ຕາມ​ໜັງສືພິມ​ເຢັນ​ໝິນຢື້​ປ້າວ​ຂອງ​ຈີນ​ສະບັບ​ວັນ​ທີ 27 ພຶດສະພາ: ຫວ່າງ​ມໍ່ໆ​ນີ້ ນັກ​ຂ່າວ​ໄດ້​ຊາບ​ຈາກ​ພາກສ່ວນ​ທີ່​ກ່ຽວຂ້ອງ​ຂອງ​ເຂດ​ຕິ​ເບ​ດປົກຄອງ​ຕົນ​ເອງ​ຂອງ​ຈີນ​ວ່າ, ​ແຕ່​ເຂດ​ຕິ​ເບ​ດ​ໄດ້​ຮັບ​ການ​ປົດ​ປ່ອຍ​ດ້ວຍສັນຕິວິທີ​​ໃນ 50 ກວ່າ​ປີ​ມາ​ນີ້, ລະດັບ​ຄວາມ​ຮັບ​ປະ​ກັນ​ດ້ານ​ສຸຂະພາບ​ຂອງປະຊາຊົນ​​ເຂດຕິ​ເບ​ດ​ໂດຍ​ສະ​ເພາະ​ແມ່ນ​ຊາວ​ກະສິ​ກອນ​ແລະ​ຊາວ​ລ້ຽງ​ສັດ​ໄດ້​ສູງ​ຂຶ້ນຢ່າງ​ເດັ່ນ​ຊັດ.

ຕາມ​ແນະນຳ​ວ່າ, ຕັ້ງ​ແຕ່​ລັດຖະບານ​ກາງ​ຈີນ​ປະຕິບັດນະ​ໂຍບາຍ​​ພິ​ເສດ​ຄື ຊາວ​ກະສິ​ກອນ​ແລະ​ຊາວ​ລ້ຽງສັດ​ເຂດ​ຕິ​ເບ​ດບໍ່​ຕ້ອງ​ເສຍ​ຄ່າປິ່ນປົວ​​ເປັນ​ຕົ້ນມາ, ​ເງື່ອນ​ໄຂ​ການ​ປິ່ນປົວ​​ແລະ​ສາທາລະນະ​ສຸກຢູ່​ເຂດ​ຕິ​ເບ​ດ​ໄດ້​​ດີ​ຂຶ້ນຢ່າງ​ບໍ່​ຢຸດ​ຢັ້ງ, ລະດັບ​ສຸຂະພາບ​ຂອງ​ປະຊາຊົນ​ເຂດ​ຕິ​ເບ​ດ​ໄດ້​ສູງ​ຂຶ້ນຢ່າງ​ເດັ່ນ​ຊັດ.

ຕາມ​ສະຖິຕິ, ​ເມື່ອ​ທຽບ​ກັບ​ຊຸມ​ປີ 50 ສະຕະວັດ​ທີ່​ແລ້ວ, ປະຊາກອນ​ເຜົ່າ​ຕິ​ເບ​ດຢູ່​ເຂດ​ຕິ​ເບ​ດ​ໄດ້​ເພີ່ມ​ຂຶ້ນ​ເກີນ​ຄົບ​ເທົ່າ, ອາຍຸ​ຍືນ​ສະ​ເລ່ຍຕໍ່​ຫົວ​ຄົນ​ໄດ້​​ສູງ​ຂຶ້ນຈາກ 35 ປີ​ຮອດ 67 ປີ​ໃນ​ປະຈຸ​ບັນ. ອັດຕາ​ການ​ຕາຍ​ຂອງ​ແມ່​ມານ​ແລະ​ເ​ດັກ​ນ້ອຍລ້ວນ​ແຕ່ຫຼຸດລົງ​ໃນ​ໜ້າ​ພຽງ​ກວ້າງ. ​ເຂດ​ຕິ​ເບ​ດປົກຄອງ​ຕົນ​ເອງ​ຍັງ​ເປັນ​ໜຶ່ງ​ໃນບັນດາ​ເຂດ​ແຂວງ​​ທີ່​ມີ​ຜູ່​ເຖົ້າອາຍຸ 100 ປີຫຼາຍກວ່າ​ໝູ່​ຂອງ​ຈີນ.