ຕາມ​ຂ່າວສານ​ຈີນ: ວັນ​ທີ 13 ພຶດສະພາ, ນັກ​ຂ່າວ​ໄດ້​ຊາບ​ຈາກ​ກະຊວງ​ສາທາລະ​ນະ​ສຸກ​ຈີນ​ວ່າ, ຫວ່າງ​ມໍ່ໆ​ນີ້ ຈີນ​ໄດ້​ເລີ່​ມສຳຫຼວດສະພາບ​ຈະ​ເລີ​ນເຕີບ​ໂຕ​ຂອງ​ເດັກ​ນ້ອຍ​ຢ່າງ​ເປັນ​ທາງ​ການ. ນີ້​ແມ່ນ​ການ​ສຳຫຼວດສະພາບ​ຈະ​ເລີ​ນ​ເຕີບ​ໂຕ​ຂອງ​ເດັກ​ນ້ອຍ​ຢ່າງ​ຂະ​ໜາດ​ໃຫຍ່​ຄັ້ງທີ 4 ທີ່​ເຂດ​ໃນ​ຈີນ​ດຳ​ເນີນ​ແຕ່​ສ້າງຕັ້ງສາທາລະນະ​ລັດ​ປະຊາຊົນຈີນ​ເປັນ​ຕົ້ນ​ມາ.

ຕາມ​ແນະນຳ​ວ່າ, ຕົວຢ່າງ​ການສຳຫຼວດ​ເທື່ອ​ນີ້​ພົວພັນເຖິງ 1 ​ແສນ 2 ໝື່ນ​ຄົນ, ຕົ້ນຕໍ​ແມ່ນ​ເດັກ​ນ້ອຍ 7 ຂວບ​ລົງ​ລຸ່ມ​ໃນ​ 9 ຕົວ​ເມືອງ. ຈຸດປະສົງ​ແມ່ນ​​ເພື່ອຜ່ານ​ການ​ສຳ​ຫຼວດ​ຊອກ​ຮູ້​ສະພາບ​ຈະ​ເລີ​ນ​ເຕີບ​ໂຕ​ແລະ​ທາດ​ບຳລຸງ​ຂອງ​ເດັກນ້ອຍໃຕ້​ສະພາບ​ລະ​ດັບ​ການ​ພັດທະນາ​ຂອງ​ເສດຖະກິດ​ຕ່າງ​ກັນ​​ໃນ​ເຂດ​ທີ່​ຕ່າງ​ກັນ, ​ແລ້ວ​ສ້າງ​ລະ​ບົບ​ປະ​ເມີນ​ສະ​ພາບ​ການ​ເຕີບ​ໂຕ​ຂອງ​ເດັກນ້ອຍ​ຈີນ.