|
 ຫຼາຍຄົນພາຍຫຼັງຊົມງານເອກສ໌ໂປໄອຈີຍີ່ປຸ່ນປີ 2005 ແລ້ວ,ນອກຈາກໄດ້ມີການສຳຜັດຕົວຈິງແລ້ວ,ຍັງມີຄວາມຄຶດໄປໄກບໍ່ຢອກ.
ງານເອກສ໌ໂປໄອຈີຍີ່ປຸ່ນປີ 2005 ມີບ່ອນວາງສະແດງສອງບ່ອນ,ບ່ອນໜຶ່ງຢູ່ນາກາຄູເທ,ອີກບ່ອນໜຶ່ງຢູ່ເຊໂດ. ພາຫະນະຄົມມະນາຄົມທີ່ເຊື່ອມຕໍ່ລະຫວ່າງບ່ອນວາງສະແດງສອງບ່ອນນີ້,ນອກຈາກລົດສາຍກາບ"ພໍ່ເຖົ້າປ່າໄມ້ແລະຫຼານປ່າໄມ້"ແລ້ວ,ຍັງມີລົດທີ່ໃຊ້ແມ່ແຮງວັດຖຸເຊື້ອໄຟປະສົມປີນ,ຄືໃຊ້ປີນວັດຖຸເຊື້ອໄຟທີ່ເອົາອິໂດຼແຊນຄວາມດັນສູງເປັນວັດຖຸເຊື້ອໄຟເປັນກຳລັງແມ່ແຮງຊຸກກັຍເຄື່ອງໂມເຕີ. ລົດປີນວັດຖຸເຊື້ອໄຟຊະນິດນີ້ແມ່ນຕ່າງກັບລົດທີ່ໃຊ້ນ້ຳມັນແອັດຊັງແລະລົດທີ່ໃຊ້ນ້ຳມັນກາຊວນ,ມັນບໍ່ລະບາຍວັດຖຸທີ່ມີຜົນຮ້າຍເຊັ່ນກາກບອນດີອອກຊິດແລະໄຮໂດຼຊິດເປັນຕົ້ນ,ສິ່ງທີ່ລະບາຍອອກນັ້ນມີແຕ່ນ້ຳທໍ່ນັ້ນ,ມັນບໍ່ພຽງແຕ່ອະນຸລັກສິ່ງແວດລ້ອມ ອັດຕາການນຳໃຊ້ພະລັງງານກໍສູງ,ຖືກຖືເປັນພາຫະນະຄົມມະນາຄົມທີ່ສົມຫວັງໃນສະຕະວັດທີ 21.
ຜູ້ທີ່ເຄີຍຂີ່ລົດປີນວັດຖຸເຊື້ອໄຟໃຜກໍຍ້ອງສັບພະຄຸນຂອງມັນຄື: ສຽງ ຄ່ອຍທີ່ສຸດ,ຈົນລົດແລ່ນມາຮອດຕໍ່ຫນ້າຈຶ່ງຄ່ອຍໄດ້ຍິນສຽງ; ຄວາມໄວສູງສຸດຂອງລົດປີນວັດຖຸເຊື້ອໄຟສາມາດບັນລຸ 145 ກິໂລແມັດຕໍ່ຊົ່ວໂມງ,ທາງດ່ວນຈຳກັດຄວາມໄວ 100 ກິໂລແມັດຕໍ່ຊົ່ວໂມງ, ທາງທຳມະດາຈຳກັດຄວາມໄວ 60 ກິໂລແມັດຕໍ່ຊົ່ວໂມງ,ສະນັ້ນ ຄວາມໄວຂອງລົດປີນວັດຖຸເຊື້ອໄຟແມ່ນບໍ່ມີບັນຫາ; ໃສ່ອິໂດຼແຊນເທື່ອໜຶ່ງສາມາດແລ່ນໄດ້ 350 ກິໂລແມັດ,ພໍປານກັບໄລຍະທາງຂອງລົດທຳມະດາຫຼັງຈາກຕື່ມນ້ຳມັນເທື່ອໜຶ່ງ. ສິ່ງສຳຄັນກວ່ານັ້ນແມ່ນ,ລົດປີນວັດຖຸເຊື້ອໄຟເອົາອິໂດຼແຊນເປັນພະລັງງານ,ມັນເຮັດໃຫ້ສິ່ງເຊື່ອມພິດໜ້ອຍລົງ ຍັງສາມາດເຮັດໃຫ້ມະນຸດອີງອາໃສຊັບພະ ຍາກອນນ້ຳມັນເຊື້ອໄຟໜ້ອຍລົງຢ່າງຫຼວງຫຼາຍ. ບໍ່ວ່າເບິ່ງຈາກມຸມໃດກໍລ້ວນແຕ່ເຫັນວ່າ,ລົດປີນວັດຖຸເຊື້ອໄຟກໍເປັນທິດຂະຫຍາຍຂອງລົດຍົນໃນອະນາຄົດ.
ບໍລິສັດໂຕໂຢຕາແມ່ນບໍລິສັດລົດຍົນໃຫຍ່ທີສອງໃນໂລກ,ຈິນຕະນາການທຸລະກິດໜຶ່ງຂອງບໍລິສັດນີ້ກໍແມ່ນນຳທາງກະແສຍຸກສະໄໝໃນດ້ານພາຫະນະຄົມມະນາຄົມ,ດັ່ງນັ້ນ ຜົນປະໂຫຍດທີ່ໄດ້ຫຼາຍ ກວ່າໝູ່ພາຍຫຼັງຊົມຫໍວາງສະແດງໂຕໂຢຕາຂອງງານເອັກສ໌ໂປໄອຈີຍີ່ປຸ່ນປີ 2005 ແລ້ວກໍແມ່ນສຳນຶກຮູ້ກ່ຽວກັບຄົມມະນາຄົມໃນອະນາຄົດ.
ສິ່ງທີ່ປະທັບໃຈຄົນທີ່ສຸດກໍແມ່ນການນັ່ງລົດຕົວຢ່າງໄອຢູນິດ(i-unit)ທີ່ເທິງຕັ່ງອີ້. ໃນເວລາລົດແລ່ນຊ້າ,ມັນຕັ້ງຂຶ້ນແລ່ນໄດ້,ກິນບ່ອນຫນ້ອຍທີ່ສຸດ ໃນເວລາແລ່ນໄວ,ມັນສາມາດປ່ຽນແປງເບົ້າແບບແລ່ນ,ເຮັດໃຫ້ໃຈກາງນ້ຳໜັກຕ່ຳລົງ,ຮັກສາຄວາມໝັ້ນທ່ຽງ. ຍ້ອນວ່າກິນບ່ອນຫນ້ອຍ,ມັນບໍ່ພຽງແຕ່ສາມາດຜ່ອນຄາຍຄວາມແອອັດຂອງຫົນທາງທໍ່ນັ້ນ ຫາກຍັງເຄື່ອນໄຫວໄດ້ຢ່າງຄ່ອງແຄ້ວນຳອີກ,ຕາມທາງແຄບໆກໍແລ່ນໄດ້,ແລະຍັງສາມາດແລ່ນຢູ່ໃນຝູງຄົນ.
ໃນການວາງສະແດງພາຫະນະຄົມມະນາຄົມໃນອະນາຄົດ,ບໍລິສັດໂຕໂຢຕາຍັງໄດ້ວາງສະແດງມະນຸດກົນໄອຟຸດ(i-foot)ທີ່ປະດິດໃໝ່. ມະນຸດກົນໄອຟຸດສູງ 236 ຊັງຕີແມັດ,ໜັກ 200 ກິໂລ,ສາມາດບັນທຸກນ້ຳໜັກ 60 ກິໂລ,ຄວາມໄວໃນການຍ່າງ 1,35 ກິໂລແມັດຕໍ່ຊົ່ວໂມງ,ຂາຂອງມັນຄ້າຍຄືຂານົກ,ຮ່າງກາຍຄ້າຍຄືກາບຫອຍ,ໃນເວລາຄົນຂຶ້ນຂີ່, ຂາຂອງມະນຸດກົນໄອຟຸດຈະນັ່ງຢ່ອງຢໍ້ລົງ,ເມື່ອຄົນຂຶ້ນຂີ່ແລ້ວ,ມັນກໍລຸກຂຶ້ນຢືນຕ່າງຄົນຍ່າງ. ຜູ້ຂີ່ຈະຮູ້ສຶກວ່າຄືນັ່ງຢູ່ໃນກາບ ຫອຍ,ປອດໄພແລະໄວ້ໃຈໄດ້ທີ່ສຸດ,ຍັງສາມາດຄວບໄວດ້ວຍໄມ້ບັນຊາຢູ່ຂ້າງໃນ. ມະນຸດກົນໄອຟຸດແມ່ນພາຫະນະຄົມມະນາຄົມສາມມິຕິ,ສາມາດຂຶ້ນລົງຂັ້ນໄດ,ສາມາດຕ່າງຄົນຍ່າງຢູ່ໃນຝູງຄົນຢ່າງສະບາຍ, ຢູ່ບ່ອນທີ່ບໍ່ມີທາງ,ມັນກໍຢຽບຫໃຫ້ມີທາງໄດ້,ນີ້ແມ່ນພາຫະນະພາໄປຢ່າງແທ້ຈິງຊະນິດໜຶ່ງ,ມັນບໍ່ພຽງແຕ່ເຫມາະສຳລັບຄົນປົກກະຕິທໍ່ນັ້ນ,ຕໍ່ຄົນພິການກໍຈະຊ່ອຍໄດ້ຫຼາຍ.
ໃນງານເອກສ໌ໂປ,ຄົນທັງຫຼາຍຍັງໄດ້ສຳຜັດລະບົບຄົມມະນາຄົມທີ່ກ້າວໜ້າຄືລະບົບສະຫມອງກົນ ຫຼາຍເບົ້າແບບຄື(IMTS). ມັນອາໄສເຕັກນິກ IT ທີ່ຍອດຢ້ຽມທີ່ສຸດ,ໃຊ້ອາຍແກັສທຳມະຊາດທີ່ອັດແລ້ວເປັນວັດຖຸເຊື້ອໄຟ,ພາຍໃຕ້ການຄວບຄຸມຂອງລະບົບເອເລັກໂຕຼນິກ,ຈັດໃຫ້ລົດສາມຄັນແລ່ນພາກັນໄປຢ່າງອັດຕະໂນມັດ,ແລ້ວບັນລຸເບົ້າແບລົດແລ່ນຢ່າງອັດຕະໂນມັດ. ຢູ່ແຫ່ງນີ້ໄດ້ສະແດງຮູບຫຍໍ້ຂອງລະບົບຄົມມະນາຄົມໃນອະນາຄົດຄື: ຫົນທາງໃນອະນາຄົດ,ຈະທາງແລ່ນອັດຕະໂນມັດທີ່ຄວບຄຸມດ້ວຍລະບົບເອເລັກໂຕຼນິກເສັ້ນໜຶ່ງ,ເມື່ອຄົນເຮົາຮູ້ສຶກອິດເມື່ອຍແລ້ວ,ຫຼືເປັນຮ່ວງວ່າຕົນມົວແຕ່ລົມກັນຈະເກີດເຫດກໍຂັບລົດເສັ້ນທາງອັດຕະໂນມັດທີ່ຢູ່ໃຕ້ການຄວບຄຸມຂອງລະບົບເອເລັກໂຕຼນິກ,ບໍ່ຕ້ອງຂັບກໍສາມາດແລ່ນຢ່າງອັດຕະໂນມັດ,ທັງຮັກສາໄລຍະກັບລົດຢູ່ທາງໜ້າ,ເຖິງວ່າຊ່າງຂັບລົດຈະນອນຫຼັບກໍບໍ່ຫ່ອນຈະເກີດອຸປັດຕິເຫດ.
|
