|
|
 |
| (GMT+08:00)
2005-05-19 18:13:06
|
 |
|
ຄ້າຍກັກຂັງນາຊີ:ພິຍານທີ່ຢັ້ງຢືນປະຫວັດສາດທີ່ຊົ່ວຊ້າລາມົກແລະຫວາດຫວັ່ນຢ້ານກົວ
cri
Author: da
ໃນຖານເປັນຫົວຄິດປະດິດສ້າງທີ່ອັບອາຍຂາຍໜ້າໃນສະຕະວັດທີ 20 ,ລະບອບຄ້າຍກັກຂັງມີສອງຈຸດປະສົງ ຄື:ກ່ອນອື່ນແມ່ນໝີ່ນປະໝາດແລະຂົ່ມຂີ່ຄົນຈຳນວນໜຶ່ງເປັນຂ້ອຍຂ້າ,ແລ້ວດັບສູນຮ່າງກາຍຂອງພວກເຂົາເຈົ້າ,ລະບອບດັ່ງກ່າວນີ້ໄດ້ມີການພັດທະນາຈົນສຸດຂະໜາດບົນດິນແດນຈັກກະພັດທີສາມ,ຍ້ອນວ່າ ຄ້າຍກັກຂັງນາຊີຢູ່ທຸກແຫ່ງຫົນລ້ວນແຕ່ມີທາດແທ້ແລະແນວຄິດຊີ້ນຳອັນດຽວກັນ,ລ້ວນແຕ່ມີຈຸດປະສົງຄືກັນແລະໃຊ້ພາຫະນະຄືກັນ.
ພໍຮິດແລຂຶ້ນກຳອຳນາດກໍໄດ້ສ້າງຄ້າຍກັກຂັງງວດທຳອິດຢູ່ບ່ອນມໍ່ເມືອງໂມນິກແລະ ພາກເໜືອເມືອງແບກແລງ,ກັກຂັງຄົນທີ່ຄັດຄ້ານສັງຄົມນິຍົມລັດຂອງເຂົາ,ຄືຊາວກອມມູນິດ ຊາວພັກປະຊາທິປະໄຕສັງຄົມແລະສະມາຊິກກຳມະບານເປັນຕົ້ນ,ຍັງມີນັກໂທດອາຍາແລະຜູ້ບໍ່ພໍໃຈສ່ວນໜຶ່ງ.
ຄຽງຄູ່ກັບສົງຄາມໄດ້ເປີດກວ້າງອອກ,ແຕ່ປີ 1939 ເປັນຕົ້ນມາ,ອຳນາດການປົກຄອງຮິດແລໄດ້ຂະຫຍາຍຕາໜ່າງຄ້າຍກັກຂັງຢ່າງຫຼວງຫຼາຍ,ເພື່ອກັກຂັງປະຊາຊົນຂອງປະເທດທີ່ຖືກຍຶດຄອງ.ຕົວຢ່າງຄືປີ 1940 ໄດ້ສ້າງຄ້າຍກັກຂັງອົສວິສ,ຫຼັງຈາກນັ້ນໄດ້ສ້າງຄ້າຍກັກຂັງຢູ່ອານຊາສ໌,ໂປໂລຍ,ເຢຍລະມັນແລະໂຕລາເປັນຕົ້ນເປັນລຳດັບ. ຂະນະດຽວກັນນັ້ນ,ຊາວເຢຍລະມັນຍັງໄດ້ສ້າງຕັ້ງຄ້າຍດັບສູນບົນດິນແດນໂປໂລຍທີ່ປະຕິບັດນະໂຍບາຍອັນທີ່ວ່າ"ແກ້ໄຂໃນຂັ້ນສຸດທ້າຍ"ຂອງຮິດແລ,ກັກຂັງຊາວຢິວ ຊາວຢິບຊີແລະຊາວສລັຟເປັນຕົ້ນໂດຍຈຳເພາະ ເຊິ່ງເປັນເຊື້ອຊາດທີ່ຕ້ອງການດັບສູນ.
ໃນຄ້າຍກັກຂັງເຫຼົ່ານີ້ມີອັນທີ່ວ່າ"ນັກໂທດ"ຕ່າງໆ,ມີຕັ້ງ 25 ສັນຊາດ.ພວກເຂົາເຈົ້າດຳລົງຊີວິດທີ່ໜ້າສັງເວດ,ຖືກຟັດຊິກລົງໂທດຢ່າງທາລຸນ,ເປັນກຸລີເຮັດວຽກໜັກ,ແລະຈະຖືກດັບສູນໃນຂັ້ນສຸດທ້າຍ.ຍ້ອນວ່າ ຈຸດປະສົງຂອງຮິດແລແມ່ນຕ້ອງດັບສູນຊາວຢິວໝົດທຸກຄົນຢູ່ເອີລົບ.
ເດືອນມັງກອນປີ 1942,ຢູ່ຄ້າຍກັກຂັງທຳມະດາ ໄດ້ກັກຂັງປະມານ 1 ແສນຄົນ.ແຕ່ເມື່ອຮອດປີ 1945,ຖ້າຄິດໄລ່ໝົດທຸກແຫ່ງແລ້ວ ຜູ່ຢູ່ຄ້າຍກັກຂັງທຳມະດາເຫຼົ່ານີ້ໄດ້ຫຼາຍກວ່າ 1 ລ້ານ 6 ແສນ 5 ໝື່ນຄົນ,ໃນນັ້ນ ຈຳນວນຄົນຕາຍມີປະມານ 5 ແສນ 5 ໝື່ນຮອດ 6 ແສນ 5 ໝື່ນຄົນ.ສ່ວນຄົນຕາຍໃນຄ້າຍດັບສູນຍິ່ງຫຼາຍ:ຢູ່ຫ້ອງອາຍພິດຂອງຄ້າຍດັບສູນອົສວິສ ມີຊາວຢິວ 1 ລ້ານຄົນຖືກພິດຕາຍ.ສ່ວນຢູ່ຄ້າຍດັບສູນ 4 ແຫ່ງຢູ່ເບອູເຢັສ,ຮາຍອຸມໂນແລະເຕຼບຼິນຄາເປັນຕົ້ນມີຊາວຢິວ 1 ລ້ານ 5 ແສນຄົນຖືກຂ້າຕາຍ.ນີ້ຍັງບໍ່ນັບຜູ້ທີ່ຖືກທຳລະມັນຈົນຕາຍຫຼືຖືກຍິງຕາຍຢູ່ເຂດຊາວຢິວ.ຄົນທັງຫຼາຍຄວນຈື່ຈຳປະຫວັດສາດທີ່ຊົ່ວຊ້າລາມົກແລະຫວາດຫວັ່ນຢ້ານກົວຂອງເຢຍລະມັນນາຊີດັ່ງກ່າວຈົນເທົ່າໃດໆ.
|
|
|
