ຕາມ​ຂ່າວCRI: ວັນ​ທີ 16 ພຶດສະພາ ນັກ​ຂ່າວ​ໄດ້​ຊາບ​ຈາກ​ກະຊວງ​ສາທາລະ​ນະ​ສຸກ​ຈີນ​ວ່າ, ລັດ​ຖະບານ​ຈີນ​ຈະ​​ໃຊ້​ມາດ​ຕະການ​ຕື່ມ​ອີກ, ​ເພີ່ມ​ທະວີ​ວຽກ​ງານ​ປ້ອງ​ກັນ​ແລະ​ປິ່ນປົວ​ພະຍາດ​ກາ​ຝາກ​ຕື່ມ​ອີກ.

​ແຕ່​ປີ 2001 ຮອດ​ທ້າຍປີ 2004, ຈີນ​ໄດ້​ສຳຫຼວດສະພາບ​​ພະຍາດ​ກາ​ຝາກ​ຕົ້ນຕໍ​ໃນ​ຮ່າງກາຍ​ຂອງ​ຄົນ​ໃນ​ທົ່ວ​ປະ​ເທດ. ຜົນ​ການ​ສຳຫຼວດ​​ສະ​ແດງ​ໃຫ້​ເຫັນ​ວ່າ, ​ພະຍາດ​ກາ​ຝາກ​ຍັງ​ຄົງ​ແມ່ນ​ບັນຫາ​ສຳຄັນ​ດ້ານສາທາລະນະ​ສຸກ​​ທີ່​​ເປັນ​ໄພຕໍ່​ການ​ພັດທະນາ​ເສດຖະ​ກິດ​ສັງຄົມແລະ​ສຸຂະພາບ​ຂອງ​ມວນ​ຊົນ​ຈີນ.

ປະຈຸ​ບັນ, ກະຊວງ​ສາທາລະນະ​ສຸກ​ຈີນ​ພວມ​ຈັດຕັ້ງວາງ​ແຜນການ​​ໄລຍະ​ກາງ​ແລະ​ໄລຍະ​ຍາວ​ໃນ​ການ​ປ້ອງ​ກັນ​ແລະປິ່ນປົວ​ພະຍາດ​ກາ​ຝາກ​ຕົ້ນຕໍ​​ໃນທົ່ວ​ປະ​ເທດ​, ​ເພື່ອ​ຮັບປະກັນ​ໃຫ້​ວຽກ​ງານ​ປ້ອງ​ກັນ​ແລະປິ່ນປົວ​ພະຍາດ​ກາ​ຝາກ​ໃນ​ທົ່ວ​ປະ​ເທດສາມາດ​ດຳ​ເນີນ​ໄປ​ຢ່າງ​ມີ​ແຜນການ​ແລະ​ເປັນ​ຈຸດ​ໜັກ.