຕົວນັ້ນ,ເຢຍລະມັນພັດໄດ້ສ້າງສູນໄລ່ຈັບອາດຊະຍາກອນສົງຄາມນາຊີຢູ່ລູເດເວຊີບວຽກ.ການສຳຫລວດຕົນເອງແລະການໂຖ່ໂທດຂອງຍີ່ປຸ່ນພຽງແຕ່ຈຳກັດຢູ່ໃນການສະແດງທ່າທີທີ່ເປັນສັນຍະລັກແລະໃຫ້ການສະຫນັບສະຫນູນດ້ານການເງິນທໍ່ນັ້ນ.ພາຍຫລັງໄດ້ຍອມຈຳນົນຢ່າງບໍ່ມີເງື່ອນໄຂ 60 ປີແລ້ວ, ຈົນຮອດຊູ່ມື້ນີ້ຍີ່ປຸ່ນພຽງແຕ່ຖືຕົນເປັນຜູ່ເສຍໄຊໃນສົງຄາມທໍ່ນັ້ນ, ຫາກບໍ່ແມ່ນຜູ່ຮັບຜິດຊອບທີ່ທຳຮ້າຍຄົນແລະມີໂທດກຳ.
ບົດວິຈານຊີ້ອອກວ່າ, ໃນເວລາຊຳລະການພົວພັນກັບປະເທດອ້ອມຂ້າງ, ຍີ່ປຸ່ນຍັງຄົງສະແດງໃຫ້ເຫັນທ່າທີຂຶນຂັງມັງມໍຢ່າງຮຸນແຮງ.ຍີ່ປຸ່ນບໍ່ເອົາຫົວຊານຳຜົນກະທົບຢ່າງຮ້າຍແຮງຕໍ່ປະເທດອ້ອມຂ້າງຍ້ອນບຸກຄົນວົງການການເມືອງຂອງເຂົາໄປນະມັດສະການວັດຢາຊືຄູນີ.ເຂົາມີທ່າທີຈືດໆຈາງໆຕໍ່ເຫດການສັງຫານໂຫດທີ່ນະຄອນນານກິ່ງກໍ່ເຮັດໃຫ້ຄົນຕື່ນຕົກໃຈນຳ.
ຫນັງສືພິມເຢຍລະມັນໃຕ້ພິມບົດວິຈານໂດຍຊີ້ອອກວ່າ, ທ່ານໂຄອີຈູມີຈູນີຊີໂລ ນາຍົກລັດຖະມົນຕີຍີ່ປຸ່ນໄປນະມັດສະການວັດຢາຊືຄູນີເທື່ອໃດ, ລັດ ຖະບານຍີ່ປຸ່ນເວົ້າແກ້ຕົວຕາງແບບຮຽນປະຫວັດສາດທີ່ຂີ້ຮ້າຍຂອງເຂົາເທື່ອໃດ,ນີ້ເວົ້າສຳລັບປະເທດອ້ອມຂ້າງຂອງເຂົາແລ້ວມັນບໍ່ຕ່າງຫຍັງກັບຖອກ ນ້ຳມັນໃສ່ກອງໄຟ.ແຕ່ວ່າ, ສິ່ງທີ່ເຮັດໃຫ້ມວນຊົນປະເທດອ້ອມຍິ່ງຄຽດແຄ້ນນັ້ນແມ່ນທ່າທີຜິດພາດຂອງຍີ່ປຸ່ນທີ່ມີຕໍ່ປະຫວັດສາດໂທດກຳຂອງເຂົາໃນເມື່ອກ່ອນ.ເມື່ອສັງເກດຈາກປະຈຸບັນເຫັນວ່າ, ລັດຖະບານຍີ່ປຸ່ນຍັງບໍ່ມີຮ່ອງ ຮອຍຈັກເມັດທີ່ຈະສຳຫລວດຕົນເອງ.ລັດຖະບານຍີ່ປຸ່ນເຫັນວ່າຕົນໄດ້ເຮັດຫລາຍຢ່າງໃນດ້ານຊຳລະແລະຕີລາຄາປະຫວັດສາດ.
ຫນັງສືພິມການເງິນເຢຍລະມັນພິມບົດວິຈານຂຽນວ່າ: ເນື່ອງໃນໂອ ກາດສົງຄາມໂລກຄັ້ງທີສອງສິ້ນສຸດລົງຄົບຮອບ 60 ປີ, ກົນຈັກລະລຶກຂອງເຢຍລະມັນກຳລັງຫມູນເດີນຢ່າງວ່ອງໄວ, ໃນຮ້ານຂາຍຫນັງສືຕ່າງໆໄດ້ມີເຄື່ອງພິມຊະນິດຕ່າງໆວາງຂາຍ,ບັນດານັກຄົ້ນຄວ້າໄດ້ສະເຫນີຫມາກຜົນຄົ້ນຄວ້າໃຫມ່ສຸດກ່ຽວກັບທາລຸນກຳຂອງເຢຍລະມັນໃນປາງນັ້ນໃຫ້ສາທາ ລະນະຊົນຊາບ,ແຕ່ສິ່ງທີ່ກົງກັນຂ້າມກັບເລື່ອງນີ້ແມ່ນ, ຍີ່ປຸ່ນພັດຄິດຢາກປິດບັງປະຫວັດສາດໃນຄາວນັ້ນ.
ບົດວິຈານຊີ້ອອກວ່າ, ບໍ່ວ່າແນວໃດ, ເວົ້າສຳລັບຜູ່ຖືກທຳຮ້າຍແລ້ວ,ເດັດຂາດບໍ່ຄວນໃຫ້ຍີ່ປຸ່ນ ເຊິ່ງເປັນຜູ່ທຳຮ້າຍໃນເມື່ອກ່ອນເປັນຜູ່ຕົກລົງ. ປະຫວັດທີ່ຖືກຍີ່ປຸ່ນທຳຮ້າຍນັ້ນ, ໄດ້ຝັງເລິກຢູ່ໃນຄວາມຊົງຈຳຂອງປະຊາຊົນປະເທດອ້ອມຂ້າງ.ຍີ່ປຸ່ນຄວນມີທ່າທີເຄັ່ງຂຶມຕໍ່ປະຫວັດສາດ.
|
|
|
