|
ຊົນເຜົ່າສ່ວນຫຍ້ອຍຂອງຈີນມີສິດເປັນເຈົ້າຕົນເອງເລືອກໃຊ້ພາສາແລະຕົວຫນັງສືຂອງຊົນເຜົ່າຕົນຫລືພາສາແລະຕົວຫນັງສືທີ່ລັດໃຊ້ທົ່ວໄປ
cri
ຕາມຂ່າວCRI: ວັນທີ 30 ພຶດສະພາ,ຢູ່ປັກກິ່ງ,ທ່ານຈູເວີຍຊິນ ຮອງຫົວຫນ້າຄະນະແນວໂຮມສູນກາງພັກກອມມູນິດຈີນກ່າວວ່າ,ມວນຊົນຊົນເຜົ່າສ່ວນຫນ້ອຍຂອງຈີນມີສິດເປັນເຈົ້າຕົນເອງເລືອກໃຊ້ພາສາແລະຕົວຫນັງສື.
ໃນງານຖະແຫລງຂ່າວທີ່ຫ້ອງການຖະແຫລງຂ່າວຄະນະລັດຖະບານຈີນຈັດຂຶ້ນໃນວັນທີ 30 ພຶດສະພາ,ທ່ານຈູເວີຍຊິນແນະນຳວ່າ,ໃນລັດຖະທຳມະນູນແລະກົດຫມາຍວ່າດ້ວຍເຂດຊົນເຜົ່າປົກຄອງຕົນເອງຂອງຈີນໄດ້ລະບຸໄວ້ຢ່າຄັກແນ່ວ່າ,ບັນດາຊົນເຜົ່າສ່ວນຫນ້ອຍຂອງຈີນມີສິດເສລີໃນການເລືອກໃຊ້ພາສາແລະຕົວຫນັງສືຂອງຊົນເຜົ່າຕົນ,ພ້ອມທັງຊີ້ອອກຢ່າງຈະແຈ້ງວ່າ,ພາສາແລະຕົວຫນັງສືຈີນກາງທີ່ເປັນແບບສະບັບແມ່ນພາສາແລະຕົວຫນັງສືທີ່ໃຊ້ໃນທົ່ວປະເທດ,ຊົນເຜົ່າຕ່າງໆກໍ່ໃຊ້ໄດ້.
ທ່ານຈູເວີຍຊິນເວົ້າວ່າ,ສຳລັບມວນຊົນຊົນເຜົ່າສ່ວນຫນ້ອຍຈຳນວນຫນຶ່ງທີ່ບໍ່ຮູ້ພາສາຈີນກາງ,ລັດຖະບານຈະສ້າງສະພາບແວດລ້ອມດ້ານພາສາແລະຕົວຫນັງສືທີ່ດີໃນດ້ານເສດຖະກິດ ສັງຄົມແລະຊີວິດການເປັນຢູ່ຂອງພວກເຂົາເຈົ້າ,ພ້ອມກັນນັ້ນ,ເຜີຍແຜ່ການສອນສອງພາສາຢູ່ໂຮງຮຽນ.
|
|
