|
ຜູ້ຮັບຜິດຊອບຄະນະກຳມະການແຜນການຄຸມກຳເນີດຈີນກ່າວວ່າ,ຝ່າຍຕາເວັນຕົກເຂົ້າໃຈຜິດຕໍ່ນະໂຍບາຍແຜນການຄຸມກຳເນີດຂອງຈີນ
cri
Author: q
ຕາມຂ່າວສານຊິນຮວາ,ວັນທີ16ພຶດສະພາ,ຢູ່ປັກກິ່ງ,ທ່ານນາງຈ້າວປາຍເກີຮອງຫົວໜ້າຄະນະກຳມະການປະຊາກອນແລະແຜນການຄຸມກຳເນີດແຫ່ງຊາດຈີນກ່າວວ່າ,ນະໂຍບາຍແຜນການຄຸມກຳເນີດຂອງຈີນຖືກຝ່າຍຕາເວັນຕົກເຂົ້າໃຈຜິດແລ້ວ.
ໃນເວລາເຂົ້າຮ່ວມການຫາລືໃນກອງປະຊຸມໂຕະມົນວັດທະນະທຳຂອງເວທີປາໄສທົ່ວໂລກໂຟທູນທີ່ຈັດຂຶ້ນໃນມື້ດຽວກັນ,ທ່ານນາງຈ້າວປາຍເກີເວົ້າວ່າ,ຝ່າຍຕາເວັນຕົກເຫັນໂດຍຕະຫຼອດວ່າ,ນະໂຍບາຍແຜນການຄຸມກຳເນີດຂອງຈີນກໍແມ່ນຄອບຄົວໜຶ່ງໃຫ້ເອົາລູກຜູ້ດຽວທໍ່ນັ້ນ.ທີ່ຈິງແລ້ວ,ນະໂຍບາຍແຜນການຄຸມກຳເນີດຂອງຈີນມີຄວາມໝາຍຫຼາຍດ້ານ,ແມ່ນໃຊ້ນະໂຍບາຍຕ່າງກັນຕາມກໍລະນີແລະສະພາບແວດລ້ອມທີ່ຕ່າງກັນ.
ທ່ານນາງຈ້າວປາຍເກີເວົ້າວ່າ,ແຕ່ຈີນປະຕິບັດນະໂຍບາຍແຜນການຄຸມກຳເນີດເປັນເວລາ20ກວ່າປີມານີ້,ນະໂຍບາຍດັ່ງກ່າວໄດ້ເກີດມີຜົນສະທ້ອນອັນຕັ້ງໜ້າຫຼາຍຢ່າງຕໍ່ສັງຄົມຈີນ,ໄດ້ສະໜອງເງື່ອນໄຂດີໃຫ້ແກ່ການແບ່ງງານສັງຄົມແລະຊັບພະຍາກອນແລະການພັດທະນາເສດຖະກິດສັງຄົມ.
|
|
