|
|
 |
| (GMT+08:00)
2005-05-31 20:33:09
|
 |
|
ທ່ານຊາລອນສະແດງຄວາມບໍ່ພໍໃຈຕໍ່ຜົນການເຈລະຈາລະຫວ່າງທ່ານບຸສກັບທ່ານອັບບາສ
cri
ຕາມຂ່າວສານຊິນຮວາ, ໜັງສືພິມຮາອາເລັສຂອງອິສລາແອນສະບັບວັນທີ31ພຶດສະພາລາຍງານວ່າ, ວັນທີ30ພຶດສະພາ, ໃນເວລາທ່ານຊາລອນ ນາຍົກລັດຖະມົນຕີອິສລາແອນກ່າວຄຳປາໄສຕໍ່ສະມາຊິກຄະນະກຳມາທິການເບີກເງິນຂອງສະພາຕ່ຳອາເມລິການັ້ນ, ທ່ານກ່າວວ່າ, ທ່ານຮູ້ສຶກບໍ່ພໍໃຈຕໍ່ຜົນການເຈລະຈາລະຫວ່າງທ່ານບຸສ ປະທານາທິບໍດີອາເມລິກາກັບທ່ານອັບບາສ ປະທານອົງການອຳນາດແຫ່ງຊາດປາເລສຕິນທີ່ໄປຢາມອາເມລິກາໃນວັນທີ26ພຶດສະພາ.
ທ່ານຊາລອນກ່າວວ່າ, ອີງຕາມຜົນການເຈລະຈາລະຫວ່າງທ່ານບຸສກັບທານອັບບາສ, ອາເມລິກາອະນຸຍາດໃຫ້ລັດຖະບານປາເລສຕິນເລີ່ມປົດອາວຸດຂອງອົງການຫົວຮຸນແຮງປາເລສຕິນພາຍຫຼັງການເລືອກຕັ້ງຄະນະກຳມະການນິຕິບັນຍັດທີ່ຈັດຂຶ້ນໃນເດືອນກໍລະກົດປີນີ້, ນີ້ໝາຍຄວາມວ່າໜ້າທີ່ຮີບດ່ວນທີ່ສຸດຂອງປາເລສຕິນໃນສະເພາະໜ້ານີ້ບໍ່ແມ່ນວຽກງານປົດອາວຸດຂອງກອງປະກອບອາວຸດອົງການຫົວຮຸນແຮງ. ທ່ານຊາລອນກ່າວວ່າ, ນີ້ຈະເປັນການຂົ່ມຂູ່ຕໍ່ຝ່າຍປາເລສຕິນໃນການປະຕິບັດແຜນການເຄື່ອນໄຫວແຕ່ຝ່າຍດຽວ.
|
|
|
