|
|
 |
| (GMT+08:00)
2005-05-16 16:02:10
|
|
ກອງປະຊຸມຂັ້ນລັດຖະມົນຕີຄັ້ງທີ 61 ຂອງອົງການແອັສກັບຈັດຂຶ້ນຢູ່ໄທ
cri
ຕາມຂ່າວCRI: ກອງປະຊຸມຂັ້ນລັດຖະມົນຕີຄັ້ງທີ 61 ຂອງອົງການແອັສກັບໄດ້ໄຂຂຶ້ນຢູ່ບາງກອກ ນະຄອນຫລວງຂອງໄທໃນວັນທີ 16 ພຶດສະພາ.
ກອງປະຊຸມຄັ້ງນີ້ຈະດຳເນີນສອງມື້.ຜູ້ແທນຂອງ 62 ສະມາຊິກອົງການແອັສກັບແລະອົງການຈັດຕັ້ງສາກົນໄດ້ເຂົ້າຮ່ວມກອງປະຊຸມ.ທ່ານເສີນໂກຟ້າງ ຜູ້ຊ່ອຍລັດຖະມົນຕີການຕ່າງປະເທດຈີນໄດ້ເປັນປະທານພິທີໄຂກອງປະຊຸມ,ແລະກ່າວຄຳປາໄສໃນການອະພິປາຍທົ່ວໄປ.
ໃນກອງປະຊຸມ,ຜູ້ແທນລັດຖະບານຈີນໄດ້ມອບຍັດຕິສາມສະບັບທີ່ມີວັດຖຸປະສົງຊຸກຍູ້ບັນດາສະມາຊິກຮ່ວມມືກັນໃນຂົງເຂດສາທາລະນະສຸກ ບັນຫາແມ່ຍິງແລະກະສິກຳເປັນຕົ້ນ.
ໃນໄລຍະກອງປະຊຸມ,ທ່ານເສີນໂກຟ້າງຍັງຈະພົບປະທ່ານກິມຮັກຊູ ເລຂາທິການໃຫຍ່ບໍລິຫານງານຂອງອົງການແອັສກັບແລະຫົວຫນ້າຄະນະຜູ້ແທນຂອງໄທແລະສ.ເກົາຫລີເປັນຕົ້ນ,ແລກປ່ຽນຄວາມເຫັນກ່ຽວກັບການຮ່ວມມືລະຫວ່າງຈີນກັບອົງການແອັສກັບ ການພົວພັນສອງຕໍ່ສອງພ້ອມດ້ວຍບັນຫາຈຸດຮ້ອນສາກົນແລະພາກພື້ນ.
|
|
|
