|
ຊົນເຜົ່າສ່ວນໜ້ອຍຂອງຈີນສ່ວນຫຼາຍ ຕັ້ງພູມລຳເນົາຢູ່ເຂດຊາຍແດນທີ່ຂ້ອນຂ້າງທຸກຍາກແລະຫຼ້າຫຼັງ.ເພື່ອປ່ຽນແປງສະພາບທຸກຍາກແລະຫຼ້າຫຼັງຂອງເຂດຊົນເຜົ່າຢູ່ຊາຍແດນ,ປີ2000,ລັດຖະບານຈີນໄດ້ເລີ່ມປະຕິບັດການເຄື່ອນໄຫວ ສ້າງເຂດຊາຍແດນໃຫ້ຈະເລີນຂຶ້ນ,ໃຫ້ປະຊາຊົນເຂດຊາຍແດນຮັ່ງມີຂຶ້ນ.ໄດ້ລົງທຶນຫຼາຍກວ່າເກົ່າຕໍ່ເຂດຊົນເຜົ່າຢູ່ຊາຍແດນ,ເພີ່ມທະວີການກໍ່ສ້າງພື້ນຖານໂຄງລ່າງ,ແກ້ໄຂຄວາມຫຍຸ້ງຍາກພິເສດໃນການຜະລິດແລະຊີວິດການເປັນຢູ່ຂອງມວນຊົນທ້ອງຖິ່ນດັ່ງກ່າວ.ແຕ່ປະຕິບັດການເຄື່ອນໄຫວດັ່ງກ່າວເປັນເວລາ5ປີມານີ້,ໄດ້ຮັບໝາກຜົນອັນເດັ່ນຊັດ.ພື້ນຖານໂຄງລ່າງຢູ່ເຂດຊາຍແດນຈີນແລະເງື່ອນໄຂການຜະລິດແລະຊີວິດການເປັນຢູ່ຂອງມວນຊົນທ້ອງຖິ່ນໄດ້ຮັບການປົວແປງໃຫ້ດີຂຶ້ນ.
ຊົນເຜົ່າສ່ວນໜ້ອຍຂອງຈີນສ່ວນຫຼາຍຕັ້ງພູມລຳເນົາຢູ່ເຂດຊາຍແດນ.ຢູ່ຕາມເສັ້ນຊາຍແດນຍາວ2ໝື່ນ2ພັນກິໂລແມັດຂອງຈີນ,ມີ1ໝື່ນ9ພັນກິໂລແມັດແມ່ນເຂດຊົນເຜົ່າສ່ວນໜ້ອຍ.ໃນເມືອງຊາຍແດນຈຳນວນ135ເມືອງຂອງທົ່ວປະເທດຈີນ,ມີເຂດຊົນເຜົ່າສ່ວນໜ້ອຍປົກຄອງຕົນເອງ107ແຫ່ງ,ໃນຍອດຈຳນວນປະຊາກອນຢູ່ເຂດຊາຍແດນ21ລ້ານຄົນ,ຊົນເຜົ່າສ່ວນໜ້ອຍໄດ້ກວມ48%.ຍ້ອນມູນເຫດຕ່າງໆເຊັ່ນປະຫວັດສາດ,ທີ່ຕັ້ງພູມສາດ,ທຳມະຊາດເປັນຕົ້ນ,ເງື່ອນໄຂທຳມະຊາດຢູ່ເຂດຊົນເຜົ່າທີ່ຢູ່ຊາຍແດນຂອງຈີນແມ່ນຂີ້ຮ້າຍສົມຄວນ,ການພັດທະນາດ້ານເສດຖະກິດແລະວັດທະນະທຳຍັງຂ້ອນຂ້າງຫຼ້າຫຼັງ,ພື້ນຖານໂຄງລ່າງຕ່າງໆເຊັ່ນຄົມມະນາຄົມ,ໂທລະຄົມ,ພະລັງງານແລະຊົນລະປະທານເປັນຕົ້ນຍັງຂ້ອນຂ້າງອ່ອນແອ,ເພື່ອຊ່ອຍເຫຼືອເຂດຊົນເຜົ່າຢູ່ຊາຍແດນຫຼຸດພົ້ນຈາກສະພາບທຸກຍາກຫຼ້າຫຼັງໂດຍໄວ,ຫຼຸດຄວາມຜິດໂຕນກັນລະຫວ່າງເຂດດັ່ງກ່າວກັບເຂດພັດທະນາໃຫ້ໜ້ອຍລົງ,ປີ1998,ຄະນະກຳມະການວຽກງານຊົນເຜົ່າແຫ່ງຊາດຈີນໄດ້ລິເລີ່ມຈັດການເຄື່ອນໄຫວສ້າງເຂດຊາຍແດນໃຫ້ຈະເລີນຂຶ້ນ,ໃຫ້ປະຊາຊົນເຂດຊາຍແດນຮັ່ງມີຂຶ້ນ.ປີ2002,ລັດຖະບານຈີນໄດ້ຈັດຕັ້ງປະຕິບັດການເຄື່ອນໄຫວດັ່ງກ່າວຢ່າງຮອບດ້ານ.
ຕາມຄະນະກຳມະການວຽກງານຊົນເຜົ່າແຫ່ງຊາດຈີນສະເໜີໃຫ້ຮູ້ວ່າ,ໃນ5ປີມານີ້,ລັດຖະບານກາງຈີນໄດ້ລົງທຶນ264ລ້ານຢວນເຂົ້າໃນການສະໜັບສະໜູນການເຄື່ອນໄຫວສ້າງສາເຂດຊາຍແດນໃຫ້ຈະເລີນຄືນໃໝ່,ໃຫ້ປະຊາຊົນເຂດຊາຍແດນຮັ່ງມີຂຶ້ນ,ໄດ້ດູດດຶງແລະຊັກນຳທຶນປະເພດອື່ນໆເປັນຈຳນວນຫຼວງຫຼາຍເຂົ້າສູ່ເຂດຊາຍແດນ,ສ້າງໂຄງການ2ໝື່ນກວ່າລາຍເພື່ອ ສ້າງເຂດຊາຍແດນໃຫ້ຈະເລີນຂຶ້ນ,ໃຫ້ປະຊາຊົນເຂດຊາຍແດນຮັ່ງມີຂຶ້ນ,ເຊິ່ງກ່ຽວພັນເຖິງບັນດາຂົງເຂດແຫ່ງການພັດທະນາເສດຖະກິດແລະສັງຄົມເຊັ່ນ,ພື້ນຖານໂຄງລ່າງ,ການຜະລິດກະສິກຳ,ການກໍ່ສ້າງຊີວະພາບ,ການສຶກສາວັດທະນະທຳເປັນຕົ້ນ,ເຮັດໃຫ້ພື້ນຖານໂຄງລ່າງຢູ່ເຂດຊາຍແດນຈີນແລະເງື່ອນໄຂການຜະລິດແລະຊີວິດການເປັນຢູ່ຂອງມວນຊົນທ້ອງຖິ່ນໄດ້ຮັບການປົວແປງໃຫ້ດີຂຶ້ນ,ໄດ້ສ້າງພື້ນຖານອັນໝັ້ນແກ່ນເພື່ອເລັ່ງລັດການພັດທະນາ.ຕັ້ງແຕ່ປະຕິບັດການເຄື່ອນໄຫວ ສ້າງເຂດຊາຍແດນໃຫ້ຈະເລີນຂຶ້ນ,ໃຫ້ປະຊາຊົນເຂດຊາຍແດນຮັ່ງມີຂຶ້ນມາເປັນເວລາ5ປີກວ່າມານີ້,ໄດ້ຮັບໝາກຜົນອັນເດັ່ນຊັດ,ອັນໄດ້ຮັບຄວາມຊົມເຊີຍຈາກມວນຊົນບັນດາເຜົ່າຢູ່ເຂດຊາຍແດນ.
ທ່ານຊ້ຽນເຈຍສຽງ ຂອງຕາແສງເຜົ່າເຕີອາງກິ່ງແຂວງໃຕ້ຮຸ່ງເຜົ່າໄທລື້ເຜົ່າຈິງໂພໃຕ້ຮຸ່ງປົກຄອງຕົນເອງຂອງແຂວງຢຸນນານຈີນເວົ້າຢ່າງມີຄວາມຮູ້ສຶກອັນເລິກເຊິ່ງວ່າ:
"ຕາແສງພວກເຮົາໄດ້ນຳໃຊ້ເງິນທຶນສະໜັບສະໜູນການເຄື່ອນໄຫວ ສ້າງເຂດຊາຍແດນໃຫ້ຈະເລີນຂຶ້ນ,ໃຫ້ປະຊາຊົນເຂດຊາຍແດນຮັ່ງມີຂຶ້ນ,ລົງທຶນ1ແສນ5ໝື່ນຢວນຊ່ອຍຊາວບ້ານສ້າງແຫຼ່ງປູກໝາກໄມ້ເສດຖະກິດງວດໜຶ່ງເຊັ່ນໝາກກ້ວຍ,ໝາກກໍ່,ໝາກໝັ້ນ,ໝາກກ້ຽງ,ກາເຟເປັນຕົ້ນ.ໄດ້ລົງທຶນ5ໝື່ນຢວນສະໜອງໝູນ້ອຍພັນດີໃຫ້ຊາວບ້ານໂດຍບໍ່ເກັບຄ່າ.ທ່ານລ້າຍລ້າຊວນ ຫົວໜ້າໜ່ວຍຊາວບ້ານ ນຳໜ້າລ້ຽງໝູ,ໃນລາຍໄດ້ຂອງປີໜຶ່ງ,ພຽງແຕ່ການລ້ຽງໝູກໍໄດ້5ພັນກວ່າຢວນ.ຊາວບ້ານອື່ນໆໄດ້ເຫັນແລ້ວ,ເລີຍທະຍອຍກັນຮ້ອງຂໍເດີນໄປຕາມເສັ້ນທາງພັດທະນາກະສິກຳຊີວະຊາດຄືປ່າໄມ້-ອາຍເມຕານ-ໝາກໄມ້"
|
