|
ສະບາຍດີທ່ານຜູ່ຟັງທີ່ເຄົາລົບ, ຮອດໂມງອ່ານຈົດຫມາຍອີກແລ້ວ. ມື້ນີ້,ສາຍວັນນີຈະແນະນຳຈົວອຸດົມ.ຈິດຕະນະວົງທີ່ວັດຫາຍໂສກ ບ້ານຫາຍໂສກເມືອງສີສັດຕະນາກແຂວງນະຄອນຫລວງວຽງຈັນໃຫ້ທ່ານຮູ້. ໃນຈົດ ຫມາຍຂອງຈົວອຸດົມ, ເພິ່ນຂຽນວ່າ:
ເຮົາເປັນຜູ່ຫນຶ່ງທີ່ໄດ້ຕິດຕາມຟັງຂ່າວ,ສາລະຫນ້າຮູ້ຕ່າງໆຈາກວິທະຍຸສາກົນແຫ່ງປະເທດຈີນພະແນກພາສາລາວເປັນປະຈຳທຸກໆວັນ,ຜ່ານມາ,ນ້ອງແມ່ນບໍ່ເຄີຍໄດ້ຂຽນຈົດຫມາຍມາທັກທາຍອ້າຍເອື້ອຍຈັກເທື່ອ, ເທື່ອນີ້ເປັນຄັ້ງທຳອິດທີ່ໄດ້ຂຽນມາ.ເອື້ອຍອ້າຍໂຄສົກຈັດລາຍການໄດ້ດີຫລາຍທັງມີສາລະຫນ້າຮູ້ແລະມີຄຸນປະໂຫຍດຫລາຍທີ່ນ້ອງບໍ່ເຄີຍຮູ້ມາກ່ອນ.
ໃນຈົດຫມາຍ,ຈົວອຸດົມຍັງຂໍປື້ມສອນພາສາຈີນນຳພວກເຮົາ, ນະທີ່ນີ້, ສາຍວັນນີຢາກຂໍອະທິບາຍໃຫ້ທ່ານທັງຫລາຍວ່າ,ໄດ້ມີຜູ່ຟັງຫລາຍໆຄົນໄດ້ຂຽນຈົດຫມາຍມາຂໍເອົາປື້ມສອນພາສາຈີນນຳພວກເຮົາ, ແຕ່ພວກເຮົາຍັງຝາກປື້ມນີ້ໄປໃຫ້ທ່ານທັງຫລາຍບໍ່ໄດ້,ເພາະວ່າປື້ມສອນພາສາຈີນສະບັບນີ້ຍັງກຳລັງຮຽບຮຽງຢູ່,ເມື່ອຮຽບຮຽງແລ້ວໆ,ພວກເຮົາກໍ່ຈະຝາກໄປໃຫ້ທ່ານຜູ່ຟັງທີ່ຕ້ອງການ.ໃຫ້ທ່ານຈົ່ງຄອຍຖ້າແດ່.
ສຸດທ້າຍນີ້, ສາຍວັນນີຂໍມອບເພງຕູລີ້ ເຊິ່ງແປວ່າຄວາມເປັນເອກະລາດສູ່ຈົວອຸດົມຟັງ, ຫວັງວ່າທ່ານຈະສືບຕໍ່ຮັບຟັງລາຍການຂອງພວກເຮົາ,ແລະຂຽນຈົດຫມາຍມາປະກອບຄວາມຄິດຄວາມເຫັນແລະໃຫ້ຂໍ້ສະເຫນີແກ່ພວກເຮົາເລື້ອຍໆ.
ທ່ານຜູ່ຟັງທີ່ເຄົາລົບ, ລາຍການມື້ນີ້ ຂໍສ້ຽງສຸດລົງພຽງທໍ່ນີ້, ຂອບໃຈທ່ານທີ່ຮັບຟັງ, ຕໍ່ໄປ ເຊີນຟັງລາຍການສອນພາສາຈີນ.
|
