|
|
 |
| (GMT+08:00)
2005-05-24 21:51:58
|
 |
|
ທະຫານອາເມລິກາປະຈຳອີຣັກບໍ່ຖືກໃຈຄົນ
cri
Author: mo
ຕາມຂ່າວCRI：ໂດຍປະເຊີນກັບສະຖານະການອນຂ້ຽວຂາດຂອງອີຣັກທີ່ເກີດເຫດການລະເບີດຫລອນໂຈມຕີ, ວັນທີ 23 ພືດສະພາ, ທະຫານອາເມລິກາປະຈຳອີຣັກອອກຖະແຫລງການວ່າ, ທະຫານປະສົມອາເມລິກາອີຣັກໄດ້ເລີ່ມດຳເນີນການກວາດລ້າງຢູ່ແບກແດດ, ເພື່ອລົບລ້າງພວກປະກອບອາວຸດຢູ່ແຫ່ງນັ້ນ. ໃນການກວາດລ້າງເທື່ອນີ້, ໄດ້ມີຜູ້ຖືກສົງໃສຂອງອົງການປະກອບອາວຸດ 285 ຄົນຖືກຈັບ.
ໃນຂະນະທະຫານປະສົມອາເມລິກາອີຣັກດຳເນີນການກວາດລ້າງຢ່າງຟົດຟື້ນນັ້ນ, ວັນທີ 22 ພຶດສະພາ, ແຜນການຈັດວາງເທື່ອໃໝ່ຂອງທະຫານອາເມລິກາປະຈຳອີຣັກກໍໄດ້ເປີດເຜີຍອອກເປັນຄັ້ງທຳອິດ: ທະຫານອາເມລິກາຈະຖອນອອກຈາກຕົວເມືອງອີຣັກ, ໄປຢູ່ຖານທັບໃຫຍ່ 4 ແຫ່ງຢູ່ພາກເໜືອ ພາກຕາເວັນຕົກ ພາກກາງແລະພາກໃຕ້ຂອງອີຣັກເທື່ອລະກ້າວ. ຕາບໃດ, ລັດຖະບານອີຣັກຕ້ອງການ, ທະຫານອາເມລິກາກໍຈະສະໜັບສະໜູນກອງທະຫານຮັກສາຄວາມປອດໄພຂອງອີຣັກໃນດ້ານພະລາທິການແລະເຄື່ອນໄຫວໄວ.
ທ່ານນາງໄລສ໌ ລັດຖະມົນຕີການຕ່າງປະເທດແລະທ່ານລາມສ໌ຟິວດ໌ ລັດຖະມົນຕີກະຊວງປ້ອງກັນປະເທດເປັນຕົ້ນໄດ້ກ່າວຫລາຍເທື່ອແລ້ວວ່າ, ຂະບວນວິວັດຖອນທະຫານອາເມລິກາປະຈຳອີຣັກຈະຕົກລົງຕາມສະຖານະການຄວາມປອດໄພຂອງອີຣັກ, ປັດຈຸບັນ, ຍັງບໍ່ມີຕາລາງເວລາຖອນທະຫານທີ່ຈະແຈ້ງ. ສະນັ້ນ, ບຸກຄົນວິເຄາະເຫັນວ່າ, ແຜນການສ້າງຖານທັບໃຫຍ່ 4 ແຫ່ງ ໄດ້ເຜີຍແບເຈດຕະນາຂອງທະຫານອາເມລິກາທີ່ຫວັງຢາກປະຈຳອີຣັກຢ່າງຖາວອນ.
ບຸກຄົນເຫຼົ່ານີ້ຊີ້ອອກວ່າ, ສາມັນຊົນອີຣັກຫວັງໃຫ້ຊາດມີເອກະລາດແລະອະທິປະໄຕໂດຍໄວເທົ່າທີ່ຈະໄວໄດ້, ເຫັນວ່າ ຈຸດປະສົງຂອງທະຫານອາເມລິກາຍຶດຄອງອີຣັກແມ່ນປຸ້ນສະດົມຊັບພະຍາກອນນ້ຳມັນເຊື້ອໄຟຂອງອີຣັກ, ຢາກໄດ້ຜົນປະໂຫຍດເສດຖະກິດ; ຈ່ອງດຶງອີຣານແລະຊີເລຍ ສອງປະເທດທີ່ມີຫລັກໝັ້ນແຂງຕໍ່ອາເມລິກາ, ເພື່ອສະໜອງການຮັບປະກັນຄວາມປອດໄພຍິ່ງຫລາຍກວ່າເກົ່າໃຫ້ອິສຣາແອນ, ບັນລຸຍຸດທະສາດຄວບຄຸມຕາເວັນອອກກາງຂອງເຂົາຕື່ມອີກ. ສະນັ້ນ, ທະຫານອາເມລິກາປະຈຳຢູ່ອີຣັກແມ່ມບໍ່ຖືກໃຈຄົນ, ຍ່ອມຈະຖືກຫລາຍຝ່າຍຄັດຄ້ານ.
ກ່ອນອື່ນ, ທະຫານອາເມລິກາປະຈຳຢູ່ອີຣັກແມ່ນຂໍ້ອ້າງຕົ້ນຕໍທີ່ອົງການປະກອບອາວຸດກໍ່ການຫລອນໂຈມຕີ, ສະພາບແວດລ້ອມຄວາມປອດໄພອັນຂີ້ຮ້າຍຍ່ອມຈະເຮັດໃຫ້ຂະບວນວິວັດສ້າງສາຄືນໃໝ່ຂອງອີຣັກຖືກຂັດຂອງ.
ຖັດມາ, ການເຄື່ອນໄຫວຄັດຄ້ານອາເມລິກາດ້ວຍກຳລັງຮຸນແຮງຢ່າງບໍ່ຢຸດຢັ້ງ, ໄດ້ເຮັດໃຫ້ການປະທະກັນລະຫວ່າງບັນດານິກາຍສາສະໜາຂອງອີຣັກນັບມື້ນັບດຸເດືອດຂຶ້ນ.
ສາມ, ໃນບັນຫາຕາເວັນອອກກາງ, ອາເມລິກາໄດ້ອຽງໄປຫາອິສຣາແອນໂດຍຕະຫລອດ, ໃນຫລາຍປີມານີ້ ໄດ້ເຜີຍແຜ່ແຜນການປະຊາທິປະໄຕໃຫຍ່ຢູ່ຕາເວັນອອກກາງ, ບັງຄັບໃຫ້ປະເທດອາລັບໃນພາກພື້ນແຫ່ງນີ້ດຳເນີນອັນທີ່ວ່າ"ການປະຕິຮູບປະຊາທິປະໄຕ", ເຮັດໃຫ້ອາລົມຈິດຄັດຄ້ານອາເມລິກາຢູ່ພາກພື້ນຕາເວັນອອກກາງແຮງຂຶ້ນຕື່ມອີກ.
ສີ່, ຂະບວນວິວັດສ້າງສາຄືນໃໝ່ຂອງອີຣັກຕ້ອງການສະພາບແວດລ້ອມພາຍນອກທີ່ດີງາມ. ຖ້າທະຫານອາເມລິກາປະຈຳຢູ່ອີຣັກຖາວອນ, ຍ່ອມຈະຂົ່ມຂູ່ເຖິງອີຣານແລະຊີເລຍ ປະເທດໃກ້ຄຽງຂອງອີຣັກ.
|
|
|
