|
|
 |
| (GMT+08:00)
2005-05-20 18:30:34
|
 |
|
ເຈົ້າໜ້າທີ່ສ.ປ.ປ.ເກົາຫຼີກ່າວວ່າສ.ປ.ປ.ເກົາຫຼີຍິນດີກັບຄືນສູ່ການເຈລະຈາຫົກຝ່າຍຢ່າງມີເງື່ອນໄຂ
cri
Author: q
ຕາມຂ່າວCRI,ຫວ່າງມໍ່ໆນີ້,ທ່ານກິມມານກິນ ຫົວໜ້າຜູ້ແທນຝ່າຍສ.ປ.ປ.ເກົາຫຼີທີ່ເຂົ້າຮ່ວມການເຈລະຈາເຮັດວຽກຂັ້ນຮອງລັດຖະມົນຕີສ.ປ.ປ.ເກົາຫຼີແລະສ.ເກົາຫຼີ,ຮອງຫົວໜ້າກອງເລຂາຄະນະກຳມະການໂຮມປະເທດຊາດເຂົ້າເປັນເອກະພາບກັນໂດຍສັນຕິກ່າວວ່າ,ສ.ປ.ປ.ເກົາຫຼີຍິນດີກັບຄືນສູ່ການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີ.ແຕ່ເງື່ອນໄຂເບື້ອງຕົ້ນແມ່ນຝ່າຍອາເມລິກາຕ້ອງສ້າງເງື່ອນໄຂແລະບັນຍາກາດໃຫ້ສ.ປ.ປ.ເກົາຫຼີກັບຄືນສູ່ການເຈລະຈາຫົກຝ່າຍ.
ນອກນີ້,ຂ່າວແຈ້ງວ່າ,ວັນທີ20ພຶດສະພາຢູ່ທີ່ເຊອູນ,ທ່ານຈູງດົງຢຸງລັດຖະມົນຕີກະຊວງເອກະພາບສ.ເກົາຫຼີກ່າວວ່າ,ຝ່າຍສ.ເກົາຫຼີຈະພ້ອມກັນກັບຝ່າຍສ.ປ.ປ.ເກົາຫຼີຫາລືບັນຫານີວເຄຼຍແຫຼມເກົາຫຼີຕື່ມອີກໃນໄລຍະການເຈລະຈາຂັ້ນລັດຖະມົນຕີທີ່ຈະຈັດຂຶ້ນໃນເດືອນມິຖຸນາປີນີ້,ເຕືອນໃຫ້ສ.ປ.ປ.ເກົາຫຼີກັບຄືນສູ່ການເຈລະຈາຫົກຝ່າຍ.
ໃນຂະນະດຽວກັນນັ້ນ,ທ່ານດັບຟີ ໂຄສົກທຳນຽບຂາວອາເມລິກາໄດ້ກ່າວໃນວັນທີ19ພຶດສະພາວ່າ,ເຈົ້າໜ້າທີ່ການທູດຂອງອາເມລິກາແລະສ.ປ.ປ.ເກົາຫຼີໄດ້ຕິດຕໍ່ພົວພັນກັນໂດຍກົງຂັ້ນເຮັດວຽກຢູ່ນີວຢອກໃນວັນທີ13ພຶດສະພານີ້.
|
|
|
