|
|
 |
| (GMT+08:00)
2005-05-24 16:45:44
|
 |
|
ການປົວແປງດິນຊາຍຕາມຫຼັກວິທະຍາສາດເຮັດໃຫ້ທົ່ງຫຍ້າຮູນຊ້ານດັກມີຊີວິດຊີວາຄືນໃໝ່
cri
Author: li
 ຕາມຂ່າວ CRI: ທົ່ງຫຍ້າຮູນຊ້ານດັກຕັ້ງຢູ່ພາກຕາເວັນອອກສຽງໃຕ້ຂອງເຂດມົງໂກໃນ,ແມ່ນທົ່ງຫຍ້າຜືນໜຶ່ງທີ່ໃກ້ສຸດກັບປັກກິ່ງ. ເມື່ອ 3-4 ປີກ່ອນ,ທົ່ງຫຍ້າຜືນນີ້ບໍ່ງາມຄືເມື່ອກ່ອນແລ້ວ,ໄດ້ປະກົດມີສະພາບທີ່ຂາດຕົ້ນໄມ້ຕົ້ນຫຍ້າ,ລົມພັດຂີ້ຊາຍກຸ້ມກົ້ວທ້ອງຟ້າເລື້ອຍໆ. ແຕ່ເມື່ອພະຍາຍາມປົວແປງຈົນຮອດຊູ່ມື້ນີ້,ຂີ້ຊາຍເຄື່ອນຍ້າຍໄດ້ຖືກຄວບຄຸມໄວ້ແລ້ວ,ທົ່ງຫຍ້າຟື້ນຟູເປັນກ້າວໆ,ຢູ່ບາງແຫ່ງກົກໄມ້ໃຫຍ່ຂຶ້ນເປັນປ່າ.
ລູງຈາງເຊີງຊຽງໄດ້ດຳລົງຊີວິດຢູ່ທົ່ງຫຍ້າແຫ່ງນີ້ມາຫຼາຍສິບປີແລ້ວ,ລູງໄດ້ເຫັນກັບຕາທີ່ທົ່ງຫຍ້າເຊື່ອມລົງເປັນດິນຊາຍ,ແລ້ວຖືກປົວຟື້ນຟູເປັນທົ່ງຫຍ້າອີກ:
"ປີ 2000 ແລະ 2001,ສັນພູນີ້ແມ່ນຂີ້ຊາຍໝົດ,ຂີ້ຊາຍເຫຼົ່ານີ້ຍັງເຄື່ອນຍ້າຍກວ້າງອອກທຸກປີ,ແຕ່ເມື່ອປົວແປງຕາມຫຼັກວິທະຍາສາດແລ້ວ,ພຽງແຕ່ສາມປີກໍໄດ້ຟື້ນຟູທົ່ງຫຍ້າໃນເມື່ອກ່ອນໂດຍພື້ນຖານ."
ໃນເວລາລູງຈາງເຊີງຊຽງເວົ້າຄວາມນີ້ນັ້ນນ້ຳຕາເກືອບໄຫຼອອກ. ລູງເວົ້າວ່າ,ເມື່ອບໍ່ເທົ່າໃດປີກ່ອນ ຖ້າປະໃຫ້ດິນຊາຍກວ້າງອອກ,ລູງອາດຈະຕ້ອງໜີອອກຈາກບ້ານເກີດເມືອງນອນ,ພາໝົດຄອບຄົວໄປທຳມາຫາກິນຢູ່ບ່ອນອື່ນແລ້ວ.
ການປ່ຽນແປງຂອງທົ່ງຫຍ້າຮູນຊ້ານດັກແມ່ນໄດ້ປະໂຫຍດຈາກໂຄງການປົວແປງແຫຼ່ງລົມພັດຂີ້ຊາຍທີ່ລັດຖະບານຈີນປະຕິບັດຢູ່ທ້ອງຖິ່ນນັ້ນ. ເມື່ອບໍ່ເທົ່າໃດປີກ່ອນ,ຫຼັງຈາກທົ່ງຫຍ້າຮູນຊ້ານດັກຊຸດໂຊມເປັນຂີ້ຊາຍແລ້ວ,ເມື່ອຮອດລະດູບານໃໝ່ທຸກປີ,ກໍຈະປະກົດມີລົມພັດຂີ້ຊາຍກຸ້ມກົ້ວທ້ອງຟ້າ. ບາງຄັ້ງ ລົມຍັງພັດຂີ້ຊາຍໄປຮອດນະຄອນຫຼວງປັກກິ່ງແລະນະຄອນທຽນສິນທີ່ຢູ່ໃກ້ກັນ. ເພື່ອປ່ຽນແປງສະພາບດັ່ງກ່າວ,ຈີນໄດ້ປະຕິບັດໂຄງການປົວແປງແຫຼ່ງເກີດລົມພັດຂີ້ຊາຍປັກກິ່ງທຽນສິນ. ໂຄງການດັ່ງກ່າວໄດ້ປົວແປງດິນຊາຍກວ້າງ 5 ໝື່ນກິໂລແມັດຕາຢູ່ພາກເໜືອຂອງຈີນເຊິ່ງລວມທັງທົ່ງຫຍ້າຮູນຊ້ານດັກ,ດຽວນີ້ຢູ່ແຫ່ງດັ່ງກ່າວ ຕົ້ນໄມ້ຕົ້ນຫຍ້າເຕີບໃຫຍ່ສີງາມ,ໄດ້ປົກຫຸ້ມທີ່ດິນອີກ.
ໃນໄລຍະປູກຕົ້ນໄມ້ຕົ້ນຫຍ້າຢູ່ທົ່ງຫຍ້າຮູນຊ້ານດັກນັ້ນ ກົມປ່າໄມ້ແຫ່ງຊາດຈີນ,ມະຫາວິທະຍາໄລກະສິກຳຈີນແລະສະພາບັນດິດວິສະວະກຳຈີນເປັນຕົ້ນໄດ້ຮ່ວມສຳພັນກັນ ໃຊ້ເຕັກໂນໂລຢີທີ່ກ້າວໜ້າມາຕິດຕາມວັດແທກດິນຊາຍໃນເມື່ອຫົວທີ. ທ່ານວາງທ່າວ ບັນດິດສະພາບັນດິດວິສະວະກຳຈີນແນະນຳວ່າ,ການໃຊ້ເຕັກໂນໂລຢີສູງຕິດຕາມວັດແທກສາມາດສະໜອງຂໍ້ມູນຂ່າວສານໃຫ້ວຽກກັນແລະປົວແປງຂີ້ຊາຍ:
"ວຽກງານຕິດຕາມວັດແທກການຫັນເປັນດິນເຮື້ອຢູ່ເຂດດັ່ງກ່າວໄດ້ເລີ່ມແຕ່ປີ 1995. ທຳອິດພວກຂ້າພະເຈົ້າໃຊ້ເຕັກໂນໂລຢີສູງທີ່ທັນສະໄໝເຊັ່ນຢັ່ງແທກໂດຍຜ່ານດາວທຽມ,ລະບົບຂ່າວຄາວພູມີພາກແລະລະບົບGPSເປັນຕົ້ນ,ນັບມາຮອດປັດຈຸບັນໄດ້ດຳເນີນວຽກງານຕິດຕາມວັດແທກສອງເທື່ອຢ່າງສຳເລັດຜົນ. ທັງນີ້ໄດ້ສະໜອງຂໍ້ມູນຂ່າວສານສຳຄັນແລະແມ່ນຢຳໃຫ້ການປ້ອງກັນແລະດັດແປງຂີ້ຊາຍ."
ພາຍຫຼັງນຳໃຊ້ເຕັກໂນໂລຢີສູງຕິດຕາມວັດແທກດິນຊາຍແລະກຳສະພາບພື້ນຖານເຊັ່ນການແຈກຢາຍແລະການປ່ຽນແປງແລ້ວ,ພະນັກງານຄົ້ນຄວ້າວິທະຍາສາດຂອງຈີນເລີ່ມຊອກຫາວິທີປ້ານດິນຊາຍໄວ້ໃຫ້ຢູ່. ຫຼັງຈາກໄດ້ສຳຫຼວດກັບບ່ອນຫຼາຍເທື່ອແລ້ວ,ພວກເຂົາເຈົ້າໄດ້ປະກົດເຫັນວ່າ,ພືດປະເພດເທົາແລະປະເພດໄຄມີລັກສະນະປ້ານດິນຊາຍໄວ້ໃຫ້ຢ່ໄດູ້,ແລະມີລັກສະນະທົນຕໍ່ຄວາມແຫ້ງແລ້ງກວ່າຕົ້ນໄມ້ຕົ້ນຫຍ້າ,ໃຕ້ເງື່ອນໄຂທີ່ບໍ່ມີນ້ຳ,ພວກມັນກໍຊົງຕົວໄດ້,ເມື່ອມີນ້ຳແລ້ວ,ກໍຈະເຕີບໃຫຍ່ຢ່າງດົກໜາ. ນອກນີ້ ນຳໃຊ້ພືດປະເພດເທົາແລະປະເທດໄຄມາປ້ານດີນຊາຍໄວ້ໃຫ້ຢູ່,ຕົ້ນທຶນຕ່ຳກວ່າການປູກຕົ້ນໄມ້ຕົ້ນຫຍ້າ. ທ່ານວາງທ່າວ ບັນດິດສະພາບັນດິດວິສະວະກຳຈີນເວົ້າວ່າ:
"ເມື່ອກ່ອນ,ພວກຂ້າພະເຈົ້າຕົ້ນຕໍໃຊ້ມາດຕະການຊີວະຊາດຫຼືປະສານສົມທົບກັບວິທີປົກປ້ອງດ້ວຍກົນຈັກມາດັດແປງຂີ້ຊາຍ,ວິທີທົ່ວໄປແມ່ນປູກຕົ້ນໄມ້ຫຼືຕົ້ນຫຍ້າຢູ່ເຫຼວທະເລຊາຍຫຼືຢູ່ແຄມໂຄງການ,ກ່ອນຕົ້ນໄມ້ບໍ່ໄດ້ເຕີບໃຫຍ່ເປັນປ່າ,ປູກຕົ້ນຫຍ້າເປັນສີ່ຫຼ່ຽມຫຼືຮົ້ວມາກີດຂວາງຂີ້ຊາຍເຄື່ອນຍ້າຍ. ແຕ່ປັດຈຸບັນ ພວກຂ້າພະເຈົ້າຄົ້ນຄວ້າໃຊ້ພືດປະເພດເທົາແລະປະເພດໄຄບົນດິນເຮື້ອແລະຢາປ້ານດິນຊາຍໃຫ້ໄວ້ຢູ່,ເມື່ອເປັນແນວນີ້ ດ້ານໜຶ່ງສາມາດເຮັດໃຫ້ໜ້າທະເລຊາຍເກີດເປັນເປືອກດິນທຽມ,ພ້ອມກັນນັ້ນ ຍັງສາມາດເຮັດໃຫ້ມັນຄົງຕົວຢ່າງຖາວອນ.
|
|
|
