|
|
 |
| (GMT+08:00)
2005-05-17 17:22:11
|
 |
|
ດ້ວຍເຫດໃດ ອິສລະແອນຈິ່ງສົນທະນາກັບອົງການຮາມາສ
cri
Author: da
ຕາມຂ່າວCRI: ວັນທີ 16 ພຶດສະພາ,ເຈົ້າໜ້າທີ່ຊັ້ນສູງຜູ້ໜຶ່ງຂອງຝ່າຍທະຫານອິສລະແອນເປີດເຜີຍວ່າ,ປະຈຸບັນ ຝ່າຍທະຫານອິສລະແອນພວມສົນທະນາກັບສະມາຊິກສ່ວນໜຶ່ງຂອງຂະບວນອິສລາມຕໍ່ຕ້ານຫຼືອົງການຮາມາສທີ່ໄດ້ຮັບໄຊຊະນະໃນການເລືອກຕັ້ງທ້ອງຖິ່ນຂອງປາເລັສຕີນໃນຫວ່າງມໍ່ໆນີ້.ຜູ້ນຳທ້ອງຖິ່ນຂອງອົງການຮາມາສໄດ້ຢືນຢັນຂ່າວດັ່ງກ່າວ.ໃນເວລາດົນນານມານີ້,ອິສລະແອນໄດ້ຖືອົງການຮາມາສເປັນອົງການກໍ່ການຮ້າຍໂດຍຕະຫຼອດ,ປະຕິເສດສຳຜັດກັບເຂົາຢ່າງເປີດເຜີຍ,ສ່ວນອົງການຮາມາສກໍຖືການດັບສູນອິສລະແອນເປັນໜ້າທີ່ຂອງຕົນ,ແຕ່ດຽວນີ້ ຄູ່ສັດຕູຄູ່ນີ້ພັດເລີ່ມສົນທະນາກັນ,ເຂົາເຈົ້າແມ່ນພິຈາລະນາຫຍັງແດ່?
ແຕ່ກ່ອນ ອົງການຮາມາສໄດ້ຍຶດໝັ້ນຕ້ານການຍຶດຄອງຂອງອິສລະແອນດ້ວຍກຳລັງອາວຸດໂດຍຕະຫຼອດ,ແຕ່ໃນຫຼາຍປີມານີ້,ອົງການຮາມາສພັດຄ່ອຍໆສັບຊ້ອນຫຼັກໝັ້ນແຂງກະດ້າງໃນເມື່ອກ່ອນ,ເລີ່ມເຂົ້າຮ່ວມແລະພິຈາລະນາວຽກງານການເມືອງຢ່າງຕິດແທດຕົວຈິງແລະຄ່ອງແຄ້ວ.ອີກດ້ານໜຶ່ງ,ທ່ານອາບາສ ຜູ້ນຳຜູ້ໃໝ່ຂອງປາເລັສຕີນຖືສັນຕິພາບລະຫວ່າງປາເລັສຕີນອິສລະແອນ,ກໍຫວັງໃຫ້ອົງການຮາມາສເຂົ້າຮ່ວມການວາງນະໂຍບາຍການເມືອງຂອງປາເລັສຕີນ,ເພື່ອແລກປ່ຽນເຂົາເຫັນດີນຳການຢຸດຍິງອິສລະແອນ.ໃນການເລືອກຕັ້ງທົ່ວໄປຂອງປາເລັສຕີນທີ່ຈັດຂຶ້ນໃນປີກາຍນີ້,ອົງການຮາມາສໄດ້ສະແດງຄວາມຈູດຈ້າວຫ້າວຫັນສູງທີ່ຢາກເຂົ້າຮ່ວມວຽກງານການເມືອງແລະທ່າທີການເມືອງອັນຕັ້ງໜ້າ,ທັງໄດ້ຮັບໄຊຊະນະເລື້ອຍໆໃນການເລືອກຕັ້ງທ້ອງຖິ່ນປາເລັສຕີນໃນຕົວຫຼາຍເມືອງຢູ່ເຂດຝັ່ງຕາເວັນຕົກແມ່ນ້ຳຈໍແດນແລະແຖບກາຊາທີ່ຈັດຂຶ້ນໃນທ້າຍປີກາຍນີ້.ບຸກຄົນວິເຄາະຊີ້ອອກວ່າ,ຖ້າທ່ວງທ່າດັ່ງກ່າວນີ້ຂະຫຍາຍໄປ ຈະກະທົບກະເທືອນເຖິງສະຖານະການການເມືອງຂອງປາເລັສຕີນແລະນະໂຍບາຍຕໍ່ອິສລະແອນ.
ໂດຍປະເຊີນກັບສະຖານະການໃໝ່ທີ່ອົງການຮາມາສພົ້ນເດັ່ນຂຶ້ນ,ນະໂຍບາຍຕໍ່ອົງການຮາມາສຂອງອາເມລິກາແລະຂອງບັນດາປະເທດເອີລົບກໍມີການປ່ຽນແປງເລັກນ້ອຍແລ້ວ.ນະໂຍບາຍຕໍ່ອົງການຮາມາສຂອງອາເມລິກາກໍຜ່ອນຄາຍລົງ. ທ່ານລາອີລາ ເຟຼວາວສ໌ ລັດຖະມົນຕີການຕ່າງປະເທດຊູແອດເວົ້າວ່າ,ຖ້າວ່າອົງການຮາມາສເຂົ້າຮ່ວມຂະບວນວິວັດການເມືອງປາເລັສຕີນຢ່າງແທ້ຈິງ,ໂຄລົບກະຕິກາຫຼິ້ນເກມນັ້ນແລ້ວ,ເອີລົບຍິນດີຖືເຂົາເປັນໝູ່ຄູ່ໃນເສັ້ນທາງເດີນໄປສັນຕິພາບ.
ການປ່ຽນແປງທີ່ສຳຄັນດັ່ງກ່າວໄດ້ສະແດງໃຫ້ເຫັນວ່າ,ອົງການຮາມາສໄດ້ຂຶ້ນເວທີການເມືອງຂອງປາເລັສຕີນໃນຖານເປັນກຳລັງກອງໜຶ່ງທີ່ປະໝາດບໍ່ໄດ້,ຍ່ອມຈະມີຜົນສະທ້ອນທີ່ປະໝາດບໍ່ໄດ້ຕໍ່ສະຖານະການປາເລັສຕີນອິສລະແອນຢ່າງແນ່ນອນ.ຫວ່າງມໍ່ໆນີ້ ໜັງສືພິມຮາເລສ໌ຂອງອິສລະແອນໄດ້ພິມບົດນຳໂດນເຫັນວ່າ,ອິສລະແອນຄວນຮັບຮູ້ຄວາມສັບສົນຂອງການເມືອງປາເລັສຕີນ,ປະຕິບັດຕໍ່ບັນດາຝ່າຍປາເລັສຕີນດ້ວຍທ່າທີທີ່ມີລັກສະນະສ້າງສັນ.
ບຸກຄົນວິເຄາະຊີ້ອອກວ່າ,ການສົນທະນາລະຫວ່າງຝ່າຍທະຫານອິສລະແອນກັບເຈົ້າໜ້າທີ່ອົງການຮາມາສໃນສະເພາະໜ້ານີ້ພຽງແຕ່ຢູ່ໃນຂົງເຂດການຄ້າ ໄຟຟ້າແລະການໃຊ້ນ້ຳຂອງປະຊາຊົນເປັນຕົ້ນ,ບໍ່ໄດ້ກ່ຽວພັນເຖິງບັນຫາການຕ່າງປະເທດໃດໆ,ການຂະຫຍາຍຕົວແຫ່ງການພົວພັນລະຫວ່າງສອງຝ່າຍຍັງມີອຸປະສັກຫຼາຍ.ແຕ່ສອງຝ່າຍເລີ່ມສົນທະນາກັນແລ້ວກໍແມ່ນການເລີ່ມຕົ້ນທີ່ມີຄວາມໝາຍອັນຕັ້ງໜ້າ.
|
|
|
