|
|
 |
| (GMT+08:00)
2005-05-18 12:03:27
|
 |
|
ເວທີປາໄສການຮ່ວມມືເສດຖະກິດ
ການຄ້າຈີນ-ສິງກະໂປໄຂຂຶ້ນຢູ່
ສິງກະໂປ
cri
Author: da
|
ຕາມຂ່າວCRI: ເວທີປາໄສການຮ່ວມມືທາງເສດຖະກິດການຄ້າຈີນ-ສິງກະໂປໄດ້ໄຂຂຶ້ນຢູ່ສິງກະໂປໃນວັນທີ 18 ພຶດສະພາ.
ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນທີ່ພວມຢ້ຽມຢາມສິງກະໂປໄດ້ເຂົ້າຮ່ວມພິທີໄຂກອງປະຊຸມແລະກ່າວປາຖະກະຖາທີ່ມີຫົວຂໍ້ວ່າ"ເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ຊຸກຍູ້ໃຫ້ພັດທະນາພ້ອມກັນ".ທ່ານອູປາງໂກຊີ້ອອກວ່າ,ສອງຝ່າຍຄວນພ້ອມກັນພະຍາຍາມເຮັດໃຫ້ບໍລິມາດການຄ້າສອງຝ່າຍໃນປີ 2010 ລື່ນກາຍ 50 ຕື້ໂດລາສະຫະລັດ.
ທ່ານອູປາງໂກຍັງໄດ້ສະເໜີຂໍ້ສະເໜີລະອຽດ,ໃນນັ້ນລວມທັງການສ້າງພື້ນຖານການຮ່ວມມືເສດຖະກິດການຄ້າໃຫ້ໜາແໜ້ນຕື່ມອີກ,ເສີມຂະຫຍາຍບົດບາດສຳຄັນຂອງວິສາຫະກິດໃນການຮ່ວມມືເສດຖະກິດການຄ້າ,ບຸກເບີກຈຸດເພີ່ມໃໝ່ໃນການຮ່ວມມືເສດຖະກິດການຄ້າຢ່າງຕັ້ງໜ້າ,ສືບຕໍ່ເພີ່ມທະວີການປະສານສົບທົບໃນການຮ່ວມມືເສດຖະກິດການຄ້າຫຼາຍຝ່າຍ.
ນອກນີ້,ທ່ານອູປາງໂກຍັງໄດ້ຕີລາຄາສູງຕໍ່ການສ້າງສາເຂດການຄ້າເສລີຈີນ-ອາຊຽນ.
ຜູ້ແທນວົງການອຸດສາຫະກຳການຄ້າ ອົງການນິຕິບັນຍັດແລະເຈົ້າໜ້າທີ່ລັດຖະບານຂອງສອງປະເທດຈີນສິງກະໂປລວມ 500 ກວ່າຄົນໄດ້ເຂົ້າຮ່ວມພິທີໄຂກອງປະຊຸມ.
ທ່ານອັບດຸນລາ ປະທານລັດຖະສະພາສິງກະໂປກໍໄດ້ກ່າວປາຖະກະຖາໃນພິທີໄຂກອງປະຊຸມ.
|
|
|
