|
|
 |
| (GMT+08:00)
2005-05-19 12:01:14
|
 |
|
ທ່ານອູປາງໂກສິ້ນສຸດການຢ້ຽມຢາມສິງກະໂປແລ້ວເດີນທາງໄປອົສຕຼາລີ
cri
Author: da
ຕາມຂ່າວCRI: ວັນທີ 19 ພຶດສະພາ ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ສີ້ນສຸດການຢ້ຽມຢາມສັນຖະວະໄມຕີສິງກະໂປຢ່າງເປັນທາງການ,ແລ້ວເດີນທາງໄປອົສຕຼາລີ ສືບຕໍ່ຢ້ຽມຢາມ 4 ປະເທດອາຊີປາຊິຟິກ.
ໃນໄລຍະຢ້ຽມຢາມສິງກະໂປ,ຜູ້ນຳຫຼາຍທ່ານເຊັ່ນທ່ານນາຕານ ປະທານາທິບໍດີ,ທ່ານລີຮຽນລົງ ນາຍົກລັດຖະມົນຕີ,ທ່ານອັບດູນລາ ຕາມູກີ ປະທານລັດຖະສະພາແລະທ່ານລີກວາງຢູ ລັດຖະບຸລຸດອາວຸໂສຄະນະລັດຖະບານສິງກະໂປໄດ້ແຍກອອກພົບປະກັບທ່ານອູປາງໂກ,ສອງຝ່າຍໄດ້ມີຄວາມເຫັນຄືກັນຫຼາຍຢ່າງກ່ຽວກັບການພົວພັນສອງຝ່າຍແລະບັນຫາອື່ນໆທີ່ສົນໃຈນຳກັນ.
ທ່ານອູປາງໂກຍັງໄດ້ເຂົ້າຮ່ວມພິທີໄຂເວທີປາໄສເສດຖະກິດການຄ້າຈີນສິງກະໂປແລະໄດ້ກ່າວປາຖະກະຖາ,ສະເໜີເປົ້າໝາຍໃໝ່ທີ່ໃຫ້ບໍລິມາດການຄ້າສອງຝ່າຍຈີນສິງກະໂປລື່ນກາຍ 50 ຕື້ໂດລາສະຫະລັດເມື່ອຮອດປີ 2010 ,ແລະຂໍ້ສະເໜີລະອຽດຂອງຝ່າຍຈີນກ່ຽວກັບເປົ້າໝາຍດັ່ງກ່າວ.
ນອກນີ້,ຫາງສຽງສິງກະໂປເຫັນວ່າ,ການເຊັນເອກະສານຮ່ວມມືລະຫວ່າງສອງປະເທດ ເຊັ່ນ"ສັນຍາສ້າງຕັ້ງຄະນະກຳມະການສົ່ງເສີມການລົງທຶນຈີນສິງກະໂປ"ເປັນຕົ້ນແມ່ນໝາກຜົນຕິດແທດຕົວຈິງທີ່ໄດ້ຮັບໃນການຢ້ຽມຢາມຂອງທ່ານອູປາງໂກເທື່ອນີ້.
|
|
|
