|
|
 |
| (GMT+08:00)
2005-06-02 16:45:57
|
 |
|
ທ່ານເສິນໄຂເກີ່ ນັກກຳກັບການສະແດງຮູບເງົາຈີນທີ່ມີຊື່ສຽງ
cri
Author: huachunmei
ໃນຊຸມປີ 90 ສະຕະວັດແລ້ວ, ທ່ານເສິນໄຂເກີ່ໄດ້ກຳກັບການສະແດງຮູບເງົາເລື້ອງ"ຊີງເຄີລອບຂ້າເຈົ້າມະຫາຊີວິດຊິນສີວອງເຕ້" ເຊິ່ງເປັນຮູບເງົາອີງປະຫວັດສາດເລື່ອງໜຶ່ງອີກ, ແລະເປັນຮູບເງົາຈີນທີ່ລົງທຶນຫຼາຍ, ທັງຖ່າຍຫຼາຍແລະມີນັກສະແດງຫຼາຍກວ່າໝູ່ໃນຄາວນັ້ນ, ທ່ານເສິນໄຂເກີ່ໄດ້ໃຊ້ເວລາກຽມຖ່າຍຮູບເຖິງ 5 ປີ, ອາດເວົ້າໄດ້ສູມເຫື່ອສູມແຮງຫຼາຍທີ່ສຸດ. ໂດຍອີງຕາມຄຳຄິດຄຳເຫັນຂອງຄົນທັງຫຼາຍ, ທ່ານເສິນໄຂເກີ່ໄດ້ດັດແກ້ຮູບເງົາດັ່ງກ່າວ. ຕໍ່ມາ, ໃນເວລາເອົາຮູບເງົາເລື່ອງນີ້ອອກສາຍຢູ່ຈີນແລະຍີ່ປຸ່ນ, ກໍຂາຍປີ້ໄດ້ຫຼາຍທີ່ສຸດ.
ເມື່ອກ້າວເຂົ້າສູ່ຊຸມປີ 90ສະຕະວັດແລ້ວ, ຜູ່ທຳທ່າຮູບເງົາຈີນປະເຊີນກຳລັງໜີບຈາກຕະຫຼາດຮູບເງົາຢ່າງຂ້ຽວຂາດ, ແຕ່ທ່ານເສິນໄຂເກີ່ ຜູ່ຖ່າຍຮູບເງົາສິນລະປະກຳຍັງຮັກສາທັດສະນະມະນຸດຊາດໃນຮູບເງົາຂອງຕົນໄວ້ຢູ່ຄືເກົ່າ, ສະແຫວງຫາຄູນຄ່າສິນລະປະຂອງຮູບເງົາ, ເພິ່ນເວົ້າວ່າ, ຮູບເງົາສິນລະປະເປັນຮູບເງົາແຫ່ງຄວາມຈິງໃຈ. ເພິ່ນເວົ້າວ່າ, "ຮູບເງົາສິນລະປະກໍແມ່ນຮູບເງົາແຫ່ງຄວາມຈິງໃຈ, ແມ່ນອອກມາຈາກດວງໃຈ ອອກມາຈາກວິນຍານ, ໃນຊົ່ວຊີວິດຂອງຄົນທີ່ສ້າງຮູບເງົາແຫ່ງຄວາມຈິງໃຈໄດ້ນັ້ນແມ່ນມີໜ້ອຍທີ່ສຸດ, ບາງທີກໍສ້າງໄດ້ເລື້ອງໜຶ່ງ ສອງເລື້ອງທໍ່ນັ້ນ."
ພາຍໃນ 18 ປິ, ທ່ານເສິນໄຂເກີ່ ເຊິ່ງເປັນນັກປາດທີ່ຄຸນນະທາດນັ້ນກໍໄດ້ຖ່າຍທຳຮູບເງົາພຽງ 8 ເລື້ອງທໍ່ນັ້ນ, ເພິ່ນບໍ່ແມ່ນຜູ່ກຳກັບການສະແດງທີ່ຖ່າຍທຳຮູບເງົາເປັນຈຳນວນຫຼວງຫຼາຍ, ແຕ່ວ່າ, ເພິ່ນຖ່າຍທຳເລື່ອງໜຶ່ງໆລ້ວນແຕ່ໄດ້ຜ່ານການພິຈາລະນາຢ່າງຮອບຄອບ, ຫງຳແລ້ວຫງຳອີກ. ສະນັ້ນ, ຮູບເງົາຂອງເພິ່ນພໍໄດ້ນຳອອກມາສາຍຈິ່ງລ້ວນແຕ່ໄດ້ເຮັດໃຫ້ວົງການຮູບເງົາຈີນແລະຕ່າງປະເທດເອົາໃຈໃສ່ທີ່ສຸດ. ຮູບເງົາຊຂອງເພິ່ນສ່ວນຫຼາຍແມ່ນໄດ້ມີຄວາມເອົາໃຈໃສ່ອັນເລິກເຊິ່ງຂອງຜູ່ກຳກັບການສະແດງຕໍ່ວັດທະນະທຳທີ່ມີມູນເຊື້ອຕໍ່ສະພາວະແຫ່ງຄວາມຢູ່ລອດແລະໂຊກຊະຕຳກຳຂອງຄົນທັງຫຼາຍ, ທັງມີຄວາມຮັບຮູ້ທາງເຫດຜົນທີ່ສົງໄສກັບການຕຳໜິວີຈານ, ທັງສະແດງອອກເຖິງອຸດົມຄະຕິຕໍ່ອະນາຄົດອີກດ້ວຍ.
ເມື່ອປີ 1999 , ທ່ານເສິນໄຂເກີ່ໄດ້ຮ່ວມມືກັບໂຮມລີວຸດຂອງອາເມລິກາ, ກຳກັບການສະແດງຮູບເງົາເລື້ອງ"ຂ້ານ້ອງຢ່າງນິ້ມນວນ"ທີ່ແຕ່ງຕາມນະວະນິຍາຍຊື່ດຽວຂອງນັກປະພັນເພດຍິງອັງກິດ. ນີ້ແມ່ນການທົດລອງເທື່ອໃໝ່ຂອງເພິ່ນໃນດ້ານສິນລະປະ.
ທ່ານເສິນໄຂເກີ່ເຫັນວ່າ, ຈະຖ່າຍຮູບເງົາຫຍັງກໍຕາມ, ແຕ່ສະພາບຈິດໃຈຂອງຜູ່ປະດິດສ້າງແມ່ນສຳຄັນກວ່າໝູ່. ເພິ່ນເວົ້າວ່າ, "ສະພາວະປະດິດສ້າງດີກວ່າໝູ່ແມ່ນຮັກສາຈິດໃຈຍາມເດັກ, ແມ່ນຫຍັງກໍບໍ່ມີ, ຢ່າຈື່ເລີຍວ່າເຄີຍໄດ້ຮັບລາງວັນຫັຍງ, ຕ້ອງຮັກສາສະພາວະເປັນຄົນທຳມະດາສາມັນ, ຈຶ່ງຈະກ້າວເດີນໄປໜ້າໄດ້."
1 2
|
|
|
