|
ຕາມຂ່າວCRI: ວັນທີ 19 ພຶດສະພານີ້, ທ່ານໂບອິມ ຮອງລັດຖະມົນຕີກະຊວງປ້ອງກັນປະເທດອິສຣາແອນກ່າວວ່າ, ອິສຣາແອນຕ້ອງໃຊ້ການເຄື່ອນໄຫວແກ້ແຄ້ນຢ່າງຮຸນແຮງກວ່າເກົ່າຕໍ່ການຫຼອນໂຈມຕີຂອງອົງການຮາມາສປາເລັສຕິນ.
ທ່ານໂບອິມກ່າວວ່າ, ນັບມາຮອດປະຈຸບັນ, ອິສຣາແອນໄດ້ໃຊ້ທ່າທີອົດກັ້ນໂດຍຕະຫຼອດຕໍ່ອົງການຮາມາສທີ່ຫຼອນໂຈມຕີຈຸດຕັ້ງຖິ່ນຖານຂອງຊາວຢິວຢູ່ແຖບກາຊາ, ແຕ່ດຽວນີ້ ອິສຣາແອນຕ້ອງຕອບໂຕ້ຄືນຢ່າງຮຸນແຮງ, ເພື່ອຟື້ນຟູຄວາມສະຫງົບຢູ່ແຖບກາຊາ.
ຝ່າຍອິສຣາແອນກ່າວວ່າ, ແຕ່ວັນທີ 18 ພຶດສະພານີ້ເປັນຕົ້ນມາ, ອົງການຮາມາສໄດ້ຍິງລູກປືນໃຫຍ່ 30 ກວ່າລູກໃສ່ຈຸດຕັ້ງຖິ່ນຖານຊາວຢິວ.
ທ່ານຊາລອນ ນາຍົກລັດຖະມົນຕີອິສຣາແອນຈະພົບປະເຈົ້າໜ້າທີ່ກະຊວງປ້ອງກັນປະເທດອິສຣາແອນໃນຕອນຄ່ຳວັນທີ 19 ພຶດສະພານີ້, ຫາລືບັນຫາການປະທະກັນຢູ່ແຖບກາຊາ.
|
