|
|
 |
| (GMT+08:00)
2005-05-27 15:28:15
|
 |
|
ໂອກາດການຄ້າງານໂອລິມປິກຊຸກຍູ້ໃຫ້ເສດຖະກິດປັກກິ່ງພັດທະນາຢ່າງວ່ອງໄວແລະປອດໃສ
cri
Author: sayvanny
ຕັ້ງແຕ່ກິລາໂອລິມປິກສະໄຫມປະຈຸບັນກຳເນີດຂຶ້ນເປັນຕົ້ນມາ, ງານໂອລິມປິກກໍ່ພົວພັນກັບການພັດທະນາຂອງຕົວເມືອງທີ່ຈັດງານຢ່າງແຫນ້ນແຟ້ນ,ສັງເກດຈາກພຶດຕິກຳປະຫວັດສາດຂອງຕົວເມືອງຈັດງານໂອລິມປິກທຸກຄັ້ງທີ່ຜ່ານມາ, ງານໂອລິມປິກມີກຳລັງຊຸກຍູ້ຢ່າງແຂງແຮງຊຸກຍູ້ໃຫ້ເສດ ຖະກິດສັງຄົມຂອງຕົວເມືອງແລະປະເທດທີ່ຈັດງານໂອລິມປິກພັດທະນາ. ທ່ານລິວຈື້ ຮອງຫົວຫນ້າຄະນະກຳມະການພັດທະນາແລະປະຕິຮູບຂອງນະຄອນຫລວງປັກກິ່ງແນະນຳວ່າ, ຕັ້ງແຕ່ປັກກິ່ງຮ້ອງຂໍຈັດງານກິລາໂອລິມປິກຢ່າງສຳເລັດຜົນໃນປີ 2001 ມານີ້,ການກະກຽມຈັດງານກິລາໂອລິມປິກໄດ້ມີບົດບາດນັບມື້ນັບພົ້ນເດັ່ນທີ່ຊຸກຍ້ໃຫູ້ເສດຖະກິດຂອງປັກກິ່ງພັດທະນາ.ທ່ານເວົ້າວ່າ:
"ປະຈຸບັນ, ເສດຖະກິດປັກກິ່ງພວມຂະຫຍາຍຕົວຢ່າງວ່ອງໄວ ຫມັ້ນ ທ່ຽງແລະປອດໃສ.ແຕ່ປີ 2001 ຫາປີ 2004, GDP ຂອງປັກກິ່ງເພີ່ມຂຶ້ນ 11% ຂຶ້ນໄປຕໍ່ປີ, GDP ສະເລ່ຍຕາມຫົວຄົນບັນລຸ 3000 ກວ່າໂດລາສະຫະລັດ, ຊີວິດການເປັນຢູ່ຂອງປະຊາຊົນໄດ້ຈາກລະດັບກິນອິ່ມນຸ່ງອຸ່ນຂຶ້ນສູ່ລະດັບຮັ່ງມີແລະຊົມໃຊ້.ສັບພະຄຸນແລະໂສມຫນ້າຂອງຕົວເມືອງກໍ່ໄດ້ຮັບການບູລະນະແລະຍົກສູງຂຶ້ນ,ກຳລັງສັງລວມຕົວຈິງເພີ່ມຂຶ້ນຢ່າງເດັ່ນຊັດ."
ຕາມສະເຫນີວ່າ, ພາຍຫລັງຮ້ອງຂໍຈັດງານກິລາໂອລິມປິກສຳເລັດຜົນແລ້ວ, ປັກກິ່ງໄດ້ສັບຊ້ອນແຜນການແລະເປົ້າຫມາຍພັດທະນາເສດຖະ ກິດ, ອອກແຮງພັດທະນາອຸດສາຫະກຳໄຮເທັກ ຂະແຫນງການບໍລິການທັນສະໄຫມ ຂະແຫນງການຈໍລະຈອນທັນສະໄຫມແລະການທ່ອງທ່ຽວ.ການກໍ່ສ້າງ ພື້ນຖານໂຄງລ່າງຂອງຕົວເມືອງປັກກິ່ງກໍ່ມີການຄືບຫນ້າທີ່ມີລັກສະນະບຸກ ທະລຸ.ແຕ່ປີ 2001 ຫາປີ 2004, ປັກກິ່ງໄດ້ລົງທຶນກໍ່ສ້າງພື້ນຖານໂຄງລ່າງເຖິງ 160 ຕື້ກວ່າຢວນ, ເກືອບແມ່ນ 2 ເທົ່າຂອງຫ້າປີກ່ອນ.ການກໍ່ສ້າງຄົມມະນາຄົມມີລາງແລະທາງດ່ວນໃນຕົວເວມືອງກໍ່ເພີ່ມຫລາຍຂຶ້ນ, ໄລຍະທາງກໍ່ຍາວກວ່າເກົ່າ, ກິດຈະການຄົມມະນາຄົມສາທາລະນະນງວດຫນຶ່ງຄື ສະຫນາມບິນນະຄອນຫລວງເປັນຕົ້ນກໍ່ເລີ່ມກໍ່ສ້າງແລ້ວ, ການກໍ່ສ້າງກິດຈະການກ່ຽວກັບນ້ຳໄຟຟ້າ ອາຍແກສທຳມະຊາດແລະຄວາມຮ້ອນເປັນຕົ້ນກໍ່ໄດ້ມີການຄືບຫນ້າຢ່າງເດັ່ນຊັດ.
ທ່ານລີວຈື້ ຮອງຫົວຫນ້າຄະນະກຳມະການພັດທະນາແລະປະຕິຮູບນະຄອນຫລວງປັກກິ່ງເວົ້າວ່າ, ການຮ້ອງຂໍຈັດງານກິລາໂອລິມປິກສຳເລັດຜົນ, ໄດ້ອຳນວຍໂອກາດປະຫວັດສາດອັນສຳຄັນແກ່ປັກກິ່ງ.ທ່ານເວົ້າວ່າ, ຕໍ່ໄປພາຍຫນ້າ, ປັກກິ່ງຈະສືບຕໍ່ບູລະນະການກໍ່ສ້າງພື້ນຖານໂຄງລ່າງໃຫ້ສົມ ບູນຂຶ້ນ, ສ້າງລະບົບຄົມມະນາຄົມໃນຕົວເມືອງທີ່ປອດໄພສະດວກແລະທັນສະໄຫມ ເຊິ່ງຖືຕາຫນ່າງຄົມມະນາຄົມສາທາລະນະເປັນອັດຕະພາບ,ແລະມີຄົມມະນາຄົມທາງດ່ວນໃນຕົວເມືອງເປັນຫລັກແຫລ່ງ. ສ້າງເສັ້ນທາງເຂດ ກາງເມືອງໃຫ້ຖີ່ກວ່າເກົ່າ, ຜ່ອນຄາຍສະພາບລົດຕິດຢູ່ກາງເມືອງ, ພ້ອມກັນ ນັ້ນ ຍັງຕ້ອງເພີ່ມທະວີການກໍ່ສ້າງສິ່ງກໍ່ສ້າງພະລັງງານ, ສັບຊ້ອນອົງປະ ກອບພະລັງງານໃຫ້ດີຂຶ້ນ,ຮັບປະກັນການສະຫນອງພະລັງງານ,ເລັ່ງ ລັດປົວແປງສິ່ງແວດລ້ອມທາງນ້ຳ,ເຮັດໃຫ້ສິ່ງແວດລ້ອມຊີວິດຂອງການເປັນຢູ່ຂອງ ໄທເມືອງປັກກິ່ງໄດ້ຮັບການປົວແປງໃຫ້ດີຂຶ້ນຢ່າງຫລວງຫລາຍ.
|
|
|
