|
ຫຼັກຖານຍັງຄົງມີຢູ່,ຊິເຮັດໃຫ້ຄົນຫຼົງລືມປະຫວັດສາດໄດ້ແນວໃດ?ແລະຊິໃຫ້ຄົນອົດກັ້ນຕໍ່ການດັດແກ້ປະຫວັດສາດໄດ້ແນວໃດ?ຖ້າວ່າຄົນທັງຫຼາຍໄດ້ຫຼົງລືມປະຫວັດສາດ,ເລື່ອງໂສກນາດຕະກຳກໍອາດຈະເກີດຂຶ້ນຄືນໃໝ່.ກໍແມ່ນຍ້ອນເຫດນີ້ແຫຼະ,ເທື່ອໃດຍີ່ປຸ່ນຢາກປະຕິເສດບໍ່ຮັບຮູ້ປະຫວັດສາດໃນຄາວນັ້ນ,ປະຊາຊົນຈີນໃນນາມເປັນຜູ້ຖືກທຳຮ້າຍຈາກສົງຄາມແລະມວນຊົນຍີ່ປຸ່ນທີ່ຮູ້ຈັກປະຫວັດສາດໃນຄາວນັ້ນກໍຕ້ອງຮຽກຮ້ອງຢ່າງດົ່ງດັງ,ເຕືອນໃຫ້ລັດຖະບານແລະປະຊາຊົນຍີ່ປຸ່ນຈົ່ງປະຕິບັດຕໍ່ບັນຫາປະຫວັດສາດຢ່າງຖືກຕ້ອງ.ທ່ານໂຢຊິຄາຈູຄາໂຕ ນັກສຶກສາຍີ່ປຸ່ນທີ່ຮຽນຢູ່ວິທະຍາຄານການພົວພັນລະຫວ່າງຊາດຂອງມະຫາວິທະຍາໄລປັກກິ່ງໄດ້ບອກນັກຂ່າວວ່າ:ໃນເວລາລະນຶກສົງຄາມຕ້ານຟັດຊິດໂລກແລະສົງຄາມຈີນຕໍ່ຕ້ານຍີ່ປຸ່ນໄດ້ຮັບໄຊຊະນະຄົບຮອບ60ປີ,ເລື່ອງສຳຄັນກວ່າໝູ່ກໍແມ່ນບໍ່ຄວນຫຼົງລືມປະຫວັດສາດ,ທ່ານເວົ້າວ່າ:
"ຂ້າພະເຈົ້າເຫັນວ່າ,ຍີ່ປຸ່ນເຄີຍຮຸກຮານຈີນຢ່າງແທ້ຈິງ,ນີ້ແມ່ນເລື່ອງຈິງທາງປະຫວັດສາດ,ຂ້າພະເຈົ້າເຫັນວ່າ,ພວກຂ້າພະເຈົ້າຕ້ອງຖືເລື່ອງຈິງປະຫວັດສາດໃນເມື່ອກ່ອນເຮັດເປັນພື້ນຖານທີ່ກ້າວໄປສູ່ອະນາຄົດ."
ວັນທີ13ທັນວາປີ2002ແມ່ເຖົ້າລີ້ຊຸ້ຍອິງ ຜູ້ລອດຕາຍຈາກເຫດການ
ສັງຫານໂຫດທີ່ນານກິ່ງໄດ້ຊີ້ໃສ່ແປ້ວບາດແຜເທິງໜ້າ,ທັງໄດ້
ເລົ່າທາລຸນກຳຂອງກອງທະຫານຍີ່ປຸ່ນຜູ້ຮຸກຮານຈີນ.
ກໍເໝືອນດັ່ງທ່ານ ໂຢຊິຄາຈູຄາໂຕໄດ້ເວົ້ານັ້ນວ່າ:ບໍ່ພຽງແຕ່ ປະຊາຊົນຈີນຕ້ອງລະນຶກສົງຄາມຕໍ່ຕ້ານຍີ່ປຸ່ນໄດ້ຮັບໄຊຊະນະຄົບຮອບ60ປີເທົ່ານັ້ນ,ວັນເວລາດັ່ງກ່າວກໍເປັນໜ້າໃຫ້ປະຊາຊົນຍີ່ປຸ່ນແລະປະຊາຊົນທົ່ວໂລກລະນຶກ.ເພາະວ່າ,ໄຊຊະນະແຫ່ງສົງຄາມຕໍ່ຕ້ານຍີ່ປຸ່ນບໍ່ພຽງແຕ່ໄດ້ເຮັດໃຫ້ໄພພິບັດອັນໜັກໜ່ວງຂອງປະຊາຊົນຈີນ,ປະຊາຊົນອາຊີກໍຄືປະຊາຊົນ ບັນດາປະເທດອື່ນໆສິ້ນສຸດລົງທໍ່ນັ້ນ,ແລະກໍເຮັດໃຫ້ໄພພິບັດອັນໜັກໜ່ວງທີ່ປະຊາຊົນຍີ່ປຸ່ນປະສົບໃນສົງຄາມບັ້ນນັ້ນສິ້ນສຸດລົງອີກດ້ວຍ,ຈຸດປະສົງຂອງການລະນຶກປະຫວັດສາດຕອນນັ້ນກໍແມ່ນຢາກເຮັດໃຫ້ປະຊາຊົນຈີນແລະຍີ່ປຸ່ນເຫັນແຈ້ງປະຫວັດສາດ,ເຮັດເຖິງຂັ້ນຖືປະຫວັດສາດເປັນແວ່ນແຍງ,ອວ່າຍໜ້າໄປສູ່ອະນາຄົດຢ່າງແທ້ຈິງ.
ວັນທີ13ທັນວາປີ2003,ຢູ່ນະຄອນນານກິ່ງ,ແມ່ເຖົ້າລີຊຸ້ຍອິງ ຜູ້ລອດຕາຍ
ຈາກເຫດການສັງຫານໂຫດທີ່ນານກິ່ງໄດ້ທັ່ງລະຄັງສັນຕິພາບ.ວັນທີ4
ທັນວາປີ2004,ແມ່ເຖົ້າລີຊຸ້ຍອິງໄດ້ເຖິງແກ່ກຳແລ້ວ.
1 2 3 4 5
|
