|
|
 |
| (GMT+08:00)
2005-05-19 10:44:39
|
 |
|
ນາຍົກລັດຖະມົນຕີແລະລັດຖະບູລຸດສິງກະໂປຕ່າງພົບປະທ່ານອູປາງໂກ
cri
ຕາມຂ່າວCRI: ວັນທີ 18 ພຶດສະພາ,ທ່ານລີຊຽນລົງ ນາຍົກລັດຖະມົນຕີ ທ່ານລີກວາງຢູ ລັດຖະບູລຸດສິງກະໂປຕ່າງໄດ້ພົບປະທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນທີ່ໄປຢ້ຽມຢາມ.
ໃນການພົບປະ,ທ່ານລີຊຽນລົງເວົ້າວ່າ,ລົງເລິກການຮ່ວມມືລະຫວ່າງສິງກະໂປກັບຈີນສາມາດເຮັດໃຫ້ຕ່າງຝ່າຍຕ່າງມີຜົນປະໂຫຍດ.ການຮ່ວມມືລະຫວ່າງສິງກະໂປກັບຈີນໃນຫລາຍຂົງເຂດສາມາດເພີ່ມທະວີຕື່ມອີກ,ຝ່າຍສິງກະໂປຍິນດີກັບຝ່າຍຈີນຮ່ວມກັນຄົ້ນຄ້ວາຫາລືເນື້ອໃນແລະຊ່ອງທາງລົງເລິການຮ່ວມມື.
ທ່ານອູກາງໂກກ່າວວ່າດພຶດຕິກຳໄດ້ຢັ້ງຢືນວ່າ,ຄວາມໄວ້ເນື້ອເຊື່ອໃຈກັນທາງການເມືອງແມ່ນພື້ນຖານສຳຄັນແຫ່ງການຂະຫຍາຍການພົວພັນລະຫວ່າງຈີນກັບສິງກະໂປ,ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດແມ່ນພະລັງແມ່ແຮງອັນສຳຄັນແຫ່ງການຂະຫຍາຍການພົວພັນລະຫວ່າງຈີນກັບສິງກະໂປ.
ໃນການພົບປະ,ທ່ານລີກວາງຢູເວົ້າວ່າ,ການພັດທະນາຂອງຈີນແມ່ນການພັດທະນາທີ່ສັນຕິພາບ.ຜົນສຳເລັດຂອງຈີນສອດຄ່ອງກັບຜົນປະໂຫຍດຂອງສິງກະໂປ,ການຮ່ວມມືກັນລະຫວ່າງສິງກະໂປກັບຈີນແມ່ນຕ່າງຝ່າຍຕ່າງມີຜົນປະໂຫຍດ.
ທ່ານອູປາງໂກກ່າວວ່າ,ເສດຖະກິດຈີນກັບສິງກະໂປມີຄວາມຕາບຈູນກັນຫລາຍ,ການລົງເລິກການຮ່ວມມືມີເງື່ອນໄຂທີ່ຫາອັນປຽບບໍ່ໄດ້.ອຸດສາຫະກຳທີສາມເຊັ່ນການຈໍລະຈອນສິນຄ້າບໍລິການຍຸກປະຈຸບັນ ການທະນາຄານແລະການປະກັນໄພເປັນຕົ້ນສາມາດກາບເປັນຈຸດເຕີບໂຕໃຫມ່ແຫ່ງການຮ່ວມມືດ້ານເສດຖະກິດການຄ້າລະຫວ່າງຈີນສິງກະໂປ.
|
|
|
