|
ກອງປະຊຸມເຈົ້າໜ້າທີ່ອາວຸໂສຂອງເວທີປາໄສພາກພື້ນອາຊຽນໄດ້ຫາລືບັນຫາຮ່ວມມືຮັກສາຄວາມປອດໄພພາກພື້ນ
cri
Author: q
ຕາມຂ່າວສານຊິນຮວາ,ວັນທີ20ພຶດສະພາ,ກອງປະຊຸມເຈົ້າໜ້າທີ່ອາວຸໂສຂອງເວທີປາໄສພາກພື້ນອາຊຽນຄັ້ງທີ12ໄດ້ຈັດຂຶ້ນຢູ່ວຽງຈັນ ນະຄອນຫຼວງລາວ.ຫົວຂໍ້ຈຸດໜັກຂອງເວທີປາໄສພາກພື້ນອາຊຽນຄັ້ງນີ້ແມ່ນສະຖານະການຄວາມປອດໄພຂອງສາກົນແລະພາກພື້ນ.
ບັນດາຝ່າຍທີ່ຮ່ວມປະຊຸມເຫັນວ່າ,ໃນສະເພາະໜ້ານີ້,ສະຖານະການຂອງພາກພື້ນອາຊີປາຊີຟິກແມ່ນໝັ້ນທ່ຽງໃນດ້ານກວມລວມ,ການຮ່ວມມືແລະສົນທະນາຢູ່ພາກພື້ນໄດ້ລົງສູ່ລວງເລິກເລື້ອຍໆ,ແຕ່ຄວາມປອດໄພຂອງພາກພື້ນອາຊີປາຊີຟິກຍັງຄົງປະເຊີນກັບສິ່ງທ້າທາຍຢູ່,ການຂົ່ມຂູ່ຄວາມປອດໄພທີ່ບໍ່ແມ່ນດັ້ງເດີມເຊັ່ນລັດທິກໍ່ການຮ້າຍ,ອາຊະຍາກຳຂ້າມຊາດເປັນຕົ້ນຍັງພົ້ນເດັ່ນຢູ່.ບັນດາປະເທດຄວນສືບຕໍ່ເພີ່ມທະວີການຮ່ວມມື,ພ້ອມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
ໃນເວລາກ່າວຄຳປາໄສ,ທ່ານເສິນໂກວຟ້າງ ຜູ້ແທນຈີນກ່າວເນັ້ນວ່າ,ຈີນຈະຕັ້ງໜ້າເພີ່ມທະວີການປະສານງານແລະຮ່ວມມືກັບບັນດາປະເທດໃນພາກພື້ນຕົນ,ໃຊ້ການກະທຳຕົວຈິງຊຸກຍູ້ໃຫ້ພາກພື້ນມີສະຖຽນລະພາບແລະຄວາມຈະເລີນຮຸ່ງເຮືອງ.
|
|
