|
ຈີນວາງກົດຫມາຍກົດບັນຍັດແລະນະໂຍບາຍຕ່າງໆຊຸກຍູ້ການພັດທະນາເສດຖະກິດສັງຄົມຂອງເຂດຊົນເຜົ່າສ່ວນຫນ້ອຍ
cri
ຕາມຂ່າວCRI: ວັນທີ 30 ພຶດສະພາ,ຢູ່ປັກກິ່ງ,ທ່ານໂມວເປິນລີ ຮອງຫົວຫນ້າຄະນະກຳມະການວຽກງານຊົນເຜົ່າແຫ່ງລັດຈີນເຜີຍໃຫ້ຮູ້ວ່າ,ຫວ່າງມໍ່ໆນີ້,ລັດຖະ ບານຈີນໄດ້ວາງກົດຫມາຍກົດບັນຍັດແລະນະໂຍບາຍມາດຕະການຕ່າງໆ,ເພື່ອຊຸກຍູ້ການພັດທະນາເສດຖະກິດແລະພາລະກິດສັງຄົມຂອງຊົນເຜົ່າສ່ວນຫນ້ອຍແລະເຂດຊົນເຜົ່າ.
ໃນງານຖະແຫລງຂ່າວທີ່ຫ້ອງການຖະແຫລງຂ່າວຄະນະລັດຖະບານຈີນຈັດຂຶ້ນໃນວັນທີ 30 ພຶດສະພາ,ທ່ານໂມວເປິນລີແນະນຳວ່າ,ໃນກອງປະຊຸມວຽກງານຊົນເຜົ່າສູນກາງທີ່ຫາກໍ່ອັດລົງ,ທ່ານຫູຈິນທາວ ປະທານປະເທດຈີນໄດ້ສະເຫນີອອກມາຢ່າງຈະແຈ້ງວ່າ,ຈະເລັ່ງລັດພັດທະນາເສດຖະກິດແລະພາລະກິດສັງຄົມຂອງເຂດຊົນເຜົ່າຕື່ມອີກ.ກ່ອນນີ້,ລັດຖະບານຈີນໄດ້ຜ່ານຂໍ້ກຳນົດກ່ຽວກັບການປະຕິບັດກົດຫມາຍວ່າດ້ວຍເຂດຊົນເຜົ່າປົກຄອງຕົນເອງ,ຈັດຕັ້ງປະຕິບັດກົດຫມາຍສະບັບດັ່ງກ່າວ,ເພື່ອສະຫນັບສະຫນູນການພັດທະນາຂອງຊົນເຜົ່າສ່ວນຫນ້ອຍແລະເຂດຊົນເຜົ່າ.
|
|
