ຕາມ​ຂ່າວສານ​ຊິນ​ຮວາ: ​ໃນ​ເວທີ​ປາ​ໄສ​ສາກົນ​ກ່ຽວ​ກັບ​ການ​ປະກອບ​ອາຊີບ​ຂອງ​ຊາວ​ໜຸ່ມ​ກັບ​ສັງຄົມ​ກົມກຽວ​ກັນ" ທີ່​ຈະ​ຈັດ​ຂຶ້ນ​ໃນ​ວັນ​ທີ 20 ພຶດສະພາ​ນີ້, ອົງການ​ທີ່​ກ່ຽວຂ້ອງ​ຂອງ​ຈີນ​ຈະ​ປະກາດ​ຜົນ​ການ​ສຳຫຼວດສະພາບ​ການ​ປະກອບ​ອາຊີບ​ຂອງ​ຊາວ​ໜຸ່ມ.

ຕາມ​ທ່ານ​ຈຽງ​ກວາງ​ຜິ​ງ ຮອງ​ເລຂາ​ສະຫະພັນ​ຊາວ​ໜຸ່ມ​ທົ່ວ​ປະ​ເທດ​ຈີນ​ສະ​ເໜີ​ວ່າ, ນີ້​ແມ່ນ​ຈີນ​ດຳ​ເນີນ​ການ​ສຳຫຼວດສະພາບ​ການ​ປະກອບ​ອາຊີບ​ຂອງ​ຊາວ​ໜຸ່ມ​ເປັນຄັ້ງທຳ​ອິດ. ​ແຕ່ເດືອນມັງກອນ​ຮອດ​ເດືອນ​ມີນາ​ປີ​ນີ້, ພວກ​​ເຂົາ​ເຈົ້າ​ໄດ້​ສຳຫຼວດຊາວ​ໜຸ່ມ​ທີ່​ອາ​ຍຸແຕ່ 15 ປີ​ຮອດ 29 ປີ​ແລະ​ຜູ່​ຈ້າງຊາວ​ໜຸ່ມ​ໃນ 4 ຕົວ​ເມືອງ​ຂອງ​ຈີນ​ດ້ວຍ​ຮູບ​ການ​ຖອດ​ເອົາ​ຕົວຢ່າງ​ມາ​ຕອບ​ຄຳ​ຖາມ, ​ເນື້ອ​ໃນ​ການ​ສຳຫຼວດ​ໄດ້​ກ່ຽວ​ພັນ​ເຖິງ​ສະພາບ​ຮັບ​ການ​ສຶກສາ​ຂອງ​ຊາວ​ໜຸ່ມ ສະພາບ​ຕະຫຼາດ​ແຮງ​ງານ​ຊາວ​ໜຸ່ມ ສະພາບ​ສັງ​ລວມຂອງຊາວ​ໜຸ່ມ​ປະ​ກອບ​ອາຊີບ ​ແລະ​ບັນຫາ​ທີ່​ຊາວ​ໜຸ່ມ​ປະ​ເຊີນ​ໜ້າ​ໃນ​ການ​ສ້າງ​ພາລະກິດ​​ເອົາ​ເອງ​ເປັນຕົ້ນ.