|
|
 |
| (GMT+08:00)
2005-05-17 21:12:51
|
 |
|
ບຸນກຸດຈີນ
cri
ບຸນກຸດຈີນແມ່ນມື້ບຸນທີ່ໃຫຍ່ໂຕມະໂຫລານກວ່າຫມູ່ຂອງຊາວຈີນໃນປີຫນຶ່ງ,ເຖິງວ່າຄຽງຄູ່ກັບການປ່ຽນແປງຂອງຍຸກສະໄຫມ,ເນື້ອໃນຂອງບຸນກຸດຈີນກໍພວມມີການປ່ຽນແປງ,ແບບວິທີສະຫຼອງກໍຕ່າງເກົ່າແລ້ວ,ແຕ່ຖານະຂອງບຸນກຸດຈີນຍັງບໍ່ມີສິ່ງໃດເຂົ້າແທນໄດ້ໃນຊີວິດການເປັນຢູ່ແລະຈິດນຳນຶກຂອງຄົນທັງຫຼາຍ.
ຕາມການເລົ່າລືກັນວ່າບຸນກຸດຈີນໄດ້ມີປະຫວັດ 4 ພັນປີແລ້ວ,ແຕ່ວ່າໃນເວລາເລີ່ມຕົ້ນບໍ່ເອີ້ນວ່າບຸນກຸດຈີນ,ແລະບໍ່ມີມື້ອັນແນ່ນອນ,ຈົນມາຮອດກ່ອນ ຄ.ສ ສອງພັນ ຫນຶ່ງຮ້ອຍກວ່າປີໃນປາງນັ້ນ,ຄົນທັງຫຼາຍຈິ່ງຖືເອົາເວລາທີ່ດາວພະຫັດຫມູນອ້ອມຮອບຫນຶ່ງເປັນປີຫນຶ່ງ,ຈິ່ງເອີ້ນມື້ກຸດຈີນວ່າ,ປີ ກ່ອນ ຄ.ສ ຫນຶ່ງພັນປີ,ຄົນທັງຫຼາຍຖືເອົານຽນເຊິ່ງຫມາຍຄວາມປີມາສະແດງເປັນມື້ບຸນກຸດຈີນ,ຄຳວ່າມຽນໃນຄາວນັ້ນມີຄວາມຫມາຍວ່າ,ເກັບກ່ຽວພືດພັນທັນຍາຫານ,ຖ້າເກັບກ່ຽວໄດ້ຫຼາຍເອີ້ນວ່າໂຢວນຽນ,ຖ້າເກັບກ່ຽວໄດ້ອຸດົມສົມບູນແທ້ໆກໍ່ເອີ້ນວ່າຕ້າໂຢວນຽນ.
ຕາມຮີດຄອງປະເພນີພື້ນເມືອງຂອງຈີນ,ບຸນກຸດຈີນໃນຄວາມຫມາຍທົ່ວໄປ,ແມ່ນເລີ່ມແຕ່ມື້ແຮມ 8 ຄ່ຳເດືອນ 12 ຈົນຮອດບຸນເຂົ້າຫນົມບົວລອຍຫຼືຄວາມຈີນຮຽກວ່າຢວນຊຽວເຈຽໃນເດືອນຈຽງ 15 ຄ່ຳຈັນທະຄະຕິເຊິ່ງຍຶດເຍືອເປັນເວລາເກືອບສາມອາທິດ,ໃນໄລຍະນີ້,ນັບວ່າມື້ແຮມ 15 ຄ່ຳເດືອນ 12 ຄື:ວັນສິ້ນປີແລະມື້ອອກໃຫມ່ຫນຶ່ງຄ່ຳເດືອນຈຽງເປັນມື້ຄຶກຄື້ນກວ່າຫມູ່.
ຢູ່ແຫ່ງຕ່າງໆຂອງຈີນ,ກໍມີຮີດຄອງປະເພນີເຮັດບຸນທີ່ຕ່າງກັນຫຼາຍຢ່າງ,ແຕ່ວ່າຫມົດທຸກຄົນໃນຄອບຄົວຊຸມພາເຂົ້າກັນໃນຕອນຄ່ຳວັນສິ້ນປີນັ້ນ,ບໍ່ວ່າຢູ່ພາກເຫນືອຫຼືພາກໃຕ້ແມ່ນເຮັດແບບດຽວກັນຫມົດ,ຢູ່ພາກໃຕ້ອາຫານຄາບນີ້ຕ້ອງມີ 10 ກວ່າເຍື່ອງ,ໃນນັ້ນ,ຕ້ອງມີເຕົາຮູ້ແລະປາ,ເພາະເຕົາຮູ້ແລະປາຢູ່ໃນພາສາຈີນອອກສຽງຄ້າຍຄືກັບຄຳວ່າຟູ້ໂຢະ ຟູ້ໂຢະແປວ່າຮັ່ງມີເຫຼືອກິນເຫຼືອໃຊ້ຢູ່ພາກເຫນືອ
ຄອບຄົວຊຸມເຂົ້າຮ່ວມພາໃນຄາບຄ່ຳວັນສິ້ນປີສ່ວນຫຼາຍຈະຕ້ອງກິນສຸຍຈຽວ ຄື:
ເຂົ້າຫນົມກ້ຽວ,ຫມົດຄອບຄົວນັ່ງຫໍ່ສຸຍຈຽວນຳກັນ,ເມື່ອຫໍ່ແລ້ວໆ,ກໍ່ຕົ້ມໃຫ້ສຸກ,ຈ້ຳ ນ້ຳແຈ່ວກິນ,ນັ່ງຊຸມໂຕະກັນຟົດຟື້ນຄຶກຄື້ນທີ່ສຸດ ເຂົ້າຫນົມສຸຍຈຽວມີຄວາມຫມາຍ
ເຕົ້າໂຮມກັນຢ່າງພ້ອມພຽງຮຽງຫນ້າ.
ໃນອາຫານດັ້ງເດີມໃນມື້ບຸນກຸດຈີນຍັງມີເຂົ້າຫນົມນຽນກາວທີ່ຄ້າຍກັບເຂົ້າຫນົມເຂັ້ງແລະມີເຂົ້າຫນົມບົວລອຍແນວມີໄສ້ແລະບໍ່ມີໄສ້ທີ່ເຮັດດ້ວຍແປ້ງເຂົ້າຫນຽວ,
ອາຫານເຫຼົ່ານີ້ມີຄວາມຫມາຍວ່າ,ຊີວິດການເປັນຢູ່ດີຂຶ້ນນຳຄູ່ປີ,ຄອບຄົວເຕົ້າໂຮມກັນແລະມີຄວາມສຸກ.
ການຄົບງັນຄືນວັນສິ້ນປີກໍ່ແມ່ນການເຄື່ອນໄຫວແນວຫນຶ່ງໃນຍາມບຸນກຸດຈີນທີ່ສືບທອດກັນມາ,ໃນຄືນວັນສິ້ນປີຄົນທັງຫຼາຍສົ່ງທ້າຍປີເກົ່າຕ້ອນຮັບປີໃຫມ່ໃນທ່າມກາງບັນຍາາດມ່ວນຊື່ນ,ແຕ່ກ່ອນ,ເມື່ອຮອດບຸນປີໃຫມ່,ຄົນທັງຫຼາຍມັກຈູດຫມາກກະໂພກເພື່ອເປັນການສະເຫຼີມສະຫຼອງ,ຮີດຄອງປະເພນີຂັບໄລ່ຄວາມອັບປະມຸງຄຸນດັ່ງກ່າວຍ້ອນມູນເຫດທາງດ້ານຄວາມປອດໄພແລະການເຊື່ອມພິດ,ຢູ່ປັກກິ່ງແລະໃນຕົວເມືອງໃຫຍ່ຫຼາຍແຫ່ງຂອງຈີນໄດ້ຫ້າມບໍ່ໃຫ້ຈູດຫມາກກະໂພກແລ້ວ,ພໍຮອດມື້ອອກໃຫມ່ຫນຶ່ງຄ່ຳເດືອນຈຽງ,ເຊິ່ງເປັນມື້ຂຶ້ນປີໃຫມ່,ຍິງຊາຍນ້ອຍໃຫຍ່ກໍຈະພາກັນແຕ່ງເນື້ອແຕ່ງກາຍຕ້ອນຮັບແຂກມາຢາມຫຼືອອກເຮືອນໄປອວຍໃຫ້ພອນແກ່ກັນ,ຖ້າໃນຫນຶ່ງປີທີ່ຜ່ານມາ,ລະຫວ່າງຍາດຕິພີ່ນ້ອງຫຼືເພື່ອນມິດເຄີຍເກີດການຜິດຂ້ອງຕ້ອງຖຽງກັນ,ແລ້ວເມື່ອຮອດຍາມກຸດຈີນ,ຖ້າອວຍໄຊໃຫ້ພອນແກ່ກັນກໍຫມາຍຄວາມວ່າໄດ້ອະໂຫສິກຳແກ່ກັນແລ້ວ.
ໃນຍາມກຸດຈີນ,ມີການເຄື່ອນໄຫວຫຼາຍຮູບຫຼາຍແບບ,ໃນຫຼາຍປີມານີ້,ເມື່ອປີໃຫມ່ສາກົນຫາກໍຜ່ານໄປ,ຮູບເງົາອວຍພອນປີໃຫມ່ກໍເລີ່ມນຳອອກສາຍຢ່າງຄຶກຄັກໃນທົ່ວປະເທດ.ຢູ່ເຂດຊົນນະບົດອັນກວ້າງໃຫຍ່ໄພສານ,ກໍຍ່ອມຈະຈັດໃຫ້ມີການ
ຫຼິ້ນງິ້ວທ້ອງຖິ່ນ,ເຊີດໂຕສິງ ຟ້ອນຢາງໂກ ຫຼິ້ນໄມ້ໂຢກເຢກ,ຫຼິ້ນບຸນວັດ,ແລະ
ອື່ນໆປ່ຽນລົ້ນໄປດ້ວຍບັນຍາກາດມ່ວນຊື່ນຟົດຟື້ນ,ຢູ່ປັກກິ່ງ,ໃນຫຼາຍປີມານີ້ກໍມັກ ຈັດບຸນວັດຢ່າງຂະຫນາດໃຫຍ່,ແຕ່ຄົນສ່ວນຫຼາຍກໍຍັງມັກເບິ່ງລາຍການໂທລະພາບຢູ່ກັບເຮືອນຕົນເອງຫຼາຍກວ່າໃນວັນບຸນ,ສະຖານນີໂທລະພາບແຫ່ງຕ່າງໆຈະຈັດໃຫ້ມີລາຍການອັນດີເລີດເປັນຈຳນວນຫຼວງຫຼາຍສຳລັບຜູ່ຊົມທີ່ມີອາຍຸຕ່າງກັນ
ການຕິດຄະຕິຄູ່ ຕິດຮູບແຕ້ມປີໃຫມ່ແລະໄຕ້ໂຄມໄຟກໍແມ່ນເນື້ອໃນທີ່ຄົນທັງຫຼາຍ
ມັກເຮັດໃນຍາມບຸນກຸດຈີນ,ຄຽງຄູ່ກັບລະດັບຊີວິດການເປັນຢູ່ຂອງປະຊາຊົນສູງຂຶ້ນເລື້ອຍໆ,ໃນຂະນະທີ່ຄົນທັງຫຼາຍຮັກສາຮີດຄອງປະເພນີດັ້ງເດີມນັ້ນ,ກໍໄດ້ຈັດໃຫ້ມີການເຄື່ອນໄຫວສະຫຼອງແບບໃຫມ່ຂຶ້ນ,ຕົວຢ່າງຄື:ໄປແລ່ນສະກີດຫຼືນັດເພື່ອນຫຼາຍຄົນມາຫຼິ້ນເກມນຳນັກ,ຫຼືຮ່ວມກັນແຕ້ມຮູບກາຕູນທີ່ມີຄວາມຫມາຍເປັນຕົ້ນ.ນອກນີ້,ການໄປທ່ອງທ່ຽວຢູ່ຕ່າງປະເທດກໍໄດ້ກາຍເປັນລົດນິຍົມໃຫມ່ຊະນິດຫນຶ່ງຂອງຊາວຈີນແລ້ວ.
ເລື່ອງທີ່ຍັງຢາກເວົ້າສູ່ຟັງນັ້ນກໍແມ່ນຈີນແມ່ນປະເທດທີ່ມີຫຼາຍຊົນເຜົ່າ,ນອກຈາກເຜົ່າຮ້ານແລ້ວ,ຍັງມີ 55 ຊົນເຜົ່າສ່ວນຫນ້ອຍ,ພວກເຂົາເຈົ້າເຖິງວ່າມີພາສາປາກເວົ້າຕ່າງກັນແລະຕົວຫນັງສືຕ່າງກັນແບບວິທີດຳລົງຊີວິດແລະຮີດຄອງປະເພນີກໍ່ບໍຄືກັນກໍຕາມ,ແຕ່ເຂົາເຈົ້າສ່ວນຫຼາຍລ້ວນແຕ່ຖືບຸນກຸດຈີນເປັນມື້ບຸນສຳຄັນຂອງຊົນເຜົ່າຕົນຄື:ເຜົ່າເອີລຸນຊຸ່ນ ເຜົ່າຕະໂວ້ເອີ ເຜົ່າເກົາຫລີ ເຜົ່າມົ້ງ ເຜົ່າຢ້າວ ເຜົ່າເຊີ່ ແລະເຜົ່າກິ່ງເປັນຕົ້ນ,ການເຄື່ອນໄຫວສະຫຼອງບຸນຂອງເຂົາເຈົ້າຍັງຮັກສາຈຸດພິເສດຂອງຊົນເຜົ່າຕົນເອງໄວ້.
|
|
|
