|
|
 |
| (GMT+08:00)
2005-05-21 16:27:03
|
 |
|
ອີຣັກຍາດແຍ່ງໃຫ້ປະເທດອ້ອມຂ້າງສະໜັບສະໜູນອີຣັກປົວແປງສະຖານະການຄວາມປອດໄພ
cri
Author: q
ຕາມຂ່າວCRI,ຜູ້ນຳອີຣັກໄດ້ເພີ່ມທະວີການທູດກັບປະເທດອ້ອມຂ້າງ,ຍາດແຍ່ງໃຫ້ປະເທດບ້ານໃກ້ເຮືອນຄຽງສະໜັບສະໜູນອີຣັກປົວແປງສະຖານະການຄວາມປອດໄພ.
ວັນທີ20ພຶດສະພາ,ທ່ານຈາຟາລີ ນາຍົກລັດຖະມົນຕີອີຣັກໄດ້ເຈລະຈາກັບທ່ານເອໂດແກນ ນາຍົກລັດຖະມົນຕີຕວກກີຢູ່ອັງກາລາ,ສອງຝ່າຍໄດ້ກ້າວເຖິງຂັ້ນເປັນເອກະສັນກັນກ່ຽວກັບການຕັ້ງປົດກວດກາຊາຍແດນບ່ອນໃໝ່ຢູ່ເຂດຊາຍແດນລະຫວ່າງສອງປະເທດ,ຕວກກີອົບຮົມພະນັກງານຮັກສາຄວາມປອດໄພໃຫ້ອີຣັກແລະບັນຫາອື່ນໆ.ໃນງານຊຸມນຸມນັກຂ່າວທີ່ຮ່ວມກັນຈັດຂຶ້ນຫຼັງການເຈລະຈາ,ທ່ານທັງສອງຍັງກ່າວວ່າ,ສອງຝ່າຍຈະໃຊ້ມາດຕະການໂຈມຕີອົງການກໍ່ການຮ້າຍທີ່ເປັນໄພຕໍ່ປະເທດຝ່າຍກົງກັນຂ້າມ.
ໃນເວລາ ທ່ານເຈບາລີ ລັດຖະມົນຕີການຕ່າງປະເທດອີຣັກເຂົ້າຮ່ວມກອງປະຊຸມປະຈຳປີສະໄໝວິສາມັນຂອງເວທີປາໄສເສດຖະກິດໂລກທີ່ຈັດຂຶ້ນຢູ່ຊອກດານີເມື່ອວັນທີ20ພຶດສະພາ,ທ່ານໄດ້ເວົ້າຕໍ່ວົງການໜັງສືພິມວ່າ,ໃນກອງປະຊຸມ,ທ່ານຈະວາງຄວາມຮຽກຮ້ອງຢ່າງຈະແຈ້ງຕໍ່ປະເທດອ້ອມຂ້າງຂອງອີຣັກ,ຫວັງໃຫ້ພວກເຂົາເຈົ້າຊ່ອຍອີຣັກຄວບຄຸມເຂດຊາຍແດນ,ປ້ອງກັນຢ່າງເຄັ່ງຄັດບໍ່ໃຫ້ພວກກໍ່ການຮ້າຍຂ້າມຊາຍແດນເຂົ້າມາກໍ່ການເຄື່ອນໄຫວທຳລາຍຢູ່ອີຣັກ.
|
|
|
