|
|
 |
| (GMT+08:00)
2005-05-24 14:44:54
|
 |
|
ອົງການອະນາໄມຂອງເຂດຊົນເຜົ່າປົກຄອງຕົນເອງຂອງຈີນມີ 15230 ອົງການ
cri
Author: li
ຕາມຂ່າວສານຊິນຮວາ: ສະຖິຕິຫຼ້າສຸດຂອງຄະນະກຳມະການຊົນເຜົ່າແຫ່ງລັດຈີນສະແດງໃຫ້ເຫັນວ່າ,ນັບມາຮອດທ້າຍປີ 2003 ຢູ່ຈີນໄດ້ມີອົງການອະນາໄມໃນເຂດຊົນເຜົ່າປົກຄອງຕົນເອງເຖິງ 15230 ອົງການ,ໃນນັ້ນ ໂຮງໝໍແລະສຸກສາລາມີ 11768 ແຫ່ງ,ມີນາຍໝໍ 208246 ຄົນ.
ຄະນະກຳມະການຊົນເຜົ່າແຫ່ງລັດຈີນແນະນຳວ່າ,ເຂດຊົນເຜົ່າໄດ້ດັດສ້າງສຸກສາລາຊົນນະບົດໃຫ້ປະກອບເປັນຊຸດ,ສ້າງໂຮງປ້ອງກັນພະຍາດແລະໂຮງຮັກສາສຸຂະພາບແມ່ແລະເດັກຂັ້ນເມືອງ,ຄວາມສາມາດບໍລິການດ້ານສາທາລະນະສຸກໄດ້ເພີ່ມຂຶ້ນ. ແຕ່ປິ 1991 ເປັນຕົ້ນມາ,ເຂດນິງເຊຍເຜົ່າຮຸຍປົກຄອງຕົນເອງໄດ້ຫ້າງຫາເງິນທຶນ,ເພື່ອສ້ອມແປງຫຼືຂະຫຍາຍສ້າງສຸກສາລາ 109 ແຫ່ງ,ໂຮງປ້ອງກັນພະຍາດ 10 ແຫ່ງແລະໂຮງຮັກສາສຸຂະພາບແມ່ແລະເດັກ 10 ແຫ່ງໃນທົ່ວເຂດ,ແລະໄດ້ປະກອບເຄື່ອງປິ່ນປົວໃໝ່. ເມືອງ 80% ຂຶ້ນໄປຂອງເຂດຕິເບດປົກຄອງຕົນເອງໄດ້ສ້າງຕັ້ງສຸກສາລາ. ພາລະກິດສາທາລະນະສຸກຂອງເຂດຊົນເຜົ່າສ່ວນໜ້ອຍຂອງຈີນໄດ້ພັດທະນາຢ່າງວ່ອງໄວ,ໄດ້ເສີມຂະຫຍາຍບົດບາດສຳຄັນໃນການຮັກສາສຸຂະພາບຂອງປະຊາຊົນ,ຍົກຄຸນທາດຂອງຊົນເຜົ່າໃຫ້ສູງຂຶ້ນແລະເພີ່ມຄວາມສາມັກຄີລະຫວ່າງຊົນເຜົ່າຕ່າງໆເປັນຕົ້ນ.
ປັດຈຸບັນ ຢູ່ເຂດຊົນເຜົ່າປົກຄອງຕົນເອງຂອງຈີນມີອົງການປ້ອງກັນພະຍາດແລະປິ່ນປົວພະຍາດສະເພາະ 934 ແຫ່ງ,ມີໂຮງຮັກສາສຸຂະພາບແມ່ແລະເດັກ 371 ແຫ່ງ. ຜູ້ຮັບຜິດຊອບທີ່ກ່ຽວຂ້ອງຂອງຄະນະກຳມະການຊົນເຜົ່າແຫ່ງລັດຈີນເວົ້າວ່າ,ອົງການປົກຄອງທຸກຂັ້ນຂອງເຂດຊົນເຜົ່າໄດ້ດຳເນີນການປ້ອງກັນປິ່ນປົວຢ່າງສັງລວມ,ສຸມກຳລັງກຳຈັດແລະຄວບຄຸມບາງພະຍາດຕິດແປດທີ່ເປັນໄພໜັກໜ່ວງ. ເຂດຊົນເຜົ່າໄດ້ເພີ່ມທະວີການກໍ່ສ້າງກົນໄກຊຳລະເຫດການສຸກເສີນສາທາລະນະສຸກ,ວາງແລະປົວແປງແຜນການສຸກເສີນ,ບູລະນະເຄືອຂ່າຍຂ່າວຄາວອິນເຕີແນັດ,ສ້າງຖັນແຖວຊຳລະເຫດການສຸກເສີນ,ຍົກຄວາມສາມາດຊຳລະເຫດການສຸກເສີນໃຫ້ສູງຂຶ້ນ. ໄດ້ໃຊ້ເຄືອຂ່າຍອິນເຕີແນັດລາຍງານຜູ້ເປັນພະຍາດຕິດແປດ,ອັນໄດ້ລາຍງານສະພາບພະຍາດຢ່າງທັນການ,ໄວແລະແມ່ນຢຳ,ໄດ້ບັນລຸການເຮັດສະຕິຖິແລະວິເຄາະສະພາບຕິດຕາມກວດກາພະຍາດຕິດແປດແລະເຫດການສາທາລະນະສຸກທີ່ເກີດຂຶ້ນກະທັນຫັນ.
ຜູ້ຮັບຜິດຊອບຜູ້ນີ້ເວົ້າວ່າ,ໃນຫຼາຍປີມານີ້ ໃນຂະນະທີ່ເພີ່ມທະວີການສຶກສາສຸຂະພາບທົ່ວປວງຊົນນັ້ນ,ເຂດຊົນເຜົ່າໄດ້ສ້າງຖັນແຖວສາທາລະນະສຸກວິຊາສະເພາະປະເພດຕ່າງໆ,ດຳເນີນວຽກງານປົວແປງນ້ຳ,ສ້ວມຖ່າຍແລະຊຳລະຂີ້ເຫຍື້ອເປັນຕົ້ນ,ດຳເນີນການປົວແປງສາທາລະນະສຸກແບບສັງລວມຢູ່ຕົວເມືອງແລະຊົນນະບົດ. ໄດ້ເປີດກວ້າງຂອບເຂດບໍລິການຮັກສາສຸຂະພາບໃຫ້ແມ່ແລະເດັກ, ກວດແລະປົວພະຍາດທີ່ມັກເປັນແລະມີຜູ້ເປັນຫຼາຍ. ໄດ້ເຮັດວຽກຄຸມກຳເນີດແລະສັກວັກແຊງພາກບັງຄັບຢ່າງແທ້ຈິງ,ອັດຕາການຕາຍຂອງແມ່ຍິງຖືພາແລະແມ່ມານພ້ອມດ້ວຍອັດຕາການຕາຍຂອງເດັກແດງໄດ້ຖືກຄວບຄຸມຢ່າງບັງເກີດຜົນ,ອາຍຸສະເລ່ຍຂອງປະຊາກອນໄດ້ສູງຂຶ້ນຢ່າງເດັ່ນຊັດ.
|
|
|
