|
|
 |
| (GMT+08:00)
2005-05-26 21:47:09
|
 |
|
ການປະຕິວັດຂໍ້ມູນຂ່າວສານພວມຈະເລີນຂຶ້ນຢູ່ອິນເດຍ
cri
Author: da
ພາຍຫລັງສະຫະລັດອາເມລິກາໄດ້ນຳຫນ້າພາຫມູ່ວາງໂຄງຄວາມຄຶດແຫ່ງການກໍ່ສ້າງທາງດ່ວນຂໍ້ມູນຂ່າວສານໃນທົ່ວປະເທດເມື່ອປີ 1993 ແລ້ວ,ການາດາ ຍີ່ປຸ່ນ ອັງກິດ ຝຣັ່ງ ເຢຍລະມັນແລະສາທາລະນະລັດເກົາຫລີເປັນຕົ້ນກໍຕິດຕ້ອຍຫອຍຕາມຢ່າງໃກ້ຊິດ,ໄດ້ວາງແຜນການກໍ່ສ້າງທາງດ່ວນຂໍ້ມູນຂ່າວສານໃນປະເທດຂອງຕົນ.ອິນເດຍໃນນາມເປັນປະເທດພວມພັດທະນາກໍບໍ່ຢາກຫຼ້າຫລັງຫມູ່,ຈິ່ງໄດ້ອະນຸມັດແຜນການກໍ່ສ້າງດ່ວນຂໍ້ມູນຂ່າວສານນັ້ນ,ການບຸກເບີກອິນເທີແນັດແລະເຕັກນິກຂໍ້ມູນຂ່າວສານອື່ນໆ,ກໍໄດ້ກາຍເປັນກະແສຟອງຟົດຟື້ນຂຶ້ນຢູ່ຕາມບັນດາປະເທດໃນໂລກ,ຫມາຍຄວມວ່າການປະຕິວັດຂໍ້ມູນຂ່າວສານບັ້ນຫນຶ່ງກໍເກີດຂຶ້ນຢູ່ອິນເດຍເຊັ່ນດຽວກັນ.
ອິນເດຍແມ່ນຫນຶ່ງໃນບັນດາປະເທດທີ່ມີໂທລະເລກແລະໂທລະສັບກ່ອນຫມູ່ໃນໂລກ,ດຽວນີ້,ເຄືອຂ່າວໂທລະຄົມຂອງອິນເດຍໄດ້ກາຍເປັນຫນຶ່ງໃນບັນດາເຄືອຂ່າຍທີ່ໃຫຍ່ກວ່າຫມູ່ໃນອາຊີ ນັບມາຮອດວັນທີ 31 ມີນາ ປີ 1999,ອິນເດຍໄດ້ມີສູນໂທລະສັບ 25 ພັນເຄື່ອງແລະສາຍໂທລະສັບ 26 ລ້ານ 5 ທມື່ນສາຍພ້ອມດ້ວຍສາຍໂທລະສັບຜ່ານດາວທຽມ 5 ພັນສາຍ,ນັບມາຮອດເດືອນເມສາປີນີ້,ອິນເດຍມີໂທະສັບມືຖື 1 ລ້ານ 8 ຫມື່ນເຄື່ອງ,ໃຊ້ໂທລະເລກແລະໂທລະສັບຕິດຕໍ່ໄດ້ເກືອບຫມົດທຸກຂອກທຸກແຈໃນໂລກ.
ນັບແຕ່ເລີ່ມໃຊ້ອິນເທີແນັດເຂົ້າໃນການຄ້າຢູ່ອິນເດຍຢ່າງເປັນທາງການເມື່ອປີ 1995 ເປັນຕົ້ນມາ,ຈຳນວນຜູ່ເຂົ້າອິນເທີແນັດຢູ່ອິນເດຍໄດ້ເພີ່ມຂຶ້ນຄົບເທົ່າດ້ວຍລະດັບໄວພິລຶກ,ເມື່ອທ້າຍປີ 1998 ຜູ່ເຂົ້າອິນເທີແນັດຢູ່ອິນເດຍມີພຽງ 1 ແສນ 7 ຫມື່ນຄົນນັ້ນ,ແຕ່ມາຮອດທ້າຍປີ 1999,ພັດໄດ້ເພີ່ມຂຶ້ນຮອດ 6 ແສນ 1 ຫມື່ນຄົນ,ປັດຈຸບັນ, ບັນລຸເຖິງ 1 ລ້ານຄົນແລ້ວ,ຄຽງຄູ່ກັບອິນເທີແນັດໄດ້ຂະຫຍາຍຕົວຢ່າງໄວພະລັນນັ້ນ,ແວບໄຊທຸກຊະນິດກໍປະກົດຂຶ້ນຢູ່ອິນເດຍປານດອກເຫັດໃນຍາມຝົນ,ຕາມສະຖິຕິຂອງບໍລິສັດນຳໃຊ້ອິນເທີແນັດເຊິ່ງເປັນບໍລີສັດຂຶ້ນທະບຽນຊື່,ເຂດອິນເທີແນັດທີ່ຕັ້ງສຳນັກງານໃຫຍ່ຢູ່ອາເມລິກາ,ຊື່ເຂດທີ່ອິນເດຍຂຶ້ນທະບຽນຢູ່ບໍລິສັດແຫ່ງນີ້ມີພຽງ 23 ພັນເຂດ,ພາຍຫລັງລັດຖະບານອິນເດຍເຊົາຈຳກັດຕໍ່ອິນເທີແນັດເມື່ອເດືອນພະຈິກປີ 1998 ແລ້ວມາຮອດປີ 1999 ຊື່ເຂດທີ່ອິນເດຍຂຶ້ນທະບຽນຢູ່ບໍລິສັດນຳໃຊ້ອິນເທີແນັດໄດ້ເພີ່ມຂຶ້ນຮອດ 84 ພັນເຂດ,ນັບມາຮອດປັດຈຸບັນມີເຖິງ 1 ແສນເຂດ.
ອີງຕາມການລຽງລຳດັບຈຳນວນບໍລິສັດອິນເທີແນັດຂອງບັນດາປະເທດແລະຕົວເມືອງໃນໂລກທີ່ບໍລິສັດນຳໃຊ້ອິນເທີແນັດປະກາດເມື່ອຕົ້ນເດືອນພຶດສະພາປີນີ້(ບໍ່ນັບອາເມລິກາ ) ຈຳນວນບໍລິສັດອິນເທີແນັດຂອງອິນເດຍໄດ້ເປັນທີ 10 ອີກ, 9 ປະເທດທີ່ຢູ່ແຖວຫນ້າແມ່ນອັງກິດ,ສາທາລະນະລັດເກົາຫລີ ການາດາ ຝຣັ່ງ ເຢຍລະມັນ ຍີ່ປຸ່ນ ຈີນ ແອສປາຍແລະອີຕາລີ ຈຳນວນບໍລິສັດອິນເທີແນັດທີ່ນະຄອນບອມເບ ເມືອງຄ້າທີ່ໃຫຍ່ກວ່າຫມູ່ແລະສູນທະນາຄານຂອງອິນເດຍໄດ້ເປັນທີ 10 ໃນໂລກ,ອີກ 9 ຕົວເມືອງແມ່ນເຊອຸ່ນ,ລອນດອນ ໂຕໂຣນໂຕ ອິສຕານດາລີ ສິງກະໂປ ປັກກິ່ງ ມາດິຼດແລະວັງຄູແວກ.
ການປະຕິວັດຂໍ້ມູນຂ່າວສານໄດ້ກະຕຸກຊຸກຍູ້ການຂະຫຍາຍອຸດສາຫະກຳຂໍ້ມູນຂ່າວສານຂອງອິນເດຍ,ໂດຍເອົາອຸດສາຫະກຳຊອຟແວຄອມພິວເຕີເປັນຫລັກຢ່າງແຂງແຮງ,ຍ້ອນອິນເທີແນັດໄດ້ຮັບການນຳໃຊ້ຢ່າງກວ້າງຂວາງໃນຂອບເຂດທົ່ວໂລກພ້ອມທັງບັນດາບໍລິສັດແລະວິສາຫະກິດໃຫຍ່ໄດ້ທະຍອຍກັນສ້າງເຄືອຂ່າຍພາຍໃນ,ໂດຍສະເພາະແມ່ນການຄ້າເອເລັກໂຕຼນິກໄດ້ເກີດຂຶ້ນໃນບໍ່ທໍ່ໃດປີມານີ້, ອັນໄດ້ອຳນວຍໂອກາດການຄ້າຢ່າງບໍ່ມີການຈຳກັດ,ໃຫ້ແກ່ອຸດສາຫະກຳຊອຟແວຄອມພິວເຕີຂອງອິນເດຍ,ໃບສັ່ງຈອງຊອຟແວອິນເທີແນັດແລະນຳໃຊ້ອິນເທີແນັດ,ຊອຟແວການຄ້າເອເລັກໂຕຼນິກ,ຊອຟແວຄຸ້ມຄອງຊັບພະຍາກອນມະນຸດຂອງວິສາຫະກິດແລະຊອຟແວການເງິນເອເລັກໂຕຼນິກກໍໄດ້ປິວເຂົ້າປະເທດອິນເດຍປານຫ່າຝົນ,ໃນຫຼາຍປີມານີ້,ອິນເດຍໄດ້ສົ່ງຊອຟແວອອກຂາຍນອກເພີ່ມຂຶ້ນເຖິງ 60% ຕໍ່ປີ,ແຕ່ປີ 1995 ມາຮອດປີ 1996 ,ຍອດບໍລິມາດຊອຟແວຂອງອິນເດຍທີ່ສົ່ງອອກຂາຍນອກແມ່ນມີພຽງ 734 ລ້ານໂດລາສະຫະລັດທໍ່ນັ້ນ,ແຕ່ມາຮອດປີ 1999 ເຖິງ ປີ 2000,ພັດຂຶ້ນເຖິງ 3 ຕື້ 925 ລ້ານໂດລາສະຫະລັດ,ກະວ່າແຕ່ປີ 2000 ຮອດປີ 2001 ,ຈະເພີ່ມຂຶ້ນຮອດ 6 ຕື້ 500 ລ້ານໂດລາສະຫະລັດ,ເມື່ອປີກາຍນີ້,ຕົວເລກດັດຊະນີບັດຫຸ້ນສ່ວນອຸດສາຫະກຳ 30 ຊະນິດໃນຕະຫຼາດ,ຫຸ້ນບອມເບໄດ້ສູງຂຶ້ນ 64%,ໃນນັ້ນ,ມູນຄ່າຫຸ້ນເຕັກນິກຂໍ້ມູນຂ່າວສານໄດ້ສູງຂຶ້ນຕັ້ງ 400% ບໍລິສັດ ເວໂພຼ ທີ່ເອົາການຜະລິດຊອຟແວເປັນຫລັກແລະບໍລິສັດເຕັກນິກລະບົບຂໍ້ມູນຂ່າວສານ,ກໍໄດ້ເຂົ້າຢູ່ໃນຖັນແຖວ 500 ບໍລິສັດໃຫຍ່ທົ່ວໂລກເປັນເທື່ອທຳອິດໃນປີນີ້ໂດຍແມ່ນວາລະສານໂຝຫຸສ ເປັນຜູ່ປະກວດ.
ການປະຕິວັດຂໍ້ມູນຂ່າວສານ ໄດ້ໃສ່ປິກໃຫ້ອຸດສາຫະກຳດັ້ງເດີມຂອງອິນເດຍແລະໄດ້ນຳເອົາພະລັງຊີວິດແຫ່ງການພັດທະນາອັນມະຫາສານໃຫ້ແກ່ເຂົາເຈົ້າແລ້ວ.ຕົວຢ່າງຄື:ບາງບໍລິສັດຜະລິດລົດຍົນທີ່ມີຊື່ສຽງຂອງອິນເດຍກໍໄດ້ຜ່ານເຄືອຂ່າວພາຍໃນມາເພີ່ມທະວີການຄຸ້ມຄອງພາຍໃນ.ຫຼຸດຕ່ອງໂສ້ລະຫວ່າງກາງໃຫ້ຫນ້ອຍລົງ,ຍົກສະມັດຖະພາບການຜະລິດໃຫ້ສູງຂຶ້ນ,ແລະຂາຍລົດຜ່ານຮ້ານຄ້າອິນເທີແນັດ,ແຕ່ປີ 1999 ມາຮອດປີ 2000,ຍອດຈຳນວນລົດເກ໋ງທີ່ຈຳຫນ່າຍຢູ່ພາຍໃນປະເທດອິນເດຍໄດ້ເພີ່ມຂຶ້ນຫຼາຍກວ່າປີທີ່ແລ້ວ,ຄືເກີນ 6 ແສນຄັນ,ໃນນັ້ນການຈຳຫນ່າຍໂດຍອິນເທີແນັດແມ່ນມີຄຸນງາມຄວາມດີຫຼາຍ.
ປັດຈຸບັນ,ການຂະຫຍາຍອິນເທີແນັດຂອງອິນເດຍຍັງບໍ່ທັນສະຫມ່ຳສະເຫມີເທື່ອ,ຄອມພິວເຕີບຸກຄົນ 4 ລ້ານເຄື່ອງໃນທົ່ວປະເທດຕົ້ນຕໍແມ່ນຈຸ້ມກັນຢູ່ຕົວເມືອງ,ໃນຈຳນວນບ້ານເກືອບເຄິ່ງຫນຶ່ງໃນທົ່ວປະເທດຍັງບໍ່ທັນມີໂທລະສັບເທື່ອ,ສະນັ້ນ, ເພື່ອຊຸກຍູ້ການປະຕິວັດຂໍ້ມູນຂ່າວສານຢູ່ຊົນນະບົດອິນເດຍ,ລັດຖະບານອິນເດຍຈິ່ງຕັ້ງ 15 ສູນໂທລະຄົມຊົນນະບົດ ໃນທົ່ວປະເທດແລະໄດ້ວາງແຜນການໃນບໍ່ທໍ່ໃດປີຂ້າງຫນ້າຈະເຮັດໃຫ້ມີໂທລະສັບໃຊ້ໃນທຸກບ້ານ,ຍ້ອນຜູ່ໃຊ້ເຄໂບທີວີຢູ່ອິນເດຍໃນປະຈຸບັນມີເຖິງ 40 ລ້ານຄອບຄົວແລ້ວ,ສະນັ້ນ,ບາງບໍລິສັດຂອງອິນເດຍຈິ່ງພວມອອກແຮງເຜີຍແຜ່ເຕັກນິກທີ່ໃຊ້ສາຍກາບທີວີເຊື່ອມຕໍ່ອິນເທີແນັດ,ເພື່ອເຮັດໃຫ້ຜູ່ໃຊ້ອິນເທີແນັດໂດຍຜ່ານເຄໂບທີວີ,ຜູ່ຊ່ຽວຊານທ້ອງຖິ່ນບາງຄົນເຫັນວ່າ,ອິນເດຍໃນນາມເປັນປະເທດໃຫຍ່ທີ່ມີປະຊາກອນ 1 ພັນລ້ານຄົນໃນ 3 ປີ ຫາ 5 ປີຕໍ່ຫນ້ານີ້ຈະສາມາດເຂົ້າຢູ່ໃນຖັນແຖວ 5 ປະເທດອິນເທີແນັດໃຫຍ່ໃນໂລກ.
ຕໍ່ໄປແມ່ນຂ່າວວິທະຍາສາດ:
ນັກວິທະຍາສາດເອີລົບໄດ້ປະກາດບົດລາຍງານຄົ້ນຄວ້າຮ່ວມກັນໂດຍຢືນຢັນວ່າ,ໂອໂຊນໃນທາດດິນແມ່ນສັດຕູໂຕໃຫຍ່ແຫ່ງການເຕີບໃຫຍ່ຂອງພືດ,ມັນສາມາດສະກັດກັ້ນບໍ່ໃຫ້ພືດທຸກຊະນິດເຕີບໃຫຍ່ຂຶ້ນ,ອັນໄດ້ນຳເອົາຄວາມເສຍຫາຍອັນຫນັກຫນ່ວງມາສູ່ການຜະລິດກະສິກຳ.
ໂອໂຊນແມ່ນອາກາດບໍ່ມີສີທີ່ມີກິ່ນເຫມັນພິເສດແນວຫນຶ່ງທີ່ເກີດຂຶ້ນໂດຍທຳມະຊາດໃນບັນຍາກາດ,ຕົ້ນຕໍແມ່ນມີຢູ່ໃນຊັ້ນໂອໂຊນຂອງບັນຍາກາດຫນ່ວຍໂລກ,ບົດລາຍງານຊີ້ອອກວ່າ,ຊັ້ນໂອໂຊນສາມາດດູດເອົາແສງອຸນຕຼາວີໂອເລຂອງຕາເວັນກວ່າ 99%,ແມ່ນກຳແພງທຳມະຊາດທີ່ປ້ອງກັນບໍ່ໃຫ້ພືດສາຊາດຕາມຫນ້າດິນຖືກທຳລາຍ,ແຕ່ວ່າໂອໂຊນທີ່ມີຢູ່ໃນທາດດິນນັ້ນ,ພັດຈະພາໃຫ້ກີດມີການເຊື່ອມພິດຢ່າງຮ້າຍແຮງ,ຈາກຜົນການຄົ້ນຄວ້າຫຼ້າສຸດສະແດງໃຫ້ເຫັນວ່າ,ໂອໂຊນມີລັກສະນະທຳລາຍຜົນລະປູກຮ້າຍແຮງທີ່ສຸດແລະບ່ອນທີ່ມີແສງແດດກ້າຫຼາຍ,ການທຳລາຍດັ່ງກ່າວກໍຍິ່ງຫຼາຍ,ຜູ່ຄົ້ນຄວ້າໄດ້ທົດລອງຢູ່ອັງກິດສະແດງໃຫ້ເຫັນວ່າ,ຜົນຜະລິດຂອງດິນປູກຝັງທີ່ຖືກໂອໂຊນທຳລາຍນັ້ນຈະຫຼຸດຫນ້ອຍ 15%,ແສງແດດຢູ່ແອສປາຍກ້າກວ່າອັງກິດຫຼາຍ,ຜົນຜະລິດກະສິກຳຂອງແອສປາຍຈະຫຼຸດຫນ້ອຍລົງຈົນຮອດ 39% .
|
|
|
