ຮອງລັດຖະມົນຕີກະຊວງປ້ອງກັນປະເທດອິສຣາແອນກ່າວວ່າຄວນໃຊ້ການແກ້ແຄ້ນຢ່າງຮຸນແຮງກວ່າເກົ່າຕໍ່ການຫຼອນໂຈມຕີຂອງປາເລັສຕິນ
cri
Author: q
ຕາມຂ່າວCRI,ວັນທີ19ພຶດສະພາ,ທ່ານໂບອິມ ຮອງລັດຖະມົນຕີກະຊວງປ້ອງກັນປະເທດອິສຣາແອນກ່າວວ່າ,ອິສຣາແອນຄວນໃຊ້ການເຄື່ອນໄຫວແກ້ແຄ້ນຢ່າງຮຸນແຮງກວ່າເກົ່າຕໍ່ການຫຼອນໂຈມຕີຂອງພວກປະກອບອາວຸດປາເລັສຕິນ.
ທ່ານໂບອິມກ່າວວ່າ,ນັບມາຮອດປັດຈຸບັນ,ຕໍ່ພວກປະກອບອາວຸດປາເລັສຕິນກໍ່ການຫຼອນໂຈມຕີຈຸດຕັ້ງຖິ່ນຖານຊາວຢິວແຖບກາຊາ,ອິສຣາແອນໄດ້ໃຊ້ທ່າທີອົດກັ້ນໂດຍຕະຫຼອດ.ອິສຣາແອນຖອນອອກຈາກກາຊາຢູ່ໃຕ້ການຫຼອນໂຈມຕີດ້ວຍລູກປືນໃຫຍ່ຂອງພວກປະກອບອາວຸດປາເລັສຕິນ,ນີ້ແມ່ນເລື່ອງທີ່ຄາດຄິດຍາກ.
ເລີ່ມແຕ່ວັນທີ18ພຶດສະພານີ້ເປັນຕົ້ນມາ,ອົງການຂະບວນການຕໍ່ຕ້ານອິສລາມປາເລັສຕິນຄືອົງການຮາມາສໄດ້ຍິງປຶນຄົກ30ກວ່າລູກແລະລູກສອນໄຟຕ້ານລົດຕັງຫຼາຍລູກໃສ່ຈຸດຕັ້ງຖິ່ນຖານຊາວຢິວແລະຈຸດທີ່ຕັ້ງກອງທະຫານອິສຣາແອນຢູ່ແຖງກາຊາ.ເພື່ອແກ້ແຄ້ນ,ກອງທັບອາກາດອິສຣາແອນໄດ້ຫຼອນໂຈມຕີພວກປະກອບອາວຸດຂອງອົງການຮາມາສດ້ວຍລູກສອນໄຟເປັນຄັ້ງທຳອິດແຕ່ປາເລັສຕິນອິສຣາແອນປະກາດຢຸດຍິງເມື່ອເດືອນກຸມພາມານີ້.
|
|