|
|
 |
| (GMT+08:00)
2005-05-18 18:05:09
|
 |
|
ການພົວພັນລະຫວ່າງອີຣັກກັບອີຣານເປີດໜ້າໃໝ່
cri
Author: da
ຕາມຂ່າວCRI: ວັນທີ 17 ພຶດສະພາ,ທ່ານຮາຣາຊີ ລັດຖະມົນຕີການຕ່າງປະເທດອີຣານເດີນທາງໄປຮອດແບກແດັດ,ເລີ່ມຢ້ຽມຢາມອີຣັກ,ທ່ານແມ່ນເຈົ້າໜ້າທີ່ສູງສຸດຂອງອີຣານທີ່ຢ້ຽມຢາມອີຣັກຫຼັງຈາກອຳນາດການປົກຄອງຊາດາມຖືກໂຄ່ນລົ້ມ.ມື້ດຽວກັນ ທ່ານຮາຣາຊີໄດ້ເຈລະຈາກັບທ່ານເຊບາຣີ ລັດຖະມົນຕີການຕ່າງປະເທດອີຣັກ,ສອງຝ່າຍເປັນເອກະສັນກັນເຫັນດີລືມເລື່ອງເກົ່າ,ເປີດໜ້າໃໝ່ແຫ່ງການພົວພັນລະຫວ່າງສອງປະເທດບົນພື້ນຖານໂຄລົບເຊິ່ງກັນແລະກັນ ຮ່ວມມືກັນແລະຕ່າງບໍ່ແຊກແຊງວຽກງານພາຍໃນຂອງກັນ.
ໃນງານຊຸມນຸມນັກຂ່າວຮ່ວມທີ່ຈັດຂຶ້ນຫຼັງການເຈລະຈາ,ທ່ານຮາຣາຊີກ່າວເນັ້ນວ່າ,ທັງສອງປະເທດຈະດຳເນີນການຮ່ວມມືຮອບດ້ານໃນຂົງເຂດຄວາມປອດໄພແລະຂົງເຂດເສດຖະກິດເປັນຕົ້ນ,ພ້ອມກັນນັ້ນ ທ່ານຍັງໃຫ້ຄຳໝັ້ນສັນຍາວ່າ,ອີຣານຈະພະຍາຍາມສະກັດກັ້ນພວກປະກອບອາວຸດຂ້າມຊາຍແດນລະຫວ່າງສອງປະເທດແລ້ວເລັດລອດເຂົ້າອີຣັກ.ທ່ານເຊບາຣີເວົ້າວ່າ,ທ່ານຈາຄາວີ ຜູ້ນຳເບີສາມຂອງອົງການອານ ເຄດາແມ່ນສັດຕູຮ່ວມຂອງອີຣັກແລະອີຣານ,ລັດຖະບານຊຸດໃໝ່ຂອງອີຣັກເຊື່ອວ່າ,ອີຣານບໍ່ຫ່ອນສະໜັບສະໜູນອົງການອານ ເຄດາຢູ່ອີຣັກແລະທ່ານຈາຄາວີ ຜູ້ນຳອານ ເຄດາ.
ໃນໄລຍະຢ້ຽມຢາມອີຣັກ,ທ່ານຮາຣາຊີຍັງຈະພົບປະກັບຜູ້ນຳທ່ານອື່ນໆຂອງລັດຖະບານຊຸດໃໝ່ຂອງອີຣັກ,ຕົ້ນຕໍຫາລືການຄວບຄຸມຊາຍແດນລະຫວ່າງປະເທດທັງສອງສະກັດກັ້ນພວກປະກອບອາວຸດເລັດລອດເຂົ້າອີຣັກ,ເຮັດໃຫ້ການວິວາດກັນຈາກສົງຄາມອີຣັກອີຣານສິ້ນສຸດລົງ,ອະນຸຍາດຊາວອີຣານໄຫວ້ໂຄລົບຂຸມຝັງສົບຊາວນິກາຍຊີອິດຢູ່ອີຣັກແລະບັນຫາອື່ນໆ.
ປະຈຸບັນ,ບັນຫາພົ້ນເດັ່ນທີ່ສຸດທີ່ອີຣັກປະສົບໃນຂະບວນວິວັດສ້າງສາຄືນໃໝ່ທາງການເມືອງແລະເສດຖະກິດນັ້ນແມ່ນບັນຫາຄວາມປອດໄພ.ແຕ່ລັດຖະບານຊຸດໃໝ່ຂອງອີຣັກສ້າງຕັ້ງຂຶ້ນເປັນຕົ້ນມາ,ພວກປະກອບອາວຸດອີຣັກໄດ້ເປີດການໂຈມຕີດ້ວຍລູກລະເບີດຢ່າງນອງເລືອດຫຼາຍເທື່ອ,ໄດ້ມີເກືອບ 500 ຄົນຕາຍແລ້ວ.ສະຖານະການຄວາມປອດໄພປັ່ນປ່ວນນັ້ນ,ໄດ້ກີດຂວາງຂະບວນວິວັດສ້າງການຄືນໃໝ່ທາງການເມືອງແລະເສດຖະກິດຂອງອີຣັກ.ສິ່ງທີ່ເຮັດໃຫ້ຄົນເປັນຫ່ວງເປັນໃຍເປັນພິເສດນັ້ນແມ່ນ,ຄວາມຂັດແຍ່ງກັນລະຫວ່າງນິກາຍຊີອິດ ນິກາຍຊຸນນິດແລະຊາວເຄິດຂອງອີຣັກໃນປະຈຸບັນພວມດຸເດືອດຂຶ້ນ,ຄວາມອັນຕະລາຍທີ່ອີຣັກກ້າວໄປຫາສົງຄາມລະຫວ່າງບັນດານິກາຍນັ້ນໄດ້ເພີ່ມຂຶ້ນຕື່ມ.ຢູ່ໃຕ້ສະພາບດັ່ງກ່າວນີ້,ໃນຖານເປັນປະເທດໃກ້ຄຽງທີ່ມີອິດທິພົນສຳຄັນຂອງອີຣັກ,ທ່ານຮາຣາຊີໄປຢ້ຽມຢາມອີຣັກ,ໄດ້ສະແດງໃຫ້ເຫັນອີກເທື່ອໜຶ່ງວ່າ ອີຣານສະໜັບສະໜູນລັດຖະບານຊຸດໃໝ່ຂອງອີຣັກ.ສ່ວນອີຣັກກັບອິຣານເຂົ້າໃກ້ຊິດກັນ, ຈະມີຜົນດີຕໍ່ການຟຶ້ນຟູຄວາມປອດໄພແລະສະຖຽນລະພາບຂອງອີຣັກໃນລະດັບສ່ວນໃດສ່ວນໜຶ່ງ,ຊຸກຍູ້ຂະບວນວິວັດສ້າງສາຄືນໃໝ່ທາງການເມືອງແລະເສດຖະກິດຂອງອີຣັກ.
ບຸກຄົນວິເຄາະເຫັນວ່າ,ຖ້າວ່າການຢ້ຽມຢາມຂອງທ່ານຮາຣາຊີເທື່ອນີ້ຈະເຮັດໃຫ້ອີຣັກກັບອີຣານຮ່ວມມືກັນໃນຂົງເຂດຄວາມປອດໄພແລະເສດຖະກິດ,ສະກັດກັ້ນພວກປະກອບອາວຸດຜ່ານຊາຍແດນເລັດລອດເຂົ້າອີຣັກ,ຊ່ອຍຟື້ນຟູຄວາມປອດໄພແລະສະຖຽນລະພາບຂອງອີຣັກ,ຊຸກຍູ້ຂະບວນວິວັດສ້າງສາຄືນໃໝ່ທາງການເມືອງແລະເສດຖະກິດຂອງອີຣັກແລ້ວ,ການພົວພັນລະຫວ່າງອີຣັກກັບອີຣານຍ່ອມຈະແໜ້ນແຟ້ນຂຶ້ນ.
|
|
|
