|
|
 |
| (GMT+08:00)
2005-05-16 14:49:21
|
 |
|
ເຈົ້າຍິງສິຣິນທອນຢາມສະຖານທູດຈີນປະຈຳໄທຕາມຄຳເຊີນ
cri
Author: mo
|
ຕາມຂ່າວCRI Online：ວັນທີ 15 ພຶດສະພາ, ເຈົ້າຍິງສິຣິນທອນໄທໄດ້ຢ້ຽມຢາມສະຖານທູດຈີນປະຈຳໄທຕາມຄຳເຊີນ.
ໃນເວລາຢ້ຽມຢາມ, ເຈົ້າຍິງສິຣິນທອນໄດ້ແນະນຳສະພາບການຢ້ຽມຢາມຈີນຂອງເພີ່ນໃນເດືອນເມສາປີນີ້ຕໍ່ທ່ານເອກອັກຄະລັດຖະທູດຈ່າງຈິວເຫີງ , ພະນັກງານໃນສະຖານທູດຈີນແລະສື່ມວນຊົນຈີນປະຈຳໄທ, ແລະໄດ້ສະເໜີຄວາມຄືບໜ້າອັນໃຫຍ່ຫລວງຂອງການພົວພັນສອງປະເທດຈີນໄທພາຍຫລັງສ້າງສາຍສຳພັນການທູດ 30 ປີມານີ້.
ເຈົ້າຍິງສິຣິນທອນເວົ້າວ່າ, ການຢ້ຽມຢາມຈີນຂອງເພີ່ນເທື່ອນີ້ໄດ້ໄປຕາມທາງຜ້າໄໝ, ໄດ້ໄປທັດສະນາຈອນຢ້ຽມຢາມບໍ່ນ້ຳມັນທາລີມູ້, ເມືອງຕິ້ງສີແລະຄູຫາໂມ້ກ່າວແຂວງການຊູ້, ບູສະນີຍະສະຖານຊານຊິງຕຸ່ຍແຂວງເຊສວນແລະອື່ນໆ, ໄດ້ມີພາບປະທັບໃຈອັນເລິກເຊິ່ງແລະມວນຊຶ່ນ.
ເຈົ້າຍິງຍ້ອງຍໍແລະຊົມເຊີຍຜົນສຳເລັດອັນໃຫຍ່ຫລວງທີ່ຈີນຍາດມາໄດ້ໃນການປະຕິຮູບແລະໄຂປະຕູສູ່ພາຍນອກ, ໂດຍສະເພາະແມ່ນຜົນສຳເລັດຂອງຈີນໃນການສ້າງສາເສດຖະກິດ ການສຶກສາວິທະຍາສາດ, ການອະນຸລັກຊີວະພາບ ແລະວັດທະນະທຳເປັນຕົ້ນ, ໄດ້ມີຄວາມມຸ່ງມາດປາຖະໜາແລະຄວາມຫວັງອັນເຕັມປ່ຽມຕໍ່ອະນາຄົດແຫ່ງການພົວພັນໄມຕີຈິດຈີນໄທ. ເພີ່ນກ່າວວ່າ, ເຊື່ອວ່າການພົວພັນໄມຕີຈິດຂອງສອງປະເທດຈະໄດ້ຮັບການຂະຫຍາຍຕົວຫລາຍກວ່າເກົ່າພາຍໃຕ້ຄວາມພະຍາຍາມພ້ອມກັນຂອງສອງຝ່າຍ.
ທ່ານເອກອັກຄະລັດຖະທູດຈ່າງຈິວເຫີງສະແດງຄວາມຊົມເຊີຍຕໍ່ການຢ້ຽມຢາມຈີນຂອງເຈົ້າຍິງສິຣິນທອນໄດ້ຮັບຜົນເຕັມເມັດເຕັມໜ່ວຍ. ທ່ານຈ່າງຈິວເຫີງກ່າວວ່າ, ເຊື່ອວ່າການຢ້ຽມຢາມຂອງເຈົ້າຍິງເທື່ອນີ້ຍ່ອມຈະເຮັດໃຫ້ມິດຕະພາບລະຫວ່າງສອງປະເທດຈີນໄທແລະການຮ່ວມມືໃນທຸກຂົງເຂດລະຫວ່າງສອງປະເທດເພີ່ມຂຶ້ນຕື່ມອີກ. ໃນຖານເປັນພາກປະກອບສ່ວນອັນສຳຄັນແຫ່ງການສະຫລອງຈີນໄທສ້າງສາຍສຳພັນທາງການທູດຄົບຮອບ 30 ປີໃນປີນີ້, ການຢ້ຽມຢາມຈີນຂອງເຈົ້າຍິງສິຣິນທອນຍ່ອມຈະຂຽນໜ້າໃໝ່ໃຫ້ແກ່ມິດຕະພາບຈີນໄທ.
ແຕ່ວັນທີ 3 ຮອດວັນທີ 13 ເມສາປີນີ້, ເຈົ້າຍິງສິຣິນທອນມາຢ້ຽມຢາມຈີນເປັນເວລາ 10 ມື້. ການຢ້ຽມຢາມເທື່ອນີ້ແມ່ນການຢ້ຽມຢາມຈີນເທື່ອທີ 20 ຂອງເຈົ້າຍິງ. ໃນໄລຍະຢ້ຽມຢາມປັກກິ່ງ, ທ່ານເຈິ່ງຊິ້ງຫົງ ຮອງປະທານປະເທດຈີນ, ທ່ານເສີນຈື້ລີ້ ທີ່ປຶກສາແຫ່ງລັດ, ແລະທ່ານນາງກູ້ຊິ້ວລຽນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນເປັນຕົ້ນໄດ້ພົບປະເຈົ້າຍິງສິຣິນທອນ. ເຈົ້າຍິງໄດ້ເປີດສາກໃຫ້ແກ່ສູນແລກປ່ຽນວິທະຍາສາດເຕັກນິກວັດທະນະທຳສິຣິນທອນຂອງມະຫາວິທະຍາໄລປັກກິ່ງ, ແລະໄດ້ເຂົ້າຮ່ວມກອງປະຊຸມສຳມະນາສະຫລອງຈີນໄທສ້າງສາຍສຳພັນທາງທູດຄົບຮອບ 30 ປີເຊິ່ງຈັດໂດຍມະຫາວິທະໄລປັກກິ່ງ. ຕໍ່ຈາກນັ້ນ, ເຈົ້າຍິງໄດ້ໄປຢ້ຽມຢາມເຂດຊິນຈຽງ ແຂວງການຊູ້ແລະແຂວງເຊສວນ.
ແຕ່ປີ 1981 ເປັນຕົ້ນມາ, ເຈົ້າຍິງສິຣິນທອນໄດ້ມາຢ້ຽມຢາມຈີນເລື່ອຍໆ. ເດືອນກຸມພາປີ 2004, ໃນເວລາຢ້ຽມຢາມຈີນເປັນເທື່ອທີ 18 ນັ້ນ, ເພີ່ນໄດ້ບັນລຸຄວາມຫວັງທີ່ຢ້ຽມຢາມທຸກແຂວງ ກຳແພງນະຄອນແລະເຂດປົກຄອງຕົນເອງຂອງຈີນ.
|
|
|
