ຕາມ​ຂ່າວສານ​ຊີ​ນຮວາ ກອງ​ປະຊຸມ​ເຈົ້າໜ້າ​ທີ່​ຊັ້ນສູງ​ອາຊ​ຽນຈີນ ຍີ່ປຸ່ນ ສ.​ເກົາຫຼີ ຄື 10ບວກ3​ໄດ້​ຈັດ​ຂື້ນ​ຢູ່​ວຽງ​ຈັນ ນະຄອນຫຼວງຂອງ​ລາວ​ໃນ​ວັນ​ທີ 19ພຶດສະພາ.​ເຈົ້າໜ້າ​ທີ່​ຊັ້ນ​ສູງ​ກະ​ຊວງ​ການ​ຕ່າງປະ​ເທດ​ຂອງ​10ປະ​ເທດອາຊ​ຽນ​ແລະ​ຈີນ ຍີ່​ປຸ່ນ ສ​ເກົາ​ຫີຼ​ໄດ້​ເຂົ້າ​ຮ່ວມ​ກອງ​ປະ​ຊຸມ.

ກອງ​ປະຊຸມ​ຄັ້ງນີ້​ໄດ້​ສຸມ​ໃສ່​ຫາລື​ສະພາບ​ປະຕິບັດ​ບົດ​ລາຍ​ງານ​ສຸດ​ທ້າຍ​ຂອງ​ໜ່ວຍ​ຄົນ​ຄວ້າ​ອາຊີ​ຕາ​ເວັນ​ອອກ​ທີ່​ຜ່ານ​ໃນ​ກອງ​ປະຊຸມ​ຜູ່​ນຳ 10 ບວກ 3 ​ເມື່ອ​ປີ 2002 ​ແລະ​ສະພາບ​ປະຕິບັດ​ການ​ເຄື່ອນ​ໄຫວ​ຕາມ​ຫັຼງຂອງ​ກອງ​ປະຊຸມ​ຜູ່​ນຳ 10 ບວກ 3​ໃນ​ປີ​ກາຍ.

ທ່ານ​ເສີງ​ໂກວຟາງ ຜູ່​ຊ່ອຍ​ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ກ່າວ​ວ່າ, ຝ່າຍ​ຈີນ​ສະ​ໜັບ​ສະໜູນ​ການ​ຊອກ​ຄົ້ນຊ່ອງ​ທາງ​ລະອຽດ​ທີ່​ສ້າງ​ປະຊາ​ຄົມ​ອາຊີ​ຕາ​ເວັນ​ອອກ ​ໂດຍ​ເອົາ 10 ບວກ 3 ​ເປັນ​ຊ່ອງ​ທາງ​ຕົ້ນຕໍ.