ຕາມ​ຂ່າວສານ​ຊິນ​ຮວາ: ຈີນ​ໄດ້​ຄົ້ນຄວ້າ​ຜະລິດວັກ​ແຊງ​ແບບ​ໃໝ່​ສອງ​ປະ​ເພດ​ທີ່​​ໃຊ້​ປ້ອງ​ກັນ​ເຊື້ອ​ໄວ​ລັດ​ໄຂ້ຫວັດ​ສັດ​ປີກ​ H5N1 ແບບ​ຂ.​ເຊິ່ງ​ເປັນ​ໄຂ້ຫວັດ​ສັດ​ປີກ​ປະ​ເພດ​ຮ້າຍ​ແຮງ​ສຳ​ເ​ລັດ​ຜົນ​ແລ້ວ. ວັກ​ແຊງ​ແບບ​ໃໝ່​ນີ້​ສາມາດ​ຕັດ​ຊ່ອງ​ທາງ​ລະບາດ​ຂອງ​ເຊື້ອ​ໄວ​ລັດ​ໄຂ້ຫວັດ​ສັດ​ປີກ​ຊະ​ນິດດັ່ງກ່າວ​ທີ່​ອາ​ໄສສັດ​ປີກ​ນ້ຳ​ຕິດ​ແປດ​ໃຫ້​ສັດ​ປີກ​ລ້ຽງຢູ່​ບ້ານ ສັດ​ລ້ຽງ​ລູກ​ດ້ວຍນົມ​ແລະ​ມະນຸດ​ຢ່າງ​ເຖິງ​ຖອງ.

ວັນ​ທີ 25 ພຶ​ດສະພາ​ຢູ່​​ເມືອງ​ຮາ​ເອີ​ປິນ ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ, ​ທ່ານ​ນາງ​ເສິນ​ຮວາ​ລານ ຫົວໜ້າ​ຫ້ອງ​ທົດ​ລອງ​ສັງ​ເກດ​ໄຂ້ຫວັດ​ສັດ​ປີກ​ແຫ່ງ​ຊາດ​ຈີນ​​ໄດ້ເຜີຍ​ໃຫ້​ຮູ້ຂ່າວ​ດັ່ງກ່າວ. ວັກ​ແຊງ​ທີ່​ຫ້ອງ​ທົດ​ລອງ​ດັ່ງກ່າວ​ຄົ້ນຄວ້າ​ສຳ​ເລັດ​ຜົນ​ນັ້ນມີ​ຄວາມ​ປອດ​ໄພ​ໃນ​ລະດັບ​ສູງ​ຕໍ່​ສັດ​ປີກ​ແລະ​ສັດລ້ຽງ​ລູກ​ດ້ວຍນົມ, ຜົນ​ຂອງ​ພູມ​ຕ້ານ​ທານ​ສູງ, ພູມ​ຕ້ານ​ທານສຳລັບໄກ່​ໄດ້​ຜົນ​ເຖິງ 10 ​ເດືອນ​ຂຶ້ນ​ໄປ. ​ເຮັດ​ໃຫ້​ຈີນ​ນຳ​ໜ້າ​ໂລກ​ໃນ​ຂົງ​ເຂດ​ຄົ້ນຄວ້າ​ວິທະຍາສາດ​ດັ່ງກ່າວ.