ຕາມ​ຂ່າວCRI: ວັນ​ທີ 17 ພຶດສະພາ​ຢູ່​ທີ່​ປັກ​ກິ່ງ, ທ່ານ​ຊີ​ໂກ​ຮວາ ຮອງ​ລັດຖະມົນຕີ​ກະ​ຊວງ​ອຸດສາຫະກຳ​ຂໍ້​ມູນ​ຂ່າວສານ​ຈີນ​ກ່າວ​ວ່າ, ປະຈຸ​ບັນ ຈີນ​ພວມ​ໃຊ້​ນະ​ໂຍ​ບາຍ​ແລະ​ມາດ​ຕະ​ການ​ຢ່າງ​ເປັນ​ລະບົບ, ​ເລັ່ງລັດ​ບາດກ້າວ​ພັດທະນາ​ໂທລະ​ຄົມ​ຢູ່​ຊົນນະ​ບົດ​ແລະ​ເຂດ​ຫ່າງ​ໄກ​ສອກ​ຫຼີກ.

​ເຈົ້າໜ້າ​ທີ່​ຜູ່​ນີ້​ເວົ້າວ່າ, ປະຈຸ​ບັນ ຢູ່ຈີນ​ໄດ້​ມີ​ໂທລະສັບ 670 ກວ່າ​ລ້ານ​​ເລກໝາຍ​, ຜູ່​ຂຶ້ນ​ອິນ​ເທີ​ເນັດມີ​ເກືອບ 100 ລ້ານ​ຄົນ, ຕ່າງ​ເປັນ​ທີ​ໜຶ່ງ​ແລະ​ທີ​ສອງ​ໃນ​ໂລກ. ​ແຕ່​ໂທລະສັບ​ແລະ​ຜູ່​ຂຶ້ນ​ອິນ​ເທີ​ເນັດ​ເຫຼົ່ານີ້ ຕົ້ນຕໍ​​ໄດ້ໂຮມ​ສູນຢູ່​ເຂດ​ຕົວ​ເມືອງ. ຕໍ່​ໄປ​ພາຍ​ໜ້າ, ຈີນ​ຈະ​ເພີ່ມ​ທະ​ວີ​ການ​ກໍ່ສ້າງ​ພື້ນຖານ​ໂຄງ​ລ່າງ​ໂທລະສັບ​ແລະ​ອິນ​ເທີ​ເນັດ​ຢູ່​ຊົນນະບົດ​ແລະ​ເຂດ​ຫ່າງ​ໄກ​ສອກຫຼີກອັນ​ໄພສານຕື່ມ​ອີກ, ​ເພື່ອ​ຊຸກ​ຍູ້​ໃຫ້​ໂທລະ​ຄົມ​ໃນ​ຕົວ​ເມືອງ​ແລະ​ຊົນນະ​ບົດ​ພັດທະນາ​ຢ່າງ​ກົມ​ກຽວ​ກັນ.