|
|
 |
| (GMT+08:00)
2005-05-18 16:06:50
|
 |
|
ຟິມສີແມ່ນມີຂຶ້ນແນວໃດ?
cri
Author: li
ບໍ່ວ່າຢູ່ຮ້ານສັບພະສິນຄ້າຫຼືວ່າຢູ່ຮ້ານລ້າງຮູບ,ຟິມສີຕ່າງໆເຊັ່ນໂກດັກແລະຟູຈີເປັນຕົ້ນແມ່ນມີຢູ່ທົ່ວໄປ,ມັນໄດ້ນຳເອົາຄວາມເບີກບານມ່ວນຊື່ນຫຼວງຫຼາຍມາໃຫ້ຊີວິດຂອງພວກເຮົາ,ແຕ່ວ່າ,ທ່ານຮູ້ບໍ່ວ່າຟິມສີແມ່ນມີຂຶ້ນແນວໃດ?
ຟິມສີແຜ່ນທຳອິດໃນໂລກແມ່ນທ່ານໂກເດັສກີແລະທ່ານມານເນັສ ເປັນຜູ້ປະດິດໃນປີ 1923 ,ຟິມຖ່າຍຮູບໄດ້ບັນທຶກບາງຕອນຂອງຊີວິດຂອງມະນຸດຢ່າງແທ້ຈິງ,ກາຍເປັນທີ່ລະລຶກຢ່າງຖາວອນຂອງຄົນທັງຫຼາຍ,ບໍລິສັດໂກດັກໄດ້ນິຍົມກັນໃນທົ່ວໂລກ,ໃນຊູ່ມື້ນີ້,ບໍ່ວ່ານັກຖ່າຍຮູບທີ່ມີວິຊາສະເພາະຫຼືວ່າການຖ່າຍຮູບໃນຊີວິດຄອບຄົວ,ຄົນທັງຫຼາຍກໍໃຊ້ຟິມສີໂດຍທົ່ວໄປ.
ຟິມແມ່ນມີຂຶ້ນຫລັງຈາກໄດ້ປະດິດສ້າງກ້ອງຖ່າຍຮູບແລ້ວ,ຕັ້ງແຕ່ປີ 1826 ພຸ້ນກໍໄດ້ມີກ້ອງຖ່າຍຮູບເຄື່ອງທຳອິດໃນໂລກໂດຍແມ່ນທ່ານນິບສ໌ຊາວຝຼັ່ງເປັນຜູ່ປະດິດສ້າງ,ທ່ານໄດ້ດັດແປງຕາມຫີບອັດແຈບຂອງເຄື່ອງອັດຜັງແຕ້ມແບບມືຖືຊະນິດຫນຶ່ງໃນສະຕະວັດທີ 17 ທີ່ເບິ່ງໄປແລ້ວທັງໃຫຍ່ທັງຫນັກ,ທ່ານນິບສ໌ທີ່ສະຫຼາດໄດ້ດັດແປງຫີບອັດແຈບເອົາເລັນກ້ອງມ່ານປັບແສງແລະແຜ່ນແກ້ວຊາໃສ່,ກໍເຮັດເປັນກ້ອງຖ່າຍຮູບ,ທ່ານນິບສ໌ໄດ້ໃຊ້ກ້ອງຖ່າຍຮູບທີ່ເຮັດເອງ,ໃຊ້ເວລາ 8 ຊົ່ວໂມງເພື່ອປ່ອຍແສງເຂົ້າຖ່າຍເອົາຮູບໃບທຳອິດໃນໂລກ,ທ່ານໄດ້ຕັ້ງຊື່ໃຫ້ຢ່າງມ່ວນວ່າ,ພາບທີ່ວາດດ້ວຍແສງຕາເວັນ.
ຫລັງຈາກນັ້ນ,ທ່ານກັບທ່ານດາແກນ ນັກປະດິດສ້າງອີກຜູ່ຫນຶ່ງໄດ້ພ້ອມກັນປະດິດສ້າງວິທີຖ່າຍຮູບດ້ວຍແຜ່ນເງິນ,ຄືເອົາແຜ່ນທອງທີ່ເຄື່ອບເງິນວາງໄວ້ເທິງຊາມທີ່ໃສ່ອີອົດ,ເມື່ອກ້ອງຖ່າຍຮູບຖືກແສງແລ້ວກໍໃຊ້ອາຍນ້ຳບາຮ້ອນມາຮົມແຜ່ນທອງໂອບເງິນດັ່ງກ່າວຢູ່ເທິງແຜ່ນເງິນກໍຄ່ອຍໆມີຮູບປະກົດອອກ,ຖ້າເອົາແຜ່ນແຊ່ໃສ່ນ້ຳເກືອ,ມັນກໍຈະເປັນຮູບຖາວອນ,ນີ້ກໍແມ່ນການເປັນມາຂອງຟິມໃນເວລາທຳອິດ.
ຫລັງຈາກນັ້ນ 50 ກວ່າປີ,ທ່ານຈອດ ອິສມານ ຊາວອາເມລິກາໄດ້ປະດິດສ້າງຟິມໃສທີ່ໄວແສງຊະນິດຫນຶ່ງ,ເພື່ອໃຊ້ເປັນຟິມຖ່າຍຮູບ,ກ່ຽວກັບຄວາມຄຶດປະດິດຟິມສີ,ແມ່ນທ່ານຄູນຊູແຢນ,ເປັນຜູ່ສະເຫນີອອກມາກ່ອນຫມູ່,ຍ້ອນວ່າເຕັກນິກບໍ່ສຸກງອມຈຶ່ງບໍ່ສຳລັດ,ຈາກນັ້ນ,ນັກວິທະຍາສາດຫຼາຍທ່ານຂອງເຢຍລະມັນກໍໄດ້ເຂົ້າຮ່ວມການຄົ້ນຄວ້າໃນດ້ານນີ້ຕາມໆກັນ,ແຕ່ກໍ່ບໍ່ໄດ້ຮັບຜົນຕົວຈິງ.
ຟິມສີໂກດັກມີຂຶ້ນເມື່ອປີ 1923,ປະດິດສ້າງໂດຍທ່ານໂກເດັສກີ ແລະທ່ານມານເນັສ ໃນສະໄຫມພວກທ່ານທັງສອງຮຽນຢູ່ນິວຢອກນັ້ນໄດ້ຕິດອົກຕິດໃຈນຳເຕັກນິກຖ່າຍຮູບຫຼາຍ,ສະນັ້ນ,ໄດ້ພາກັນເຮັດການທົດລອງຫຼາຍຢ່າງ,ຫລັງຈາກທ່ານມານເນັສເຂົ້າມະຫາວິທະຍາໄລຮາເວິດແລະທ່ານໂກເດັສກີ ເຂົ້າມະຫາວິທະຍາໄລການີໂຟເນຍແລ້ວ,ພວກເພິ່ນຍັງໄດ້ໃຊ້ເວລາພັກຮຽນດຳເນີນການຄົ້ນຄວ້ານຳກັນ,ແລະເລີ່ມພິຈາລະນາຜະລິດຟິມທີ່ມີສີຕ່າງໆ,ເມື່ອຮອດປີ 1923,ຈຶ່ງໄດ້ຖ່າຍຮູບທີມີສີຕ່າງໆໃບທຳອິດສຳເລັດໃນການຄົ້ນຄວ້າຜະລິດນັ້ນ,ພວກເຂົາເຈົ້າໄດ້ຮັບການຊ່ອຍເຫຼືອຈາກທ່ານດຣ ມິສ ຂອງບໍລິສັດອີສມານ,ໂກດັກອາເມລິກາ,ໄດ້ແກ້ໄຂວິທີຄວບຄຸມບໍ່ໃຫ້ຢາລ້າງຮູບຊືມອອກ,ທັງນີ້ໄດ້ເສີມຂະຫຍາຍບົດບາດຊີ້ຂາດຕໍ່ການທົດລອງຜະລິດຟິມສີໂກດັກຢ່າງສຳເລັດຜົນ,ເມື່ອ 1953 ໂດຍມີພະນັກງານຂອງສະຖາບັນຄົ້ນຄ້ວາໂກດັກຊ່ອຍເຫຼືອ,ທ່ານໂກເດັສກີແລະທ່ານມານເນັສໄດ້ຊອກພົບວິທີຜະລິດຟິມສີໂກດັກເປັນງວດໃຫຍ່,ບໍລິສັດອີສມານໂກດັກຈຶ່ງໄດ້ຂາຍສິນຄ້າແນວນີ້ທີ່ຕັ້ງຊື່ໃຫ້ວ່າໂກດັກ.
ໃນຊູ່ມື້ນີ້,ຟິມໂກດັກໄດ້ກາຍເປັນສິນຄ້າທີ່ຂາຍດິບຂາຍດີຢູ່ໃນທົ່ວໂລກແລ້ວ,ໄດ້ຖືກນຳໃຊ້ໃນທຸກໆຄອບຄົວ,ບໍ່ວ່າໃນການຖ່າຍຮູບວິຊາອາຊີບສະເພາະຫຼືວ່າໃນການຖ່າຍຮູບໃນຄອບຄົວ,ກໍ່ລ້ວນແຕ່ໄດ້ໃຊ້ຟິມສີໂດຍທົ່ວໄປ, ສິ່ງທີ່ຖືກບັນທຶກໃນຮູບຖ່າຍນັ້ນແມ່ນການປ່ຽນແປງຂອງຊີວິດ,ແຕ່ຟິມທີ່ບາງໆແຜ່ນຫນຶ່ງພັດແມ່ນຫົວກະທິແຫ່ງການຄົ້ນຄວ້າວິທະຍາສາດຂອງມວນມະນຸດ
|
|
|
