ຕາມ​ຂ່າວ​ສານ​ຊິ​ນຮວາ: ວັນ​ທີ 19 ພຶດ​ສະ​ພາ, ກອງ​ປະ​ຊຸມ​ລະ​ດັບ​ລັດ​ຖະ​ມົນຕີ​ຂອງ​ປະ​ເທດອະນຸ​ພາກ​ພື້ນແມ່​ນ້ຳຂອງ​ກ່ຽວ​ກັບ​ການ​ຮ່ວມ​ມືຕ້ານ​ຢາ​ເສບ​ຕິດ​ຄັ້ງ​ທີ 6 ​ໄດ້​ຈັດ​ຂຶ້ນ​ຢູ່​​ເມືອງ​ ຊຽມລຽບ ຂອງ​ກຳປູ​ເຈຍ 1 ມື້. ຜູ່​ແທນ​ຂອງ​ປ​ະ​ເທດ​ທີ່ເຂົ້າ​ຮ່ວມກອງ​ປະຊຸມ​ພ້ອມ​ກັນ​ສະ​ແດງ​ວ່າ​ຈະ​ໂຈມ​ຕີ​ການ​ເຄື່ອນ​​ໄຫວ​ຕ້ອງ​ໂທດ​ຂ້າມ​ຊາດ​ເຊັ່ນ​ຜະລິດ​ແລະ​ຂາຍ​ຢາ​ເສບ​ຕິດ​ເປັນ​ຕົ້ນ.

ທ່ານ ຮຸນ​ແຊນ ນາຍົກ​ລັດ​ຖະມົນຕີ​ກຳ​ປະ​ເຈຍກ່າວ​ຄຳປາ​ໄສ​ໃນ​ກອງ​ປະຊຸມ​ວ່າ, ການ​ເຄື່ອນ​ໄຫວ​ຕ້ອງ​ໂທດ​ຂ້າ​ມຊາດ​ທີ່​ມີ​ການຈັດ​ຕັ້ງ​ຕ່າງໆ​ພວມ​ຂົ່ມ​ຂູ່​ການ​ພັດ​ທະ​ນາ​ຂອງ​ເສດ​ຖະ​ກິດ​ສັງຄົມຢູ່​ອະນຸ​ພາກ​ພື້ນ​ແມ່​ນ້ຳຂອງ​ຢ່າງ​ໜັກໜ່ວງ, ບັນດາ​ປະ​ເທດ​ຢູ່​ອະນຸພາກ​ພື້ນ​ນີ້​ຄວນ​ເພີ່ມ​ທະວີ​ການ​ຮ່ວມ​ມື, ວາງ​ຍຸດ​ທະ​ສາດ​ແລະ​​ເປົ້າ​ໝາຍ​ອັນຈະ​ແຈ້ງ, ​ຍາດ​ແຍ່ງ​ການ​ສະໜັບ​ສະ​ໜູນ​ແລະ​ການ​ຊ່ອຍ​ເຫຼືອ​ຂອງ​ປະ​ເທດພາກ​ພື້ນ​ອື່ນຢ່າງ​ຕັ້ງໜ້າ, ພ້ອມ​ກັນ​ໂຈມ​ຕີ​ການ​ເຄື່ອນ​ໄຫວ​ຂ້າມຊາດທີ່​ມີ​ການ​ຈັດ​ຕັ້ງ​.

ກ​ອງປະຊຸມ​ຕົກລົງ​ວ່າ, ກອງ​ປະຊຸມ​ລະດັບ​ລັດຖະມົນຕີ​ກ່ຽວ​ກັບ​ການ​ຮ່ວມ​ມືຕ້ານ​ຢາ​ເສບ​ຕິດຂອງ​ອະນຸ​ພາກ​ພື້ນ​ແມ່​ນ້ຳຂອງ​ຄັ້ງ​ໜ້າ​ຈະ​ຈັດ​ຂຶ້ນ​ຢູ່​ລາວ.