ຕາມ​ຂ່າວCRI: ວັນ​ທີ 14 ພຶດສະພາ, ສັບປະດາ​ການ​ເຄື່ອນ​ໄຫວ​ວິທະຍາສາດ​ເຕັກນິກ​ທົ່ວ​ປະ​ເທດ​ຈີນ​ທີ່​ຈັດ​ຂຶ້ນປີ​ລະ​ເທື່ອ​​ໄດ້​​ເປີດ​ສາກຢູ່​ທີ່​ປັກ​ກິ່ງ, ຫົວ​ຂໍ້​ແມ່ນ "ວິທະຍາ ສາດ​ເຕັກ​ນິກ​ຖື​ຄົນ​ເປັນ​ກົກ ສ້າງ​ສັງຄົມ​ເຫຼືອຢູ່​ເຫຼືອກິນ​ຢ່າງຮອບດ້ານ". ​ໃນ​ສັບປະດາ​ນີ້, ຢູ່​ແຫ່ງ​ຕ່າງໆ​ຂອງ​ຈີນ​ຈະ​ຈັດ​ການ​ເຄື່ອນ​ໄຫວ​​ເຜີຍແຜ່ວິທະຍາສາດ​ດ້ວຍຫຼາຍຮູບຫຼາຍ​ແບບ, ​ເຜີຍ​ແຜ່ຄວາມ​ຮູ້​ວິ​ທະ​ຍາ​ສາດ​​ໄປ​ເຖິງຂັ້ນຮາກ​ຖານ ​ເຊັ່ນ ​ໂຮງຮຽນ ​ຄຸ້ມ​ເຮືອນ​ຢູ່​ປະຊາຊົນ​ ​ເມືອງ​ນ້ອຍ​ແລະ​ຊົນນະບົດ.

​ໃນ​ພິທີ​ເປີດ​ສາກ, ທ່ານ​ນາງ​ເສິນ​ຈື້ລີ້ ທີ່​ປຶກສາ​ແຫ່ງ​ລັດ​ຈີນ​ກ່າວ​ວ່າ, ຈີນ​ຈະ​ຈັດ​ການ​ເຄື່ອນ​ໄຫວ​ເຜີຍ​ແຜ່​ວິທະຍາສາດທີ່​ມີຫຼາບຮູບ​ແບບຢ່າງ​ມີ​ລັກສະນະ​ແນ​ໃສ່, ຊຸກ​ຍູ້​ໃຫ້​ມວນ​ຊົນ​ຮູ້​ຈັກ​ວິ​ທະຍາສາດ​ເຕັກນິກ, ສ້າງ​ບັນຍາກາດ​ອັນ​ດີງາມ​ໃນ​ທົ່ວ​ສັງຄົມ​ທີ່​ຮຽນ​ວິທະຍາສາດ ມັກ​ວິທະຍາສາດ​ແລະ​ໃຊ້​ວິທະຍາສາດ​ເປັນ​ກ້າວໆ.