|
ວິທີປ້ອງກັນແລະປົວພະຍາດຕີນຄັນ
cri
Author: li
 ພະຍາດຕີນຂີ້ຫິດ ທາງແພດສາດເອີ້ນວ່າພະຍາດຕີນຄັນ,ເປັນພະຍາດໝົດຄີງຊະນິດໜຶ່ງຍ້ອນຂາດວິຕາມິນເບ,ໃນລາຍການສຸກສາລາພາກນີ້ ພວກເຮົາຈະແນະນຳວິທີປ້ອງກັນແລະປົວພະຍາດຕີນຄັນ.
ພະຍາດຕີນຄັນແມ່ນພະຍາດຜິວໜັງທີ່ມັກເປັນຍ້ອນຕິດເຊື້ອເຫັດ. ເມື່ອເປັນພະຍາດຕີນຄັນ,ຫງ່າມນີ້ວຕີນແລະພື້ນຕີນຈະຮູ້ສຶກຄັນ,ຜິວລະຫວ່າງນີ້ວຂາວອາກລາກ,ເປື່ອຍ,ໜັງລອກ. ຜິວຕາມພື້ນຕີນມັກເປັນຕຸ່ມນ້ອຍ,ແລ້ວຕົກເກັດ,ແຄມຕຸ່ມໜັງອາດຈະໜາຂຶ້ນ,ແລະແຕກຍະອອກ. ຕີນຂີ້ຫິດຖ້າບໍ່ປົວໄວໆ,ອາດຈະລາມໄປຮອດມືແລະເລັບເປັນຕົ້ນ,ບາງທີຍ້ອນຄັນຫຼາຍຈຶ່ງເກົາຈົນແຕກ,ແລ້ວຕິດເຊື້ອພະຍາດອີກ,ຈະພາໃຫ້ເປັນພະຍາດອື່ນຢ່າງໜັກໜ່ວງ. ການປິ່ນປົວພະຍາດຕີນຄັນຕົ້ນຕໍຕ້ອງໃຊ້ຢາຕ້ານເຊື້ອເຫັດ.
ການປ້ອງກັນພະຍາດຕີນຄັນຕ້ອງລະວັງບໍ່ໄປບາຍຕີນຂອງຜູ້ເປັນຕີນຂີຫິດຫຼືເຄື່ອງທີ່ຄົນເຈັບເຄີຍໃຊ້. ປັດຈຸບັນ ມີຜູ້ເປັນພະຍາດຕີນຄັນຫຼາຍ,ສະນັ້ນ ເກີບ,ຖົງຕີນ,ຊາມລ້າງຕີນ,ອ່າງອາບນ້ຳຈົນຮອດພື້ນຫ້ອງອາບນ້ຳທີ່ພວກເຂົາເຈົ້າເຄີຍໃຊ້ລ້ວນແຕ່ອາດຈະມີເຊື້ອເຫັດທີ່ພາໃຫ້ເປັນຂີ້ຫິດໄດ້,ສະນັ້ນຈຶ່ງຕ້ອງລະມັດລະວັງ.
ການປົວພະຍາດຕີນຄັນຕ້ອງລະວັງຫຼາຍຂໍ້ດັ່ງລຸ່ມນີ້ຄື:
ໜຶ່ງ,ຕ້ອງໃຊ້ຢາບໍ່ຂາດ. ພະຍາດຕີນຄັນແມ່ນພະຍາດຕິດເຊື້ອໂຣກຊຳເຮື້ອ,ເຊື້ອເຫັດເກາະກິນແຜ່ເຊື້ອຢູ່ຕາມຫຼືບໜັງ,ຕ້ອງທາຢາເປັນເວລາດົນນານຈຶ່ງຂ້າມັນຕາຍໄດ້.
ສອງ,ຢ່າໃຊ້ຢາອື່ນທົ່ວທີບ. ມີຄົນເອົາຢາອັສເປຍລິນບົດໃຫ້ມຸ່ນ ແລ້ວໂຮຍໃສ່ຫງ່າມນີ້ວຕີນທີ່ເປື່ອຍ,ໃນທີ່ສຸດເຮັດໃຫ້ເປັນແຜເປື່ອຍ,ເຈັບປວດດົນນານບໍ່ຫາຍຈັກເທື່ອ.
ສາມ,ການທາຢາຕ້ອງອີງຕາມອາການພະຍາດທີ່ປ່ຽນແປງ. ແຕ່ຕ້ອງລະວັງບ່ອນແຕກ,ບ່ອນເປື່ອຍ,ຢ່າໃຊ້ທິງເຈີຄືນ້ຳຢາທີ່ເອົາຢາປະສົມໃສ່ເຫຼົ້າເກົ້າສິບ,ບ່ອນໜັງໜາຂຶ້ນ,ບ່ອນແຕກຄວນໃຊ້ຢາໜຽວ. ເປື່ອຍ,ມີນ້ຳອອກ,ຄວນໄປປົວຢູ່ໂຮງໝໍ,ໃຫ້ນາຍໝໍປົວໃຫ້ຕາມສະພາບການ.
ສີ່,ຖ້າພະຍາດຕີນຄັນຕິດເຊື້ອພະຍາດອື່ນອີກ,ບາງພາກສ່ວນອັກເສບກະທັນຫັນ,ກໍບໍ່ຄວນປົວຕາມພະຍາດຕີນຄັນທຳມະດາ,ຄວນແກ້ອາການອັກເສບກ່ອນ. ຖ້າບວມແດງ,ໃຫ້ທານ້ຳອາຊິດບໍຣິກອຸ່ນມາລ້າງກໍແກ້ອັກເສບແລະແກ້ບວມໄດ້,ໃນເວລາຈຳເປັນຍັງຕ້ອງໃຊ້ຢາຕ້ານເຊື້ອໝົດຄີງ,ແລະພັກຜ່ອນຢ່າງເໝາະສົມຕາມຄຳສັ່ງຂອງນາຍໝໍ.
|
|
