|
|
 |
| (GMT+08:00)
2005-05-27 16:50:43
|
 |
|
ທ່ານອັບບາສໄປຢ້ຽມຢາມອາເມລິການັ້ນໄດ້ຮັບໝາກຜົນຫຍັງທ່ານອັບບາສໄປຢ້ຽມຢາມອາເມລິການັ້ນໄດ້ຮັບໝາກຜົນຫຍັງ
cri
Author: sayvanny
ຕາມຂ່າວ CRI , ວັນທີ 26 ພຶດສະພາ, ຫຼັງຈາກໄດ້ພົບປະທ່ານບຸສ ປະທານາທິບໍດີອາເມລິກາແລ້ວ, ທ່ານອັບບາສ ປະທານອົງການອຳນາດແຫ່ງຊາດປາເລັສຕິນໄດ້ສິ້ນສຸດການຢ້ຽມຢາມອາເມລິກາສາມມື້. ບຸກຄົນວິເຄາະເຫັນວ່າ, ການຢ້ຽມຢາມຂອງທ່ານອັບບາສຄັ້ງນີ້ໄດ້ຮັບໝາກຜົນຈຳນວນໜຶ່ງ.
ກ່ອນອື່ນ, ທ່ານບູສຖືທ່ານອັບບາສເປັນຜູ່ນຳທີ່ຮ່ວມມືໄດ້ແລະໜ້າໄວ້ເນືອເຊື່ອໃຈໄດ້. ທ່ານບູສຕ້ອນຮັບທ່ານອັບບາສຢູ່ທຳນຽບຂາວນັ້ນໄດ້ສົ່ງສັນຍານດັ່ງລຸ່ມນີ້: ໄດ້ຮັບຮອງແລະຍ້ອງຍໍຄວາມພະຍາຍາມຂອງທ່ານອັບບາສໃນການໂຈມຕີກຳລັງປະກອບອາວຸດຫົວຮຸນແຮງປາເລັສຕິນ ຊຸກຍູ້ການປະຕິຮູບ ລົບລ້າງການເສຍທາດຂາດຄຸນແລະສ້າງເສດຖະກິດຈະເລີນຮຸ່ງເຮຶອງ. ເມື່ອທຽບກັບທ່ານບຸສຂວ້ຳບາດທ່ານອາລາຟັດໃນ 4 ປີທີ່ຜ່ານມາແລ້ວ, ອາເມລິກາໄດ້ສະແດງທ່າທີທີ່ຍິນດີຮ່ວມມືກັບທ່ານອັບບາສ.
ຖັດມາ, ທ່ານບຸສໄດ້ກ່າວລື້ມຫຼັກໝັ້ນຂອງອາເມລິກາທີ່ສະໜັບສະໜູນແຜນ ການເສັ້ນທາງສັນຕິພາບ. ທ່ານບຸສເວົ້າວ່າ, ຫຼັກໝັ້ນຂອງລັດຖະບານອາເມລິກາຕໍ່ການເຈລະຈາລະຫວ່າງປາເລັສຕິນກັບອິສຣາແອນແມ່ນ, ທະຫານອິສຣາແອນຄວນຖອນກັບຢູ່ບ່ອນກ່ອນວັນທີ 28 ກັນຍາ ປີ 2000; ບັນຫາຕ່າງໆ ຄື, ຮັບຮອງຖານະສຸດທ້າຍເຊິ່ງລວມທັງບັນຫາເຢລູຊາເລັມດັດແກ້ເສັ້ນຢຸດຍິງໃນປີ 1949 ແລະອື່ນໆລ້ວນແຕ່ຕ້ອງໃຫ້ທັງສອງຝ່າຍປາເລັສຕິນກັບອິສຣາແອນເຈລະຈາກັນຕົກລົງ; ຕ້ອງຮັບປະກັນຝັ່ງຕາເວັນຕົກແມ່ນ້ຳຈໍແດນກັບເຂດກາຊາເຊື່ອມຕໍ່ກັນ, ເພື່ອສ້າງຕັ້ງປະເທດປາເລັສຕິນ.
ນອກນີ້, ທ່ານບູສໃຫ້ຄຳໝັ້ນສັນຍາວ່າ, ຈະສະໜອງການຊ່ວຍເຫຼືອທາງເສດຖະກິດໂດຍກົງທີ່ຕົກເປັນເງິນ 50 ລ້ານໂດລາສະຫະລັດແກ່ລັດຖະບານປົກຄອງຕົນເອງປາເລັສຕິນ. ກ່ອນນີ້, ອາເມລິກາອ້າງໂດຍຕະຫຼອດວ່າ, ສະກັດກັ້ນການເສຍທາດຂາດຄຸນ, ເອົາເງິນທີ່ຊ່ວຍເຫຼືອປາເລັສຕິນນັ້ນໃຫ້ແກ່ອົງການບໍ່ແມ່ນຂອງລັດຖະບານ, ພັດໃຫ້ລັດຖະບານປາເລັສຕິນໂດຍກົງໜ້ອຍທີ່ສຸດ. ຄັ້ງນີ້, ທ່ານບຸສໃຫ້ຄຳໝັ້ນສັນຍາດັ່ງກ່າວກໍ່ສະແດງໃຫ້ເຫັນວ່າ, ທ່ານຮັບຮອງຄວາມພະຍາຍາມຂອງທ່ານອັບບາດໃນການໂຈມຕີການເສຍທາດຂາດຄຸນແລະຊຸກຍູ້ການປະຕິຮູບ.
ແຕ່ສິ່ງທີ່ຕ້ອງເອົາໃຈໃສ່ນັ້ນແມ່ນ, ການສະແດງທ່າທີຂອງທ່ານບຸສໃນແຜນ ການເສັ້ນທາງສັນຕິພາບຍັງຄົງຄ້າຍຄືກັນກັບແຕ່ກ່ອນ, ບໍ່ໄດ້ໃຊ້ຫຼັກໝັ້ນແຂງກວ່າເກົ່າຕໍ່ອິສຣາແອນ, ສ່ວນໃຫ້ການຊ່ວຍເຫຼືອທາງເສດຖະກິດໂດຍກົງທີ່ທ່ານບຸສຮັບປະກັນນັ້ນຍັງຕ້ອງຖ້າລັດຖະສະພາອະນຸມັດ, ແຜນການຊ່ວຍເຫຼືອອື່ນໆກໍຕ້ອງຄອຍຖ້າຈັດຕັ້ງປະຕິບັດ. ປັດຈຸບັນ, ສະມາຊິກລັດຖະສະພາຈຳນວນໜຶ່ງຂອງອາເມລິກາຍັງເປັນຫ່ວງນຳສະພາບການເສຍທາດຂາດຄຸນຂອງລັດຖະບານປາເລັສ ຕິນຢູ່, ເຈຕະນາຂີດຂວາງການຜ່ານຍັດຕິກ່ຽວກັບການໃຫ້ເງິນໂດຍກົງ. ສະນັ້ນ, ຖ້າຄຳໝັ້ນສັນຍາຕ່າງໆຂອງຝ່າຍອາເມລິກາທີ່ມີຕໍ່ທ່ານອັບບາສຄັ້ງນີ້ຮັບການບັນລຸຜົນເປັນຈິງໝົດຍັງມີປັດໃຈບໍ່ແນ່ໃຈຈຳນວນໜຶ່ງ.
|
|
|
