|
ຕາມຂ່າວCRI: ວັນທີ 18 ພຶດສະພານີ້, ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນທີ່ພວມຢ້ຽມຢາມສັນຖະວະໄມຕີສິງກະໂປຢ່າງເປັນທາງການກ່າວວ່າ, ຈີນສິງກະໂປສາມາດຫຼຸດຄວາມເຫັນຂັດກັນ ເປີດກວ້າງຄວາມຮັບຮູ້ຄືກັນຢ່າງບໍ່ຢຸດຢັ້ງໂດຍຜ່ານຈາກການເພີ່ມທະວີການທຳຄວາມເຂົ້າໃຈກັນແລະແລກປ່ຽນກັນ.
ໃນເວລາພົບປະທ່ານນາທານ ປະທານາທິບໍດິສິງກະໂປ, ທ່ານອູປາງໂກຂອບໃຈນຳທ່ານນາທານແລະລັດຖະບານສິງກະໂປທີ່ໄດ້ເຫັນອົກເຫັນໃຈແລະສະໜັບສະໜູນນະໂຍບາຍປະເທດຈີນດຽວ. ໃນເວລາກ່າວເຖິງບັນຫາການຮ່ວມມືໃນພາກພື້ນ, ທ່ານອູປາງໂກກ່າວວ່າ, ຈີນເອົາໃຈໃສ່ນຳການພົວພັນກັບອາຊຽນໂດຍຕະຫຼອດ, ຍິນດີເກາະແຂນຮ່ວມມືກັບປະເທດອາຊຽນເຊິ່ງລວມທັງສິງກະໂປ, ພ້ອມກັນສ້າງອະນາຄົດອັນດີງາມ.
ທ່ານນາທານກ່າວວ່າ, ນະໂຍບາຍປະເທດຈີນດຽວແມ່ນນະໂຍບາຍທີ່ຝ່າຍສິງກະໂປໂຄລົບໂດຍຕະຫຼອດໃນການຂະຫຍາຍການພົວພັນກັບຈີນ. ທ່ານກ່າວວ່າ, ຈີນເອົາໃຈໃສ່ນຳການຂະຫຍາຍການພົວພັນກັບປະເທດອາຊຽນນັ້ນ ບໍ່ພຽງແຕ່ບໍ່ແມ່ນການຂົ່ມຂູ່, ຫາກຍັງຈະອຳນວຍໂອກາດຫຼາຍກວ່າເກົ່າໃຫ້ແກ່ການພັດທະນາຂອງອາຊຽນແລະປະເທດອ້ອມຂ້າງ.
|
