ຕາມ​ຂ່າວສານ​ຊິນ​ຮວາ: ວັນ​ທີ 15 ພຶດສະພາ, ​ໃນ​ເວລາ​ໃຫ້​ສຳພາດ​ຕໍ່ CNN ນັ້ນ, ທ່ານ​ສະ​ຕິ​ເຟນ ຮາດລີ ຜູ່​ຊ່ອຍ​ປະທານາທິບໍດີ​ອາ​ເມ​ລິ​ກາ​ດ້ານ​ວຽກ​ງານ​ຄວາມ​ປອດ​ໄພ​ແຫ່ງ​ຊາດ​ໄດ້​ເຕືອນ​ວ່າ, ຖ້າ​ສ.ປ.ປ.​ເກົາຫຼີທົດ​ລອງ​ນິວ​ເຄຼຍ, ຈະ​ແມ່ນການ​ກະທຳ "ທ້າ​ທາຍ​ເກາະ​ຜິດ" ຢ່າງ​ໜັກ​ໜ່ວງ, ອາ​ເມ​ລິ​ກາ​ແລະ​ປະ​ເທດ​ອື່ນໆ​ຈະ​ພິຈາລະນາ​ໃຊ້​ການ​ເຄື່ອນ​ໄຫວ​ລົງ​ໂທດ​ສ.ປ.ປ.​ເກົາ​ຫຼີ.

ທ່ານຮາດ​ລີກ່າວ​ວ່າ, ​ເຖິງ​ວ່າ​ອາ​ເມ​ລິ​ກາ​​ໄດ້ປະສົບ​ຄວາມ​ຫຍຸ້ງຍາກ​ໃນ​ການ​ປະ​ເມີນ​ວ່າ​ສ.ປ.ປ.​ເກົາຫຼີຈະ​ດຳ​ເນີນ​ການທົດ​ລອງນິວ​ເຄຼຍຫຼືບໍ່, ​ແຕ່​ໄດ້​ປະກົດ​ເຫັນ "ຫຼັກ​ຖານ​ບາງ​ຢ່າງ​ທີ່ສ.ປ.ປ.​ເກົາຫຼີອາດ​ຈະດຳ​ເນີນ​ການ​ທົດ​ລອງ​ນິວ​ເຄຼຍ".

ທ່ານ​ຮາດ​ລີ​ບໍ່​ໄດ້​ອະທິບາຍ​ຢ່າງ​ລະອຽດ​ວ່າ ​ເມື່ອ​ສ.ປ.ປ.​ເກົາຫຼີທົດ​ລອງ​ນິວ​ເຄຼຍ, ອາ​ເມ​ລິ​ກາ​ຈະ​ໃຊ້​ບາດກ້າວ​ຫຍັງ, ​ແຕ່ທ່ານ​ກ່າວ​ວ່າ, ອາ​ເມ​ລິ​ກາ​ຈະ​ປຶກສາ​ຫາລື​ກັບ​ບັນດາ​ຝ່າຍ​​ທີ່​ເຂົ້າຮ່ວມ​ການ​ເຈລະຈາ 6 ຝ່າຍ​ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີ​ເພື່ອ​ໃຊ້​ມາດ​ຕະ​ການ​ຕໍ່ສ.​ປ.ປ.​ເກົາຫຼີ.