|
ສ.ປ.ປ.ເກົາຫຼີກ່າວວ່າຈະສືບຕໍ່ຕິດຕາມທ່າທີຂອງອາເມລິກາທີ່ມີຕໍ່ສ.ປ.ປ.ເກົາຫຼີ
cri
Author: q
ຕາມຂ່າວສານຊິນຮວາ,ວັນທີ22ພຶດສະພາຢູ່ພຽງຢາງ,ໂຄສົກກະຊວງການຕ່າງປະເທດສ.ປ.ປ.ເກົາຫຼີກ່າວວ່າ,ສ.ປ.ປ.ເກົາຫຼີພວມວິນິໄສຢ່າງສຸຂຸມຮອບຄອບກ່ຽວກັບຫຼັກໝັ້ນຂອງອາເມລິກາທີ່ມີຕໍ່ສ.ປ.ປ.ເກົາຫຼີ,ພ້ອມທັງຈະສືບຕໍ່ຕິດຕາມທ່າທີຂອງຝ່າຍອາເມລິກາ.
ໂຄສົກຜູ້ນີ້ເວົ້າວ່າ,ວັນທີ13ພຶດສະພາ,ທ່ານໂຈເຊັຟ ເດຕຼານີ ຜູ້ຕາງໜ້າກະຊວງການຕ່າງປະເທດ,ທູດພິເສດກ່ຽວກັບບັນຫາສ.ປ.ປ.ເກົາຫຼຂອງອາເມລິກາໄດ້ ໄປສຳນັກງານຕົວແທນສ.ປ.ປ.ເກົາຫຼີປະຈຳອົງການສະຫະປະຊາຊາດທີ່ນີວຢອກ,ສະເໜີຕໍ່ສ.ປ.ປ.ເກົາຫຼີຢ່າງເປັນທາງການກ່ຽວກັບຫຼັກໝັ້ນຂອງອາເມລິກາທີ່ຮັບຮອງສ.ປ.ປ.ເກົາຫຼີເປັນປະເທດທີ່ມີອະທິປະໄຕ,ອາເມລິກາບໍ່ມີເຈດຕະນາຮຸກຮານສ.ປ.ປ.ເກົາຫຼີ.
ໂຄສົກຜູ້ນີ້ກ່າວເນັ້ນວ່າ,ການຍຶດໝັ້ນໃຫ້ແຫຼມເກົາຫຼີປອດນີວເຄຼຍແລະຜ່ານການປຶກສາຫາລືກັນແກ້ໄຂບັນຫານີ້ແມ່ນຫຼັກໝັ້ນສະເໝີຕົ້ນສະເໝີປາຍຂອງສ.ປ.ປ.ເກົາຫຼີ,ຖ້າວ່າອາເມລິກາຫວັງຢ່າງຈິງໃຈໃຫ້ຜ່ານການເຈລະຈາຫົກຝ່າຍມາແກ້ໄຂບັນຫາແລ້ວ,ກໍຕ້ອງໃຊ້ການກະທຳຕົວຈິງສ້າງເງື່ອນໄຂໃຫ້ຟື້ນຟູການເຈລະຈາ.
|
|
