ຕາມ​ຂ່າວສານ​ຊິນ​ຮວາ: ວັນ​ທີ 28 ພຶດສະພາ​ນີ້, ສື່​ມວນ​ຊົນ​ແຟງ​ລັງ​ລາຍ​ງານ​ວ່າ, ສະ​ຫະ​ພາບ​ເອີ​ລົບ​ຈະ​ແຕ່ງ​ຜູ່​ຊ່ຽວຊານ 4 ຄົນ​ໄປ​ເຂົ້າຮ່ວມ​ການ​ເຈລະຈາ​ສັນຕິພາບ​ຮອບ 4 ລະ​ຫວ່າງ​ລັດ​ຖະ​ບານ​ອິນ​ໂດ​ເນ​ເຊຍ​ກັບ​ "ຂະ​ບວນການ​ອາ​ເຈະ​ເສລີ" ​ເຊິ່ງ​ເປັນອົງການ​ລັດທິ​ແບ່ງ​ແຍກ​ອາ​ເຈະທີ່​ພວມ​ຈັດ​ຂຶ້ນຢູ່​ແຮນ​ຊິງ​ກີ ນະຄອນຫຼວງ​ແຟງ​ລັງ.

ຜູ່​ຊ່ຽວຊານ 4 ຄົນ​ຂອງ​ສະຫະພາບ​ເອີ​ລົບ​ຈະ​ເຂົ້າຮ່ວມ​ການ​ເຈລະຈາ​ສັນຕິ​ພາບ​ເທື່ອ​ນີ້​​ໃນ​ຖານ​ເປັນ​ນັກ​ສັງ​ເກດ​ການ, ​ເພື່ອ​ຕິດຕາມ​ກວດກາ​ສັນຍາ​ສັນຕິພາບ​ທີ່​ລັດຖະບານ​ອິນ​ໂດ​ເນ​ເຊຍ​ກັບ "ຂະ​ບວນການ​ອາ​ເຈະ​ເສລີ" ອາດ​ຈະ​ເຊັນ​ກັນ.