|
[ນາງຢາງລີ້ພິງ ນັກຟ້ອນຂອງຈີນ]
cri
Author: mo
|
ນາງຢາງລີ້ພິງແມ່ນນັກຟ້ອນເຜົ່າປາຍທີ່ມີຊື່ສຽງຂອງຈີນ. ນາງໄດ້ໃຊ້ວາດຟ້ອນທີ່ສວຍງາມມາສະແດງທຳມະຊາດ, ສະແດງຊີວິດ, ສະແດງຄວາມງາມທຳມະຊາດແລະບຸກຄະລິກຂອງຄົນ.
 ປີ 1958, ນາງຢາງລີ້ພິງເກີດໃນຄອບຄົວເຜົ່າປາຍຢູ່ເມືອງຕ້າຫຼີແຂວງຢຸນນານ. ພໍ່ແມ່ໄດ້ຢ່າຮ້າງກັນໃນຍາມນາງຍັງນ້ອຍ, ນາງໄດ້ຢູ່ກັບແມ່, ນ້ອງສາວສອງຄົນແລະນ້ອງຊາຍຜູ້ໜຶ່ງ. ເຖິງວ່າ, ຊີວິດຈະທຸກຍາກປານໃດ, ແຕ່ໃນຄວາມຊົງຈຳໄວເດັກຂອງນາງ, ນາງພັດບໍ່ຈື່ວ່າມີຄວາມທຸກຍາກຫລາຍປານໃດ, ໃນຄວາມຊົງຈຳ, ມີແຕ່ຮີດຄອງປະເພນີອັນບໍລິສຸດຜຸດຜ່ອງຂອງບ້ານເກີດແລະການຟ້ອນອັນຫລາຍສີຫລາຍສັນຂອງຊົນເຜົ່າ.
ໃນຄອບຄົວຂອງນາງຢາງລີ້ພິງ, ບໍ່ມີຜູ້ໃດເປັນນັກຟ້ອນ, ເວົ້າສຳລັບນາງຢາງລີ້ພິງແລ້ວ, ການຟ້ອນແມ່ນພອນສະຫວັນຂອງນາງມາແຕ່ເກີດ. ນາງເວົ້າວ່າ: 
ຂ້າພະເຈົ້າຮູ້ສຶກວ່າ, ຂ້າພະເຈົ້າເອງມີພອນສະຫວັນທາງດ້ານນີ້, ເວົ້າສຳລັບຂ້າພະເຈົ້າແລ້ວ, ການຟ້ອນບໍ່ແມ່ນເລື່ອງຍາກຫຍັງ. ຂ້າພະເຈົ້າຮູ້ສຶກວ່າ, ການໃຊ້ແຂນຂາແລະຮ່າງາຍມາສະແດງຄວາມຄິດຂອງຕົນແມ່ນເລື່ອງງ່າຍທີ່ສຸດ, ບໍ່ມີສິ່ງຂັດຂ້ອງຫຍັງເລີຍ, ຄວາມຄິດສາມາດສົ່ງສັນຍານໃຫ້ຮ່າງກາຍ, ແລ້ວຂ້າພະເຈົ້າກໍສະແດງອອກມາໄດ້ຢ່າງລ່ອງຊ່ອງຈະແຈ້ງ.
1 2 3
|
|
