|
ທ່ານນາງລາຍສ໌ກ່າວເນັ້ນວ່າ,ກອງທະຫານຫລາຍປະເທດຈະປະຈຳຢູ່ອີຣັກຕໍ່ໄປ
cri
ຕາມຂ່າວCRI: ວັນທີ 15 ພຶດສະພາ,ທ່ານນາງລາຍສ໌ ລັດຖະມົນຕີກະຊວງການຕ່າງປະເທດອາເມລິກາກ່າວຢູ່ແບກແດດວ່າ,ກອງທະຫານຫລາຍປະເທດຈະປະຈຳຢູ່ອີຮັກຕໍ່ໄປ, ຈົນກວ່າອີຣັກມີຄວາມສາມາດປ້ອງກັນຕົນເອງ.
ທ່ານນາງລາຍສ໌ແມ່ນສະແດງທ່າທີດັ່ງກ່າວໃນງານຊຸມນຸມນັກຂ່າວຮ່ວມພາຍຫລັງພົບປະທ່ານຈາຟາຣີ ນາຍົກລັດຖະມົນຕີລັດຖະບານຂ້າມຜ່ານຂອງອີຣັກ.
ທ່ານຈາຟາຣີກ່າວວ່າ,ລັດຖະບານຊຸດໃຫມ່ຈະຂ້ຽວໃຊ້ມາດຕະການ,ເຮັດໃຫ້ກອງທະຫານແລະກອງຕຳຫລວດມີຄວາມສາມາດປ້ອງກັນຄວາມປອດໄພແລະສະຖຽນລະພາບຂອງຊາດໂດຍໄວ,ເພື່ອເລັ່ງລັດຂະບວນການຖອນກອງທະຫານຕ່າງປະເທດອອກໄປ.
ທ່ານນາງລາຍສ໌ແມ່ນໄປຢ້ຽມຢາມອີຣັກຢ່າງກະທັນຫັນໃນວັນທີ 15 ພຶດສະພາ.
|
|
